spot_img
Homeຂ່າວພາຍ​ໃນປີ​ໂຕຼເທຣດດິງມະຫາຊົນ ສະ​ເໜີ​ຈຳໜ່າຍ​ຮຸ້ນ ​ແລະ ເຂົ້າຈົດ​ທະບຽນ​ໃນ​ຕະຫລາດ​ຫລັກ​ຊັບ​ລາວ 60 ລ້ານ​ຮຸ້ນ

ປີ​ໂຕຼເທຣດດິງມະຫາຊົນ ສະ​ເໜີ​ຈຳໜ່າຍ​ຮຸ້ນ ​ແລະ ເຂົ້າຈົດ​ທະບຽນ​ໃນ​ຕະຫລາດ​ຫລັກ​ຊັບ​ລາວ 60 ລ້ານ​ຮຸ້ນ

Published on

petro trading

ໃນ​ຕອນ​ຄ່ຳ​ວັນທີ 21 ຕຸລາ​ນີ້, ຢູ່​ໂຮງ​ແຮມ​ລາວພລາຊາ ນະຄອນຫລວງ​ວຽງ​ຈັນ ໄດ້​ມີ​ພິທີ​ຖະ​ແຫລ​ງກ່ຽວ​ກັບ​ ບໍລິສັດ

ປີ​ໂຕຼລຽມ ​ເທຼດດິງລາວ ມະຫາຊົນ (Petrol Trade) ຍື່ນ​ຄຳ​ຂໍ​ອອກ​ຈຳໜ່າຍ​ຮຸ້ນ​ສາມັນ​ ເພີ່ມ​ທຶນ​ແກ່ມ​ວນຊົນ​ຄັ້ງທຳ

​ອິດ (IPO) ​ແລະ ຂໍ​ອະນຸມັດ​ນຳ​ຮຸ້ນ​ສາມັນ ​ເຂົ້າ​ຈົດ​ທະບຽນ​ໃນ​ຕະຫລາດ​ຫລັກ​ຊັບ​ລາວ​ຈຳນວນ 60 ລ້ານຮຸ້​ນ ຕໍ່​ຄະນະ

​ກຳມະການ​ຄຸ້ມ​ຄອງ​ຫລັກ​ຊັບ (ສຄຄຊ) ​ເພື່ອ​ລະດົມ​ທຶນ​ຈາກ​ມວນ​ຊົນ ​ເຂົ້າ​ໃນ​ການ​ຂະຫຍາຍ​ທຸລະ​ກິດ ​ແລະ ການ​ບໍ

ລິການ​ນ້ຳມັນ​ຢູ່ ສປປ ລາວ, ທັງ​ເປັນ​ການ​ຮອງ​ຮັບ​ການ​ເຕີບ​ໃຫຍ່​ຂອງຂະ​ແໜງອຸດ​ສະຫະ​ກຳ ​ແລະ ການ​ເປີດ​ປະຊາ​

ຄົມ​ເສດຖະກິດ​ອາ​ຊຽນ​ໃນ​ທ້າຍ​ປີ 2015.​ ໂດຍ​ການ​ຖະ​ແຫລ​ງຂອງ​ທ່ານ ຈັນທອນ ສິດທິ​ໄຊ ຮອງ​ປະທານ​ສະພາ​ບໍລິ

ຫານ​ຜູ້​ອຳນວຍ​ການ​​ບໍລິສັດ ປີ​ໂຕຼ​ລຽມ ເທຼດດິງ ມະຫາຊົນ, ທ່ານ ສົມພົບ ສັກ​ພັນ​ພະນົມ ອຳນວຍ​ການ​ບໍລິສັດ ຫລັກ

​ຊັບ​ເອພີ​ເອັມລາວ (APM LAO) ​ແລະ ສຸລິ​ໄຊ ທິບ​ວົງ​ໄຊ ຮອງ​ອຳນວຍ​ການ​ບໍລິສັດ ຫລັກ​ຊັບ​ລ້ານ​ຊ້າງມະຫາຊົນ.

 

images

 

ທ່ານ ຈັນທອນ ສິດທິ​ໄຊ ກ່າວ​ວ່າ: ​ໃນ​ວັນ​ທີ 20 ຕຸລາ​ຜ່ານ​ມານີ້, ບໍລິສັດ​ພວກ​ເຮົາ​ໄດ້​ຍືນ​ຄຳ​ຂໍອະນຸຍາດ​ສະ​ເໜີ​ຂາຍ​

ຮຸ້ນ​ສາມັນ​ເພີ່ມ​ທຶນ​ ແກ່ມ​ວນຊົນ​ຄັ້ງທຳ​ອິດຕໍ່ (ສຄຄຊ) ຈຳນວນ 60 ລ້ານ​ຮຸ້ນ, ມູນ​ຄ່າ 2.000 ຕໍ່​ຮຸ້ນ ​ແລະ ປັດຈຸບັນ​

ມີ​ທຶນ​ຈົດ​ທະບຽນ​ທີ່​ຊຳລະແລ້ວ 350 ຕື້ກີບ, ມູນຄ່າກຳນົດ 2.000 ກີບ​ຕໍ່​ຮຸ້ນ ​ແລະ ພາຍຫລັງ​ເຂົ້າ​ຈົດ​ທະບຽນ​ໃນ​ຕະ

ຫລາດ​ຫລັກ​ຊັບ​ລາວ (LSX) ບໍລິສັດ​ ຈະ​ມີ​ທຶນ​ຈົດ​ທະບຽນ​ຊຳລະ​ແລ້ວ​ຈຳນວນ 470 ຕື້ກີບ, ມູນ​ຄ່າ​ກຳນົດ 2.000

ກີບຕໍ່​ຮຸ້ນ, ສ່ວນ​ການ​ກຳນົດ​ລາຄາ​ສະ​ເໜີ​ຂາຍ​ຮຸ້ນ​ແກ່ມ​ວນຊົນ ​ຈະ​ມີ​ການ​ກຳນົດລາຄາ​ເມື່ອ (ສຄຄຊ) ອະນຸມັດ​ໃຫ້​

ບໍລິສັດ​ສະ​ເໜີ​ຂາຍ​ຮຸ້ນ​ໃຫ້​ແກ່ມ​ວນຊົນ. ມາ​ຮອດ​ປັດຈຸບັນ, ບໍລິສັດ​ມີ​ສະຖານີ​ບໍລິການ​ນ້ຳມັນ​ໃນ​ທົ່ວ​ປະ​ເທດ 107

​ແຫ່ງ​, ໃນ​ນັ້ນລົງທຶນ​ເອງ 8 ​ແຫ່ງ ​ແລະ ​ເປັນ​ຜູ້ຮ່ວມ​ລົງທຶນ 99 ​ແຫ່ງ, ມີ​ສາງ​ນ້ຳມັນ​ເຊື້ອ​ໄຟຢູ່​ແຂວງ​ວຽງ​ຈັນ, ບໍລິ​

ຄຳ​ໄຊ, ຈຳປາສັກ ​ແລະ ​ໄຊ​ຍະ​ບູລີ ບັນຈຸ​ໄດ້ຫລາຍ​ກວ່າ 3,6 ລ້ານ​ລິດ, ສະນັ້ນ ​ເງິນ​ທີ່​ໄດ້​ໃນ​ການ​ລະດົມ​ທຶນ​ຈາກ​ມວນ​

ຊົນນີ້ ບໍລິສັດ​ຈະ​ນຳ​ໄປ​ຂະຫຍາຍ​ສະຖານີ​ບໍລິການ​ນ້ຳມັນ​ທີ່​ຄົບ​ວົງ​ຈອນ ​ເພື່ອ​ຮອງ​ຮັບ​ການ​ຂະຫຍາຍຕົວ​ຂອງ​ເສດ

ຖະກິດ-ສັງຄົມ ​ແລະ ການ​ຂະຫຍາຍຕົວ​ເມືອງ ຊຶ່ງ​ເປັນ​ສູນ​ກາງຂອງ​ການ​ດຳລົງ​ຊີວິດ​ຂອງ​ຄົນ​ໃນ​ສັງຄົມ ​ແລະ ພັດ

ທະນາ​ປັບປຸງ​ລະບົບ​ຂົນ​ສົ່ງ ​ແລະ ບໍລິການ​ຂອງ​ບໍລິສັດ ທັງ​ຮອງ​ຮັບ​ການ​ເຕີບ​ໂຕ​ຂອງ​ທຸລະ​ກິດ​ເນື່ອງ​ຈາກ​ ສປປ

ລາວ ​ເປັນ​ປະ​ເທດ​ທີ່​ກຳລັງ​ພັດທະນາ ​ແລະ ພາກ​ອຸດ​ສະຫະ​ກຳພວມ​ມີ​ການ​ເຕີບ​ໂຕ​ຕໍ່​ເນື່ອງ ​ເພື່ອ​ກຽມພ້ອມ​ເຂົ້າ

ປະຊາ​ຄົມ​ເສດຖະກິດ​ອາ​ຊຽນ​ໃນ​ທ້າຍປີ 2015.

 

ທ່ານ ສົມພົບ ສັກ​ພັນ​ພະນົມ ອຳນວຍ​ການ​ບໍລິສັດ​ຫລັກ​ຊັບ​ເອພີ​ເອັມລາວ ​ເຊິ່ງ​ເປັນ​ທີ່​ປືກສາ​ການ​ເງິນ​ຂອງ​ ບໍລິ

ສັດ​ປີ​ໂຕຼລຽມ ເທຣດດິງ ກ່າວ​ວ່າ: ການ​ດຳ​ເນີນ​ທຸລະ​ກິດ​ຂອງ​ບໍລິສັດ ມີ​ການ​ເຕີບ​ໃຫຍ່​ຂຶ້ນ​ເປັນ​ລຳດັບ​ຄື: ​ໃນ​ປີ 2011

ມີ​ລາຍ​ຮັບ 905.08 ຕື້ກີບ, ປີ 2012 ມີ​ລາຍ​ຮັບ​ເພີ່ມ​ຂຶ້ນ 1.019,01 ຕື້ກີບ ​ແລະ ປີ 2013 ມີ​ລາຍ​ຮັບ 1.075,04 ຕື້ກີບ,

ຂະນະ​ດຽວ​ກັນ​ ບໍລິສັດ​ມີ​ແຜນ​ຈະ​ຂຶ້ນ​ເປັນ​ຜູ້​ນຳ​ໜ້າ​ໃນ​ທຸລະ​ກິດ​ການ​ຈຳໜ່າຍ​ນ້ຳມັນ​ເຊື້ອ​ໄຟ​ໃນ​ລາວ ໂດຍ​ຕັ້ງ​ເປົ້າ​

ໄວ້​ຄື​ ນັບ​ແຕ່​ປີ 2014 -2018 ຈະ​ເພີ່ມ​ສະຖານີ​ບໍລິການ​ນ້ຳມັນ​ຈຳນວນ 97 ​ແຫ່ງ​ໃນ​ທົ່ວ​ປະ​ເທດ ​ແລະ ​ເມື່ອ​ເຂົ້າຈົດ​

ທະບຽນ​ໃນ​ຕະຫລາດ​ຫລັກ​ຊັບ​​ແລ້ວ​ ຍິ່ງ​ຈະ​ເຮັດ​ໃຫ້​ບໍລິສັດ​ມີ​ຖານະ​ການ​​ເງິນ​ທີ່​ເຂັ້ມ​ແຂງ, ມີ​ຄວາມ​ໜ້າ​ເຊື່ອ​ຖື ​ແລະ

ພາບ​ພົດ​ທີ່ດີ ​ເຊິ່ງ​ເປັນ​ປັດ​ໃຈ​ສຳຄັນ​​ເຮັດໃຫ້ ບໍລິສັດ​ມີ​ການ​ເຕີບ​ໃຫຍ່​ຂະຫຍາຍຕົວ​ຂຶ້ນ​ເທື່ອ​ລະ​ກ້າວ.

 

ທ່ານ​ຮອງ​ອຳນວຍ​ການ​ບໍລິສັດ​ຫລັກ​ຊັບ​ລ້ານ​ຊ້າງ​ມະຫາຊົນ​ ສຸລິ​ໄຊ ທິບ​ພະ​ວົງ ກ່າວ​ວ່າ: ບໍລິສັດ​ພວກ​ເຮົາ​ເປັນ​ຜູ້​

ຮັບປະກັນ​ການຈັດ​ຈຳໜ່າຍ​ 60 ລ້ານ​ຮຸ້ນ ​ແລະ ​ໃນ​ໄວໆ​ນີ້ ຈະ​ມີ​ການ​​ເຜີຍ​ແຜ່​ໃຫ້​ນັກ​ລົງທຶນ​​ໄດ້ຮັບຮູ້ ​ແລະ ​ເຂົ້າ​ໃຈ​

ກ່ຽວ​ກັບ​ການ​ຊື້ຮຸ້ນດັ່ງກ່າວ ​ແລະ ​ໝັ້ນ​ໃຈ​ວ່າ​ຮຸ້ນ​ຂອງ​ບໍລິສັດ​ປີ​ໂຕຼລຽມ ເທຣດດິງ ມະຫາຊົນ ຈະ​ໄດ້​ຮັບ​ຄວາມເຊື່ອ

ຖື​ຈາກ​ມວນ​ຊົນ ກໍ​ຄືນັກ​ລົງທຶນ​ທັງ​ພາຍ​ໃນ ​ແລະ ຕ່າງປະ​ເທດ.

 

ເຂົ້າຮ່ວມພິທີຖະແຫລງຂ່າວດັ່ງກ່າວມີ ທ່ານ ນາງ ວັດທະນາ ດາລາລອຍ ຫົວໜ້າສຳນັກງານຄະນະກຳມະການ

ຄຸ້ມຄອງຫລັກຊັບ ແລະ ທ່ານ ເດດພູວັງ ມູລຣັຕ໌ ອຳນວຍການຕະຫລາດຫລັກຊັບລາວ.

 

ແຫລ່ງຂ່າວ: ລາວພັດທະນາ

ບົດຄວາມຫຼ້າສຸດ

ກ້າວໄປອີກຂັ້ນ! ຍີ່ປຸ່ນສ້າງເລືອດທຽມ ສາມາດໃຊ້ທົດແທນໄດ້ທຸກກຸບເລືອດ ແລະ ສາມາດເກັບຮັກສາໄດ້ດົນກວ່າ 2 ປີ

ເປັນການພັດທະນາທາງດ້ານເຕັກໂຕໂລຊີເລືອດທຽມຂອງປະເທດຍີ່ປຸ່ນທີ່ຈະມາແກ້ໄຂບັນຫາຂາດແຄນເລືອດໃນໂລກ ການພັດທະນາທາງດ້ານການແພດຂອງປະເທດຍີ່ປຸ່ນ ໄດ້ແນ່ໃສ່ຄວາມສຳຄັນໃນການຈັດສັນຫາເລືອດ ດ້ວຍການພັດທະນາເຕັກໂນໂລຊີ ເລືອດທຽມ ທີ່ສາມາດໃຊ້ໄດ້ກັບຄົນເຈັບທຸກກຸບເລືອດ ແລະ ສາມາດເກັບຮັກສາໄດ້ດົນ 2 ປີ. ໃນການວິໄຈຂອງມະຫາວິທະຍາໄລການແພດນາລາ ຂອງປະເທດຍີ່ປຸ່ນ ທີ່ໄດ້ພັດທະນາສານທີ່ເອີ້ນວ່າ hemoglobin vesicles ເປັນຫຼັກການດຶງເອົາ...

ແຜ່ນດິນໄຫວຂະໜາດ 6,0 ຣິກເຕີ ໃນປະເທດອັບການິສະຖານ ເຮັດໃຫ້ມີຜູ້ເສຍຊີວິດ 622 ຄົນ ແລະ ໄດ້ຮັບບາດເຈັບຫຼາຍກວ່າ 1,500 ຄົນ

ເກີດເຫດແຜ່ນດີນໄຫວໃນວັນທີ 31 ກັນຍາ 2025 ທີ່ປະເທດອັບການິສະຖານ ມີຂະໜາດ 6,0 ຣິກເຕີ ເຮັດໃຫ້ມີຜູ້ເສຍຊີວິດຈໍານວນ 622 ຄົນ ລາຍງານຫຼ້າສຸດ, ຈາກເຫດແຜ່ນດິນໄຫວໃນປະເທດອັຟການິສຖານ ທີ່ເກີດຂຶ້ນໃນວັນທີ 31...

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...