spot_img
Homeຂ່າວຕ່າງປະເທດຈີນເປັນປະເທດທີສອງຂອງໂລກທີ່ນຳທຸງຊາດປັກເທິງດວງຈັນໄດ້ສຳເລັດ

ຈີນເປັນປະເທດທີສອງຂອງໂລກທີ່ນຳທຸງຊາດປັກເທິງດວງຈັນໄດ້ສຳເລັດ

Published on

ສຳນັກຂ່າວຕ່າງປະເທດ ລາຍງານວ່າ ອົງການບໍລິຫານອາວະກາດແຫ່ງຊາດຈີນເຜີຍແຜ່ຮູບທຸງຊາດຈີນຢູ່ເທິງຜິວດວງຈັນ ທີ່ຖ່າຍໂດຍກ້ອງຂອງຍານສຳຫຼວດສາງເອີ໋-5 ຫຼັງຈາກສຳເລັດພາລະກິດການເກັບຕົວຢ່າງດິນ ແລະ ຫີນເທິງດວງຈັນ ແລະ ກັບສູ່ໂລກເມື່ອວັນພະຫັດທີ່ຜ່ານມາ ເຮັດໃຫ້ຈີນກາຍເປັນປະເທດທີສອງຂອງໂລກທີ່ສາມາດນຳທຸງຂຶ້ນໄປເທິງດວງຈັນໄດ້ສຳເລັດ ຕໍ່ຈາກ ສ.ອາເມລິກາ ທີ່ເຄີຍສ້າງປະຫວັດສາດໄວ້ເປັນປະເທດທຳອິດ ເມື່ອປີ 1969.

ກ່ອນໜ້ານີ້, ຈີນເຄີຍສົ່ງຍານສຳຫຼວດໄປດວງຈັນແລ້ວ 2 ລຳຄື: ຍານສາງເອີ໋-3 ແລະ ສາງເອີ໋-4 ແຕ່ຍານທັງສອງລຳບໍ່ໄດ້ນຳທຸງຊາດຈີນແທ້ຂຶ້ນໄປນຳ ພຽງແຕ່ພົ່ນສີທຸງຊາດຈີນທີ່ຕົວຍານ ຈິ່ງບໍ່ສາມາດນຳມາກາງອອກໄດ້.

ສຳລັບຍານສາງເອີ໋-5 ອອກເດີນທາງຈາກສູນອາວະກາດເຫວິນສາງ ທີ່ເກາະໄຫຫຼໍາ ເມື່ອວັນທີ 24 ພະຈິກ ທີ່ຜ່ານມາ ແລະ ມີກຳນົດເດີນທາງກັບເຖິງໂລກໃນວັນທີ 13 ທັນວານີ້. ໂດຍຍານຈະລົງຈອດທີ່ທະເລຊາຍໃນເຂດປົກຄອງຕົນເອງມົງໂກນໃນທາງຕອນເໜືອຂອງຈີນ ເຊິ່ງຄັ້ງນີ້ຖືເປັນການສ້າງປະຫວັດສາດເປັນຄັ້ງທຳອິດຂອງໂລກໃນຮອບ 44 ປີ ທີ່ພາລະກິດສຳຫຼວດດວງຈັນຂອງມະນຸດທີ່ສາມາດນຳຕົວຢ່າງກັບມາທີ່ໂລກໄດ້ຕໍ່ຈາກພາລະກິດ “ລູນາ 24” ຂອງສະຫະພາບໂຊວຽດ ທີ່ໄດ້ນຳຕົວຢ່າງນໍ້າໜັກ 170 ກຣັມ ກັບມາໂລກໄດ້ເມື່ອປີ 1976.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...