ບໍລິສັດຮ່ວມທຶນລາວ-ຈີນຈໍາກັດ ໄດ້ວາງປ້າຍປະກາດມາດຕະຖານການເກັບຄ່າຜ່ານທາງດ່ວນວຽງຈັນ-ວັງວຽງ ໃນມື້ວັນທີ 24 ທັນວາ 2020 ນີ້ ເຊິ່ງມີລາຄາເລີ່ມຕົ້ນ ຈາກ 600 ກີບ ຫາ 2.000 ກີບຕໍ່ກິໂລແມັດ (ກມ).

ມາດຕະຖານການຄິດໄລ່ນໍ້າໜັກເກັບຄ່າຜ່ານທາງສໍາລັບລົດແຕ່ລະປະເພດເຊິ່ງມີຕົວຢ່າງການຄິດໄລ່ຄ່າຜ່ານທາງມີດັ່ງລຸ່ມນີ້:

ລົດບັນທຸກປະເພດ 1 : ນໍ້າໜັກບໍ່ເກີນ 2ໂຕນ ຄິດໄລ່ລາຄາແມ່ນ 600ກີບ/ກມ ຄູນຕາມໄລຍະທາງວຽງຈັນຫາວັງວຽງ 110ກມຄູນ 600ກີບ = 66.000 ກີບ

ລົດບັນທຸກປະເພດ 2 : ນໍ້າໜັກ 2ໂຕນ ຫາ 5ໂຕນ ຄິດໄລ່ລາຄາແມ່ນ 1.000ກີບ/ກມ ຄູນຕາມໄລຍະທາງວຽງຈັນຫາວັງວຽງ 110ກມຄູນ 1.000ກີບ = 110.000 ກີບ

ລົດບັນທຸກປະເພດ 3 : ນໍ້າໜັກ 5ໂຕນ ຫາ 10ໂຕນ ຄິດໄລ່ລາຄາແມ່ນ 1.400ກີບ/ກມ ຄູນຕາມໄລຍະທາງວຽງຈັນຫາວັງວຽງ 110ກມຄູນ 1.400ກີບ = 154.000 ກີບ

ລົດບັນທຸກປະເພດ 4 : ນໍ້າໜັກ 10ໂຕນ ຫາ 15ໂຕນ ຄິດໄລ່ລາຄາແມ່ນ 2.000ກີບ/ກມ ຄູນຕາມໄລຍະທາງວຽງຈັນຫາວັງວຽງ 110ກມ ຄູນ 2.000ກີບ = 220.000 ກີບ

ການຄິດໄລ່ໂດຍລວມ ອາດມີການຄາດເຄື່ອນທາງຕົວເລກ ລະບົບການຄິດໄລ່ຄ່າຜ່ານທາງ ແລະ ການແບ່ງປະເພດລົດໂດຍສານ ລົດປະເພດ1 : 7 ບ່ອນນັ່ງລົງມາ ແມ່ນຄິດໄລ່ລາຄາ 600ກີບ/ກມ, ລົດປະເພດ2 : 8 ຫາ 9 ບ່ອນນັ່ງ ແມ່ນຄິດໄລ່ລາຄາ 1.000ກີບ/ກມ, ລົດປະເພດ3 : 20 ຫາ 39 ບ່ອນນັ່ງ ແມ່ນຄິດໄລ່ລາຄາ 1.400ກີບ/ກມ, ລົດປະເພດ4 : 40 ບ່ອນນັ່ງຂຶ້ນໄປ ແມ່ນຄິດໄລ່ລາຄາ 2.000ກີບ/ກມ

ຮຽບຮຽງຂ່າວ: ພຸດສະດີ