spot_img
Homeຂ່າວຕ່າງປະເທດນັກວິໄຈພົບ! ເຊື້ອໂຄວິດ-19ສາຍພັນ P.1 ໃນບຣາຊິນຕິດຕໍ່ງ່າຍເຖິງ 2.2 ເທົ່າ

ນັກວິໄຈພົບ! ເຊື້ອໂຄວິດ-19ສາຍພັນ P.1 ໃນບຣາຊິນຕິດຕໍ່ງ່າຍເຖິງ 2.2 ເທົ່າ

Published on

ສຳນັກຂ່າວ CNN ລາຍງານໃນວັນທີ 2 ມີນາ 2021 ວ່າ: ຜົນການສຶກສາໃໝ່ ຂອງນັກວິໄຈໃນປະເທດບຣາຊິນ ແລະ ອັງກິດພົບວ່າ ເຊື້ອໄວຣັສໂຄວິດ-19 ກາຍພັນ ສາຍພັນທີ່ພົບເປັນຄັ້ງທຳອິດໃນປະເທດບຣາຊິນ ຫຼື ເຊື້ອໄວຣັດ P.1ອາດຕິດຕໍ່ໄດ້ງ່າຍກວ່າສາຍພັນປົກກະຕິສູງເຖິງ 2.2 ເທົ່າ ແລະ ອາດຈະຫຼົບຫຼີກພູມຄຸ້ມກັນກ່ອນການຕິດເຊື້ອຄັ້ງກ່ອນຫຼາຍເຖິງ 61%.

ເອກະສານທາງວິຊາການທີ່ຍັງບໍ່ໄດ້ຮັບການຕີພິມລະບຸວ່າ: ໄວຣັສ P.1 ເຊື່ອມໂຍງກັບຈຳນວນເພີ່ມຂື້ນຂອງຜູ້ຕິດເຊຶ້ອ COVID-19. ໃນຢູ່ເມືອງ Manas (ມານາອັດ) ປະເທດບຣາຊິນ, ໂດຍຈາກການເກັບຕົວຢ່າງໄວຣັສ ລະຫວ່າງເດືອນພະຈິກປີ 2020 ຫາ ເດຶອນມັງກອນ ປີ 2021 ນັກວິທະຍາສາດພົບວ່າ  ອັດຕາສ່ວນຂອງໄວຣັດ P.1 ທີ່ພົບໃນຕົວຢ່າງເພີ່ມຂື້ນຈາກ 0 ໄປເຖິງ 87% ພາຍໃນເວລາ  7 ອາທິດ.

ພວກເຂົາຍັງພົບການກາຍພັນເຖິງ 17 ຈຸດ, ລວມເຖິງການກາຍພັນຂອງກົດອາມິໂນ (amino) ຕຳແໜ່ງທີ່ 501 ເອີ້ນວ່າ ‘N501Y’, ແບບດຽວກັນກັບທີ່ພົບໃນໄວຣັສໂຄວິດ-19ກາຍພັນອັງກິດ ແລະ ອາຟຣິກາໃຕ້ ເຊິ່ງເຊື່ອກັນວ່າ ເຮັດໃຫ້ເຊື້ອໄວຣັສເກາະຕິດກັບເຊວຂອງມະນຸດໄດ້ງ່າຍຂື້ນ  ແລະ ການກາຍພັນຂອງກົດອະມິໂນທີ່ຢູ່ໃນ ຕຳແໜ່ງ 484 ທີ່ມີຊື່ວ່າ ‘E484K’ ເຊິ່ງພົບໃນສາຍພັນອາຟຣິກາໃຕ້ອີກດ້ວຍ. ເຊິ່ງເຊື່ອກັນວ່າຈະເຮັດໃຫ້ເຊື້ອໄວຣັສສາມາດ ຫຼື ຫຼີກລ່ຽງພູມຕ້ານທານໄດ້ຫຼາຍຂື້ນນັກວິທະຍາສາດໄດ້ສ້າງແບບຈຳລອງເພື່ອກວດກາຜົນກະທົບຈາກການກາຍພັນດັ່ງກ່າວ ທີ່ມີຕໍ່ຄວາມສາມາດໃນການຕິດຕໍ່ ຂອງໄວຣັສໂຕນີ້ ໄດ້ພົບວ່າ ໄວຣັດ P.1 ມີອັດຕາການຕິດຕໍ່ຫຼາຍກວ່າໂຄວິດ-19 ສາຍພັນອື່ນໆ. ລວມເຖີງສາຍພັນທຳອິດ1,4 – 2,2 ເທົ່າ ແລະ ມີໂອກາດຫຼີກລ່ຽງພູມຄຸ້ມກັນຈາກການຕິດເຊື້ອໂຄວິດ-19 ເທື່ອກ່ອນ 25% ເຖິງ 65%.

ພ້ອມກັນນັ້ນ, ອັງກິດກໍລາຍງານໃນອາທິດນີ້ວ່າ: ພົບຜູ້ຕິດເຊື້ອໄວຣັດໂຄວິດ-19 ກາຍພັນ P.1 ໃນປະເທດຈຳນວນ 6 ຄົນ. ເວລາດຽວກັນນັ້ນ, ໃນສະຫະລັດພົບ 10 ຄົນ ໃນ5 ລັດໄດ້ແກ່ : ລັດ Alaska, Florida, Maryland, Minnesota ແລະ Oklahoma.

ເຖິງຢ່າງໃດກໍ່ຕາມ, ຜູ້ຊ່ຽວຊານເຕືອນວ່າ: ຜົນວິໄຈລ່າສຸດບໍ່ສາມາດໃຊ້ເພື່ອຄາດການວ່າສິ່ງທີ່ເກີດຂື້ນໃນອັງກິດໄດ້.  ໃນຂະນະທີ່ ສາດສະດາຈານ Ester Sabino ຈາກມະຫາວິທະຍາໄລເຊົາເປົາໂລ (Sao Paulo) ໃນປະເທດບຣາຊິນກ່າວວ່າ: ຕ້ອງມີຜູ້ຕິດເຊຶ່ອຫຼາຍກ່ອນນິ້ ການລະບາດຈຶ່ງຈະເລີ່ມຕົ້ນຂື້ນ ເພາະ 6 ຄົນ ເປັນຈຳນວນທີ່ໜ້ອຍຫຼາຍ ແລະ ເຊື່ອວ່າ ຖ້າເບິ່ງແຍງຮັກສ າແລະ ປະຕິບັດຕາມຄຳແນະນຳຕົວເລກຈະຫຼຸດລົງ.

ຮຽບຮຽງຂ່າວ: ມົນລະດີ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...