ປະເທດໄທອາດກາຍເປັນສູນກາງການພະນັກ (ກາຊິໂນ) ແຫ່ງໃໝ່ຂອງອາຊີ ຫຼັງຈາກທີ່ພົນເອກປະຍຸດ ຈັນໂອຊາ ນາຍົກລັດຖະມົນຕີແຫ່ງປະເທດໄທ ຢືນຢັນວ່າ ຈະພິຈາລະນາມາດຕະການທີ່ມີການໂຕ້ຖຽງກັນເພື່ອສະກັດກັ້ນການຫຼີ້ນການພະນັນຜິດກົດໝາຍຈຳນວນຫຼາຍທີ່ເພີ່ມຂື້ນ.
ໜັງສືພິມບາງກອກໂພສລາຍງານວ່າ ພົນເອກປະຍຸດ ໄດ້ເປີດການສົນທະນາແບບສາທາລະນະກ່ຽວກັບຂໍ້ດີຂໍ້ເສຍຂອງການພະນັກທີ່ຖືກກົດໝາຍ ເຖິງວ່າຈະມີການຕໍ່ຕ້ານກັບແນວຄິດນັ້ນເອງ.
ໂດຍສະເພາະ, ນາຍົກລັດຖະມົນຕີມີຄວາມກັງວົນວ່າການລະບາດຂອງໂຄວິດ-19 ທີ່ຜ່ານມາຂອງປະເທດໄທສ່ວນໃຫຍ່ແມ່ນມາຈາກການຫຼີ້ນການພະນັນທີ່ຜິດກົດໝາຍ.
ບັນຫາການພັດທະນາກາຊິໂນໃນປະເທດໄທບໍ່ແມ່ນບັນຫາໃໝ່ ຫຼ້າສຸດ, ໄດ້ຍົກເລື່ອງນີ້ຂຶ້ນມາ ຫຼັງຈາກການຂຶ້ນຄອງອຳນາດຂອງກະສັດພູມີພົນອະດຸນຍະເດດໃນປີ 2016 ຫຼັງຈາກໄດ້ຄອງລາດໃນປະເທດໄທ 70 ປີ. ໜຶ່ງປີກອ່ນໜ້ານີ້ບໍ່ມີໃຜນອກເໜືອ ຈາກ Las Vegas Sands Corp ໄດ້ສະແດງຄວາມສົນໃຈໃນການພັດທະນາຮີສອດກາຊີໂນໃນເມືອງໃຫຍ່ຂອງໄທ, ໂດຍສະເພາະໃນບາງກອກຫາກມີໂອ ກາດ ແຊນແມ່ນເປັນທີ່ຮູ້ຈັກກັນດີວ່າເລືອກພັດທະນາ mega-IRs ໃນເມືອງທີ່ມີປະຊາກອນຫຼາຍ.
ປະເທດໄທຍັງຄົງເປັນໜຶ່ງໃນສາມປະເທດໃນອາຊຽນທີ່ບໍ່ມີກາຊິໂນທີ່ຖືກກົດໝາຍ, ຄຽງຄູ່ກັບອິນໂດເນເຊຍ ແລະ ບຣູໄນ, ເຖິງຈະມີການປະເມີນວ່າປະຊາກອນຜູ້ໃຫຍ່ປະມານເຄິ່ງໜຶ່ງຫຼິ້ນການພະນັນດ້ວຍວິທີຜິດກົດໝາຍ ປະເທດໄທມີປະຊາກອນ 70 ລ້ານຄົນເປັນປະເທດທີ່ມີປະຊາກອນຫຼາຍທີ່ສຸດເປັນອັນດັບ 20 ຂອງໂລກ.
ຮຽບຮຽງຂ່າວ: ພຸດສະດີ