ຊາຍຊາວອາເມຣິກັນ ອ້າງໂທລະສັບໄອໂຟນ 6 ໜ່ວຍໃໝ່ຂອງຕົນບິດງໍ ແລະ ເກີດໄຟລຸກໄໝ້ລາມຊອດໂສ້ງຢີນຂອງເຂົາ
ແລະ ເຮັດໃຫ້ຂາຂອງເຂົາໄດ້ຮັບບາດເຈັບ.
ສຳນັກຂ່າວຕ່າງປະເທດລາຍງານວ່າ ທ້າວ ຟິລິບ ເລດເທີ ຊາຍຊາວອາເມຣິກັນ ໄດ້ເລົ່າເຫດການທີ່ເກີດຂຶ້ນລົງໃນບລັອກ
ສ່ວນຕົວຂອງລາວທາງອິນເຕີເນັດວ່າ ໃນຂະນະທີ່ເຂົາ ພ້ອມດ້ວຍພັນລະຍາ ແລະ ລູກຊາຍອາຍຸ 7 ປີ ກຳລັງຍ່າງທ່ຽວຊົມ
ມະຫາວິທະຍາໄລອາຣິໂຊນາ ສະຫະລັດອາເມຣິກາ ໄດ້ມີລົດລາກຄັນໜຶ່ງແລ່ນມາຕຳເຂົ້າທາງດ້ານຂ້າງຂອງເລົາ ຈາກນັ້ນ
ເຂົາຈິ່ງຮູ້ສຶກຖືກໄຟໄໝ້ບໍລິເວນຂາ ພ້ອມກັບມີກິ່ນໄໝ້ອອກມາຈາກໂສ້ງຢີນ ເຊິ່ງຕໍ່ມາບໍ່ດົນ ເຂົາກໍຈິ່ງຮູ້ວ່າ ສາເຫດມາ
ຈາກໄອໂຟນ 6 ຂອງເຂົາທີ່ຢູ່ໃນຖົງໂສ້ງ ຢູ່ໃນສະພາບບິດງໍ ແລະ ເກີດໄຟລຸກໄໝ້.
ໃນເວລານັ້ນ ມີຜູ້ພົບເຫັນເຫດການຄົນໜຶ່ງ ໄດ້ພະຍາຍາມໃຊ້ນ້ຳຢູ່ໃນຈອກ ຮວດໃສ່ໂສ້ງຂອງເຂົາບ່ອນທີ່ເກີດໄຟໄໝ້
ເພື່ອດັບໄຟ ແລະ ມີຊາຍອີກຄົນໜຶ່ງກໍພະຍາຍາມຊ່ວຍນຳໂທລະສັບໄອໂຟນອອກຈາກໂສ້ງຖິ້ມລົງພື້ນ ຈົນເຮັດໃຫ້ນິ້ວ
ມືຂອງຊາຍຄົນດັ່ງກ່າວໄດ້ຮັບບາດເຈັບ.
ເຫດການດັ່ງກ່າວໄດ້ເຮັດໃຫ້ເຂົາຕ້ອງເຂົ້າເຂົ້າປິ່ນປົວ ບາດແຜໄຟໄໝ້ຮຸນແຮງບໍລິເວນຂາ ລວມເຖິງປິ່ນປົວກະໂພກ
ກົ້ນຂອງເຂົາ ທີ່ໄດ້ຮັບບາດເຈັບຈາກການນຳເອົາໂທລະສັບອອກຈາກຖົງໂສ້ງ.
ທັງນີ້ ໄດ້ມີຜູ້ໃຊ້ງານໂທລະສັບໄອໂຟນ 6 ພລັສ ບາງລາຍໄດ້ກ່າວວ່າ ໂທລະສັບເກີດການບິດງໍ ຈາກການໃສ່ໂທລະສັບໄວ້
ໃນຖົງໂສ້ງ, ແຕ່ທາງບໍລິສັດແອັບເປີ້ນ ໄດ້ອອກມາກ່າວວ່າ ມີຜູ້ຮ້ອງຮຽນມາຍັງບໍລິສັດ ວ່າໂທລະສັບໄອໂຟນ 6 ພລັສ
ເກີດການບິດງໍພຽງ 9 ລາຍ ຈາກຜູ້ທົດລອງໃຊ້ທັງໝົດ 15,000 ລາຍ.
ເບິ່ງຄລິບ: https://www.youtube.com/watch?v=OvhlET39RnM