ອີງຕາມການລາຍງານຂ່າວຈາກ ວຽງຈັນທາມ ໃຫ້ຮູ້ວ່າ: ກົມທະຫານຊາຍແດນ ກົມໃຫຍ່ເສນາທິການກອງທັບໄດ້ມອບເຮືອລາດຕະເວນໃຫ້ກອງບັນຊາການ ປກຊ-ປກສ ແຂວງບໍ່ແກ້ວ ແລະ ແຂວງຫຼວງນໍ້າທາ ເພື່ອນຳໃຊ້ໃນການລາດຕະເວນຕາມເຂດຊາຍແດນ ໃນການປ້ອງກັນການລັກລອບຂົນສົ່ງສິ່ງທີ່ຜິດກົດໝາຍເຂົ້າປະເທດ ແລະ ປ້ອງກັນການລັກລອບກັບຄືນມາປະເທດແບບຜິດກົດໝາຍຂອງຄົນລາວທີ່ໄປເຮັດວຽກຢູ່ບັນດາປະເທດອອ້ອມຂ້າງເພື່ອໜີຈາກພະຍາດໂຄວິດ-19

ເຮືອລາດຕະເວນທີ່ມອບໃນຄັ້ງນີ້້ ປະກອບມີ ເຮືອ 985Y ຈໍານວນ 6 ລໍາ ມອບໃຫ້ກອງບັນຊາການທະຫານ ແຂວງບໍ່ແກ້ວ 04 ລໍາ ແລະ ມອບ ໃຫ້ກອງບັນຊາການທະຫານ ແຂວງຫຼວງນ້ຳທາ 02 ລໍາ, ແລະ ເຮືອລາດຕະເວນ TEL:0756-754888 ຈໍານວນ 6 ລໍາ ມອບໃຫ້ກອງບັນຊາການທະຫານແຂວງບໍ່ແກ້ວ 02 ລໍາ, ໃຫ້ກອງບັນຊາການທະຫານແຂວງຫຼວງນ້ຳທາ 02 ລໍາ ແລະ ກອງບັນຊາການ ປກສ ແຂວງດັ່ງກ່າວ ຜູ້ລະ 1 ລຳ ເພື່ອນໍາໃຊ້ເຂົ້າໃນການປະຕິບັດໜ້າທີ່ວຽກງານໃນການເຄື່ອນໄຫວການລາດຕະເວນທາງນໍ້າ.

ພິທີມອບ-ຮັບ ເຮືອດັ່ງກ່າວ ໄດ້ຈັດຂື້ນເມື່ອບໍ່ດົນມານີ້້ ທີ່ ກອງຮ້ອຍທະຫານຊາຍແດນ 121 ເຊິ່ງມອບໂດຍ ພັນເອກ ດວງ ມາລາ ຮອງຫົວໜ້າກົມທະຫານຊາຍແດນກົມໃຫຍ່ເສນາທິການກອງທັບ.