ຫ້ອງການສາທາລະນະສຸກເມືອງວັງວຽງ ຕົກລົງເຫັນດີໃຫ້ມີການເກັບຄ່າທາງດ່ວນກັບລົດອຳບູລັງສົ່ງຄົນເຈັບຂຶ້ນທາງດ່ວນ.

ໃນວັນທີ 28 ທັນວາ 2020 ຫ້ອງການສາທາລະນະສຸກເມືອງວັງວຽງ ໄດ້ອອກຂໍ້ຕົກລົງສະບັບເລກທີ 1904/ຫສມ ຕົກລົງເຫັນດີໃຫ້ມີການເກັບຄ່າທາງດ່ວນກັບລົດອຳບູລັງສົ່ງຄົນເຈັບຂຶ້ນທາງດ່ວນ ເຊິ່ງມີລາຍລະອຽດດັ່ງນີ້:

ມາດຕາ 1: ຕົກລົງເຫັນດີໃຫ້ຄົນເຈັບ ຫຼື ພີ່ນ້ອງຄົນເຈັບຊ່ວຍຈ່າຍຄ່າທາງດ່ວນຈາກໂຮງໝໍວັງວຽງ ຫາ ໂຮງໝໍແຂວງແມ່ນຈ່າຍ 114,000 ກີບ/ຕໍ່ຄັ້ງ, ລາຄາທາງດ່ວນຈາກໂຮງໝໍວັງວຽງ ຫາ ໂຮງໝໍສູນກາງ (ນະຄອນຫຼວງວຽງຈັນ) ແມ່ນຈ່າຍ 224,000ກີບ/ຕໍ່ຄັ້ງ.

ມາດຕາ2: ສຳລັບຄົນເຈັບທີ່ບໍ່ຢາກຈ່າຍຄ່າທາງດ່ວນເພີ່ມ ແມ່ນຈະເດ່ີນຕ້ອງເດີນທາງດ້ວຍທາງເກົ່າ (ທາງເລກທີ 13 ເໜືອ).

ຮຽບຮຽງຂ່າວ: ພຸດສະດີ