ສຳນັກຂ່າວຕ່າງປະເທດລາຍງານຈາກຈາກາຕາ ອິນໂດເນເຊຍໃນວັນທີ 1 ກຸມພານີ້ວ່າ ກອງເລຂາອາຊຽນປະຈຳອາຊຽນຢູ່ຈາກາຕາ ແລະ ໃນປີນີ້ປະເທດບຣູໄນ ກຳລັງດຳລົງຕຳແໜ່ງປະທານາທິບໍດີ ເຜີຍແຜ່ຖະແຫຼງການໃນວັນຈັນທີ່ຜ່ານມາ ກ່ຽວກັບສະພາບການລັດຖະປະຫານຢູ່ມຽນມາ ແລະ ໄດ້ປະກາດພາວະສຸກເສີນເປັນເວລາດົນນານ, ຮຽກຮ້ອງໃຫ້ທຸກພາກສ່ວນຮ່ວມກັນຊອກຫາເສັ້ນທາງທີ່ເປັນກາງປະນີປະນອມ ແລະ ການເຈລະຈາເພື່ອເຮັດໃຫ້ສະຖານະການກັບຄືນສູ່ສະພາບປົກກະຕິ.

ພ້ອມດຽວກັນນີ້, ອາຊຽນຂໍເນັ້ນໜັກວ່າຄວາມໝັ້ນຄົງດ້ານການເມືອງຂອງສະມາຊິກອາຊຽນທັງໝົດ ແມ່ນກົນໄກທີ່ສຳຄັນທີ່ຈະນຳໄປສູ່ປະຊາຄົມອາຊຽນທີ່ມີສັນຕິພາບ, ເອກະພາບ ແລະ ຈະເລີນຮຸ່ງເຮືອງ.

ນອກຈາກນັ້ນ, ໜຶ່ງ ໃນບັນດາປັດໃຈຫຼັກຂອງກົດບັດອາຊຽນ ແມ່ນການປະຕິບັດທີ່ຮູ້ກັນໃນນາມ “ເສັ້ນທາງອາຊຽນ” ຫຼື “ວິຖີອາຊຽນ” ແມ່ນການຮ່ວມມືລະຫວ່າງ 10 ປະເທດສະມາຊິກຕັ້ງຢູ່ບົນພື້ນຖານການບໍ່ມີຂໍ້ຂັດແຍ່ງ ໂດຍບໍ່ແຊກແຊງກິດຈະການພາຍໃນລະຫວ່າງກັນ ເນື່ອງຈາກແຕ່ລະປະເທດລ້ວນມີລະບອບປົກຄອງ, ສັງຄົມ ແລະ ວັດທະນະທຳທີ່ແຕກຕ່າງກັນ.

ຮຽບຮຽງຂ່າວ: ພຸດສະດີ