spot_img
Homeຂ່າວຕ່າງປະເທດກອງທັບມຽນມາປະກາດຢຶດອຳນາດຈາກ ອອງ ຊານ ຊູຈີ

ກອງທັບມຽນມາປະກາດຢຶດອຳນາດຈາກ ອອງ ຊານ ຊູຈີ

Published on

ສຳນັກຂ່າວຕ່າງປະເທດລາຍງານຈາກນະຄອນຫຼວງເນປິດ ປະເທດມຽນມາ ເມື່ອວັນທີ 1 ກຸມພາ 2021 ວ່າ ກອງທັບມຽນມາ ອອກຖະແຫຼງຂ່າວມື້ນີ້ ຢືນຢັນການຄວບຄຸມຕົວເຈົ້າໜ້າທີ່ລະດັບສູງຫຼາຍຄົນ ຍ້ອນການເລືອກຕັ້ງທົ່ວປະເທດໃນວັນທີ 8 ພະຈິກປີ 2020 ມີການທຸຈະລິດເປັນວົງກວ້າງ ນັບຈາກນີ້ ເປັນເວລາ 1 ປີ ອຳນາດບໍລິຫານນິຕິບັນຍັດ ແລະ ຕຸລາການຂອງມຽນມາ ໃຫ້ຂຶ້ນກັບການບັນຊາການຂອງ ພົນເອກ ມິນ ອ່ອງ ຫຼ່າຍ ຜູ້ບັັນຊາການທະຫານສູງສຸດ ໃນເວລາດຽວກັນທົ່ວທຸກພາກຂອງມຽນມາຢູ່ພາຍໃຕ້ຄຳສັ່ງສະຖານະການສຸກເສີນ.

ທັງນີ້, ການຖະແຫຼງຂ່າວຂອງມຽນມາບໍ່ໄດ້ລະບຸຸຊື່ບຸກຄົນໃດ ແຕ່ພັກສັນຕິບານແຫ່ງຊາດເພື່ອປະຊາທິ ປະໄຕ ລາຍງານວ່າຜູ້ທີ່ຖືກຄວບຄຸມຕົວໄປຈາກບ້ານພັກ ຕັ້ງແຕ່ໃນຕອນເຊົ້າວັນຈັນຕາມເວລາທ້ອງ ຖິ່ນ, ລວມທັງຜູ້ນຳລັດຖະບານພົນລະເຮືອນ ທ່ານ ນາງ ອອງ ຊານ ຊູຈີ, ປະທານາທິບໍດີ ວິນ ມະຍິນ ພ້ອມດ້ວຍເຈົ້າໜ້າທີ່ລະດັບສູງຫຼາຍທ່ານອື່ນໆໃນລັດຖະບານ ແລະ ສະມາຊິກອາວຸໂສຂອງພັກ.

ມຽນມາຢູ່ພາຍໃຕ້ການປົກຄອງຂອງທະຫານເປັນເວລາດົນນານລະຫວ່າງປີ 1962 ແລະ 2011 ແລະລັດຖະທຳມະນູນຂອງມຽນມາໃນປະຈຸບັນ ສ້າງຕັ້ງຂຶ້ນໂດຍທະຫານໃນປີ 2008, ກຳນົດອັດຕາສ່ວນ 25% ໂດຍອັດຕະໂນມັດ ໃຫ້ແກ່ທະຫານ ທັງຢູ່ໃນສະພາຜູ້ແທນປະຊາຊົນ ແລະ ວຸດທິສະພາ ການທີ່ກອງທັບຕ້ອງຄຸມກະຊວງສຳຄັນດ້ານຄວາມໝັ້ນຄົງຄື ກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ ແລະ ບຸກຄົນທີ່ມີຄູ່ສົມຣົດ ຫຼື ລູກເປັນພົນລະເມືອງຕ່າງຊາດ ບໍ່ສາມາດດຳລົງຕຳແໜ່ງປະທານາທິບໍດີໄດ້.

ທາງອົງການສະຫະປະຊາຊາດໄດ້ຮຽກຮ້ອງໃຫ້ກອງທັບມຽນມາຄຳນຶງເຖິງຄວາມຕ້ອງການຂອງປະຊາ ຊົນ ເຊິ່ງອອກສ່ຽງຜ່ານການເລືອກຕັ້ງເມື່ອທ້າຍປີທີ່ຜ່ານມາ ແລະ ໄດ້ກ່າວເຖິງການລັດຖະປະຫານຢຶດອຳນາດຈາກລັດຖະບານຂອງທ່ານ ນາງ ອອງ ຊານ ຊູຈີ ແມ່ນເປັນການກ້າວຖອຍຫຼັງ ຂອງເສັ້ນທາງການປະຕິຮູບໃນມຽນມາ.

ຮຽບຮຽງຂ່າວ: ພູດສະດີ

ບົດຄວາມຫຼ້າສຸດ

ທ່ານ ງາມປະສົງ ເມືອງມະນີ ລັດຖະມົນຕີກະຊວງ (ຍທຂ) ຊີ້ແຈງສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນ

ສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນທີ່ຍັງບໍ່ທັນສໍາເລັດ 16 ໜ້າວຽກ ໃນວາລະການດຳເນີນກອງປະຊຸມໃນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະ ຂົນສົ່ງ...

ແຕ່ງຕັ້ງ ທ່ານ ພອນວິໄລ ແກ້ວບຸນສານ ເປັນຮັກສາການຫົວໜ້າຄະນະຄຸ້ມຄອງດ່ານສາກົນແດນສະຫວັນ.

ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ ວັນທີ 10 ມີຖຸປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນນາ 2025 ຜ່ານມາ, ດ່ານສາກົນແດນສະຫວັນ ແຂວງສະຫວັນນະເຂດ ໄດ້ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ,...

ຖວທ ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ

ຖວທ ສະຫຼຸບການປະຕິບັດວຽກງານ ແລະ ເຜີຍແຜ່ແຈ້ງການກ່ຽວກັບການປັບປຸງກົງຈັກ - ບຸກຄະລາກອນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ, ພ້ອມທັງເຜີຍແຜ່ແຈ້ງການກ່ຽວກັບການປັບປຸງກົງຈັກ ແລະ ບຸກຄະລາກອນ...

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຖະແຫຼງຂ່າວຜົນການພິຈາລະນາບົດລາຍງານຂອງລັດຖະບານ ໃນການຈັດຕັ້ງປະຕິບັດບັນດານະໂຍບາຍ, ນິຕິກຳ, ກົນໄກ ໃນການພັດທະນາພະລັງງານໄຟຟ້າໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ...