ເມື່ອວັນຈັນທີ່ຜ່ານມາ ສານສູງສຸດອາເມລິກາ ໄດ້ຕັດສິນໃຈໃຫ້ໄອຍະການໃນລັດນິວຢອກ ສາມາດເຂົ້າເຖິງເອກະສານທາງການເງິນ ແລະ ຂໍ້ມຸນການເສຍພາສີຂອງ ທ່ານ ໂດນັລ ທຣໍ້າ ໄດ້ ຫຼັງຈາກທີ່ທ່ານ ທຣໍ້າ ພະຍາຍາມຕໍ່ສູ້ເພື່ອປົກປ້ອງຂໍ້ມູນທາງການເງິນຂອງຕົວເອງມາຕະຫຼອດ.
ໄອຍະການໄຊຣັສ ແວນຊ໌ ໄດ້ອອກໝາຍສານຮຽກຮ້ອງໃຫ້ບໍລິສັດບັນຊີ Mazars USA ຜູ້ດູແລບັນຊີຂອງ ທຣໍ້າ ສົ່ງຂໍ້ມູນທາງການເງິນຂອງເຂົາໃຫ້ຄະນະຕຸລາການ ເມື່ອເດືອນສິງຫາປີ 2019 ແຕ່ທ່ານ ທຣໍ້າ ໄດ້ຍື່ນຄຳຮ້ອງຕໍ່ສານສູງສຸດເພື່ອຂໍຢັບຢັ້ງຄຳສັ່ງສານດັ່ງກ່າວ ແຕ່ຫຼັງຈາກທີ່ເຂົາອອກຈາກທຳນຽບຂາວໃນວັນທີ 20 ມັງກອນ ທີ່ຜ່ານມາ.
ທ່ານ ທຣໍ້າໄດ້ປະຕິເສດທີ່ຈະເປີດເຜີຍຂໍ້ມູນການເສຍພາສີຂອງເຂົາ ແຕ່ເມື່ອເດືອນກັນຍາ 2021 ສຳນັກຂ່າວນິວຢອກທາມ ໄດ້ເປິດເຜີຍວ່າ ທຣໍ້າເສຍພາສີພຽງ 750 ລ້ານໂດລາ ໃນປີ 2016-2017.
ໂດນັລ ທຣໍ້າ ຍັງຖືກຟ້ອງໃນຄະດີຢົ້ວຢຸໃຫ້ເກີດການຈໍລະຈົນລັດຖະສະພາສະຫະລັດ ໃນວັນທີ 6 ມັງກອນ 2021 ທີ່ຜ່ານມາ ເຊິ່ງຜູ້ສະໜັບສະໜູນທຣໍ້າໄດ້ບຸກເຂົ້າໄປໃນອາຄານສະພາ ເຮັດໃຫ້ມີຜູ້ເສຍຊີວິດ 5 ຄົນ ເຊິ່ງໜຶ່ງໃນຜູ້ເສຍຊີວິດແມ່ນເຈົ້າໜ້າທີ່ຕຳຫຼວດປະຈຳສະພາ.