ຍິງ​ຊາວ​ຈີນ​ອາຍຸ 57 ປີ ດື່ມ​ເຫລົ້າ​ຈົນ​ເມົາ ກ່ອນ​ລົງ​ລອຍ​ໃນ​ແມ່ນ້ຳ​ແຍງ​ຊີ 10 ຊົວໂມງ. ເປັນ​ລະ​ຍະ​ທາງ 75 ກິໂລແມັດ.   ພິດ​ເຫລົ້າ​ອາດ​ເຮັດໃຫ້​ທ່ານ​ຂາດ​ສະຕິ​ໄດ້ ​ປ້າ​ຄົນນີ້​ເມົາ​ແລ້ວ​ພ້ຽນ ລອຍ​ໄປ​ໂຜ່​ອີກ​ມົນ​ທົນ​ໜຶ່ງ​ເປັນ​ລະ​ຍະ​ທາງ​ເຖິງ 75 ກິໂລແມັດ. ນາງ​ຜູ້​ແຂງແຮງແບບ​ຂາດ​ສະຕິ​ລາຍ​ນີ້ ຊື່​ວ່າ ເຊີນ​ອ້າຍ​ຫລັນ ອາຍຸ 57 ປີ ດື່ມ​ເຫລົ້າ​ຂາວ ໄປຈິ່ວ ພຽງ​ຄົນ​ດຽວ​ໄປ​ເຖິງ 2 ແກ້ວ ແລະ ​ທັນ​ທີ​ທີ່​ລິດ​ນ້ຳ​ເມົາ​ອອກກໍ່​ຂາດ​ສະຕິ ຢາກ​ໄປ​ອອກ​ກຳ​ລັງ​ກາຍ​ດ້ວຍ​ການ​ລອຍ​ໃນ​ແມ່ນ້ຳ ບໍ່​ເຊື່ອ​ກໍ​ຕ້ອງ​ເຊື່ອ​ແທ້ໆ ວ່າ​ຄົນ​ເມົາ​ຈະ​ມາ​ໄກ​ເຖິງ​ພຽງ​ນີ້ ເພາະ​ເຈົ້າ​ນາງ​ລອຍ​ຂ້າມ​ແມ່ນ້ຳ​ແຍງ​ຊີ​ຈາກ​ມົນ​ທົນ​ຫູ​ເປຍ ໄປ​ຍັງ​ມົນ​ທົນ​ຈຽງ​ຊີ ເປັນ​ລະ​ຍະ​ທາງ​ເຖິງ 75 ກິໂລ ລວມ​ລະ​ຍະ​ເວລາ​ທັງ​ໝົດ 10 ຊົ່ວໂມງ ໂຊກດີທີ່​ນາງ​ບໍ່​ຕ້ອງ​ເປັນ​ສົບ​ອືດ​ຟູ​ນ້ຳ ເພາະ​ມີ​ຄົນ​ໄດ້ຍິນ​ສຽງ​ຂອງ​ເຈົ້າ​ປ້າ​ຮ້ອງ​ຂໍ​ຄວາມ​ຊ່ວຍເຫລືອ ຈຶ່ງ​​​ເຂົ້າໄປ​ຊ່ວຍ​ຊີວິດ​ຂອງ​ນາງ​ໄວ້​ທັນ​ເວລາ ນາງ​ອ້າຍ​ຫລັນ ບອກວ່າ ຕອນ​ລົງ​ນ້ຳ​ໄປ​ຮູ້ສຶກ​ມຶນ​ຫົວ​ຫລາຍ ແຕ່​ພໍ​ສະຕິ​ກັບ​ຄືນ​ມາ​ກໍ​ເງີຍ​ໜ້າ​ຂຶ້ນ​ເບິ່ງ​ຟ້າ ​ແລະ ​ຮູ້​ວ່າ​ເປັນ​ຕອນ​ກາງ​ຄືນ 10 ຊົວໂມງ.  ທີ່​ລອຍ​ໄປ​ນັບ​ວ່າ​ເກັ່ງ​ຫລາຍ ເພາະ​ກ້ອງ​ກະ​ແສ​ນ້ຳ​ມີ​ຫຍັງ​ຫລວງຫລາຍ​ທັງ​ທອນ​ໄມ້ ປາ​ຊະນິດ​ຕ່າງໆ ແຕ່​ນາງ​ກໍ​ຍັງມີ​ຊີວິດ​ລອດ​ມາ​ໄດ້​ຢ່າງ​ປອດ​ໄພ