ນັກວິໄຈຄົນຍີປຸ່ນພົບວ່າ ກິລາດອກປີກໄກ່ ຊ່ວຍກະຕຸ້ນສະໝອງໄດ້ຫຼາຍກ່ວາກິລາປະເພດອື່ນ ສ່ວນຜູ້ສູງອາຍຸນັ້ນໃຫ້ຫຼີ້ນກິລາປີງປ່ອງແທນ.
ຮູ້ບໍ່ວ່າກິລານອກຈາກດີຕໍ່ສຸຂະພາບແລ້ວ ກິລາບາງຊະນິດຍັງດີຕໍ່ສະໝອງຂອງຄົນເຮົາອີກດ້ວຍ ໂດຍສະເພາະ ກິລາດອກປີກໄກ່ ຜົນການວິໄຈຈາກມະຫາວິທະຍາໄລ Tohoku Gakuin ປະເທດຍີປຸ່ນ ໂດຍການຈັດກຸ່ມຕົວຢ່າງທັງໝົດ 20 ຄົນ ໃຫ້ອອກກຳລັງກາຍໃນຮູບແບບຕ່າງໆ ແລ້ວໃຫ້ລອງເຮັດແບບທົດສອບສະໝອງປຽບທຽບກັນລະຫ່ວາງກ່ອນ ແລະ ຫຼັງການເຮັດກິດຈະກຳພົບວ່າ: ສະໝອງຄົນເຮົາຈະໄດ້ຮັບການກະຕຸ້ນຫຼາຍທີ່ສຸດເມື່ອຫຼີ້ນກິລາດອກປີກໄກ່ ສາມາດເວົ້າໄດ້ວ່າປະສິດທິພາບສູງຂື້ນຢ່າງເຫັນໄດ້ຊັດ.
ຜູ້ຊ່ຽວຊານອະທິບາຍວ່າ: ຍ້ອນກິລາດອກປີກໄກ່ ບໍ່ແມ່ນກິລາທີ່ອາໄສແຕ່ຄວາມແຂງແຮງ ແລະຄວາມໄວເທົ່ານັ້ນ ແຕ່ຍັງຕ້ອງໄດ້ອາໄສການຕັດສິນ ແລະ ການຄວາມຄຸມສາຍຕາກັບມື້ໃຫ້ປະສານກັນ ດັ່ງນັນ ຈຶ່ງສົ່ງຜົນດີຕໍ່ສະໝອງ ແລະຍັງສາມາດຫຼຸດຜ່ອນຄວາມສ່ຽງຕໍ່ພາວະສະໝອງເສື່ອມໄດ້ອີກ ສ່ວນສຳລັບຜູ້ເຖົ້າທີ່ມີອາຍຸຫຼາຍແລ້ວ ຜູ້ຊ່ຽວຊານແນະນຳໃຫ້ຫຼີ້ນກິລາປີງປ່ອງແທນ ເພາະເປັນກິລາທີ່ໃຊ້ທັກສະຄືກກັນກັບກິລາດອກປີກໄກ່ ແລະຍັງເມື່ອຍໜ່ອຍກ່ວາອີກ.
ຮຽບຮຽງໂດຍ :ມົນລະດີ