ເວັບໄຊຂ່າວ BBC NEWs ລາຍງານວ່າ ທ່ານ ໂຈ ໄບເດນ ກ່າວຄຳປາໄສຫຼັງຈາກຄະນະກຳມະການເລືອກຕັ້ງໄດ້ເລືອກເອົາທ່ານເປັນປະທານາ ທິບໍດີຄົນໃໝ່ ຂອງສະຫະລັດອາເມລິກາຢ່າງເປັນທາງການ ໂດຍປະກາດວ່ານີ້ແມ່ນໄຊຊະນະແຫ່ງຄວາມປະສົງຂອງປະຊາຊົນ.
ຜູ້ມີສິດເລືອກຕັ້ງໄດ້ລົງຄະແນນສຽງທ່ານ ໂຈ ໄບເດນ ເປັນປະທານາທິບໍດີຄົນໃໝ່ຂອງອາເມລິກາ ເຮັດໃຫ້ລາວໄດ້ຮັບໄຊຊະນະຢ່າງເປັນທາງການ ໂດຍພັກເດໂມແຄຣດຂອງທ່ານ ໄບເດນ ໄດ້ຊະນະພັກ ຄຣີພັບລິກັນ ຂອງທ່ານ ທຣໍ້າ ດ້ວຍຄະແນນສຽງ 306 ຕໍ່ 232 ສຽງ.
ທ່ານ ໄບເດນ ຈະເຂົ້າຮັບຕຳແໜ່ງ ໃນວັນທີ 20 ມັງກອນ 2021 ແຕ່ທ່ານ ທຣໍ້າ ກໍ່ຍັງຢືນຢັນວ່າຈະເດີນໜ້າຕໍ່ສູ້ເພື່ອພິສູດວ່າມີການໂກງການເລືອກຕັ້ງຕໍ່ໄປ.
ຂະນະທີ່ນັກວິເຄາະການເມືອງຂອງອາເມລິກາ ຫຼາຍຄົນເຊື່ອວ່າທີມກົດໝາຍຂອງທຣໍ້າຈະຟ້ອງຕໍ່ສານວ່າມີການທຸຈະລິດການເລືອກຕັ້ງຕໍ່ໄປ ແຕ່ໂອກາດທີ່ທຣໍ້າຈະຊະນະການຮ້ອງຟ້ອງນັ້ນມີໜ້ອຍທີ່ສຸດ.
ຮຽບຮຽງຂ່າວ: ພຸດສະດີ