ຈາກບົດຄວາມໃນເວບໄຊ້ L’OFFICIEL ເວົ້າວ່າ: ຮອຍດຳກ້ອງຂອບຕາເປັນເທນຄວາມງາມໃໝ່ລ່າສຸດ.
ປັດຈຸບັນ ການແຕ່ງໜ້າໄດ້ກ້າວກະໂດດໄປຫຼາຍຈົນບາງຄົນອາດນໍາບໍ່ທັນ ບາງຄັ້ງອາດຮອດເວລາທີຈະຖີ້ມຄອນຊີເລີເພີ່ມຄວາມກະຈາງໃສ ຫຼື ປົກປິດຮອຍດ່າງດຳ ເພື່ອນຳເທນຄວາມງາມລ່າສຸດໃນແອັບ TikTok ໂດຍການເພີ່ມຄວາມດ່າງດຳໃຫ້ຂອບຕາ ຫຼາຍຂື້ນກ່ອນການປົກປິດຕາດຳໄວ້.
ກ່ອນໜ້ານີ້, ສາວໆຫຼາຍຄົນເຮັດທຸກຢ່າງເພື່ອປົກປິດຈຸດດ່າງດຳຂອງຂອບຕາ ແຕ່ຕໍ່ຈາກນີ້ ເຈົ້າບໍ່ຕ້ອງກັງວົນອີກແລ້ວ ເພາະໃນສະມາຄົມຄວາມງາມຂອງ TikTok ເລີ່ມໃຊ້ລັກສະນະຂອງການອົດນອນເມື່ອຕົ້ນເດືອນຂອງປີໃຫມ່ ໂດຍການໃຊ້ຄອນຊີເລີສີເຂັ້ມ ແລະ ອາຍແຊໂດ້ເປັນແທ່ງເພື່ອສ້າງຮ້ອຍດ້າງດຳໄຕ້ດວງຕາໃຫ້ເຂັ້ມຂື້ນຄືກັບການບໍ່ໄດ້ນອນ
ໜື່ງໃນບັນດາຜູ້ໃຊ້ແອັບ TikTok ສະແດງເທນດັ່ງກ່າວຈົນກາຍເປັນໄວຣັສ ເພາະມີຄົນຈຳນວນຫຼາຍເຮັດຕາມລາວ Sara Carstens ອະທິບາຍໃນວີດີໂອວ່າ: ເຫດຜົນທີ່ລາວມີສ່ວນຮ່ວມໃນເທນຂອບຕາດຳນີ້ ເພາະລາວເປັນຄົນມີຂອບຕາດຳຢູ່ແລ້ວ ແລະ ສິ່ງເຫຼົ່ານີ້ກໍເປັນຄວາມງາມທີ່ໂດດເດັ່ນໄດ້ເຊັ່ນກັນ.
ຮຽບຮຽງໂດຍ: ມົນລະດີ