spot_img
Homeຂ່າວການສຶກສາລາວໂພສຕ໌ ມອບທຶນການສຶກສາ ໃຫ້ນັກຮຽນເກັ່ງ

ລາວໂພສຕ໌ ມອບທຶນການສຶກສາ ໃຫ້ນັກຮຽນເກັ່ງ

Published on

 laopost.com2

 

laopost.com

ເນື່ອງຈາກທາງທີມງານສຳນັກຂ່າວ ລາວໂພສຕ໌ ເຫັນວ່າ ທ້າວ ໂດ້ ທະວີສັກ ນັກຮຽນຫ້ອງ ມ5/1 ໂຮງຮຽນ ມັດທະຍົມຕອນປາຍ ຈັນທະບູລີ ເປັນຜູ້ມີທັກສະໃນການແປແລະຕິດຕັ້ງເວັບໄຊໄດ້ ຈຶ່ງຢາກສະໜັບສະໜຸນຊຸກຍູ້ກຳລັງໃຈແກ່ນ້ອງ ເພື່ອໃຫ້ສືບຕໍ່ສຶກສາໃນວິຊາການທີ່ຕົນມັກ ໃຊ້ເວລາໃຫ້ເປັນປະໂຫຍດ ແລະເປັນຕົວຢ່າງນັກຮຽນທີ່ໃຊ້ເວລາວ່າງໃນການສຶກສາຫາຄວາມຮູ້ດ້ວຍໂຕເອງ ຈົນກາຍເປັນຄົນເກັ່ງ.

ທ້າວ ໂດ້ ທະວີສັກ ໄດ້ສະແດງຄວາມຮູ້ສຶກວ່າ ທີ່ຈິງກໍໄດ້ຮູ້ຈັກກັບທີມງານລາວໂພສຕ໌ແລ້ວຫຼາຍປີ ແຕ່ບໍ່ເຄີຍເຫັນໜ້າ ແລະດີໃຈຫຼາຍທີ່ໄດ້ທອດຖອນບົດຮຽນ ໃນໄລຍະທີ່ຜ່ານມາ ເຮັດໃຫ້ຕົນເອງຮູ້ຈັກກັບຄຳວ່າເວັບໄຊດີຂຶ້ນ. ເວັບທີ່ຕົນເອງເປັນຜູ້ຕິດຕັ້ງແລະເບິ່ງແຍງຢູ່ກໍມີ www.deklao.com ເຊິ່ງເພື່ອນສາມາດເຂົ້າໄປທ່ອງໄດ້ແລ້ວ. ໃນໂອກາດນີ້ກໍຂໍຂອບໃຈຕໍ່ທີມງານລາວໂພສຕ໌ ໂດຍສະເພາະແມ່ນ ອ້າຍວັນໄຊ ດອນເມືອງ ທີ່ໄດ້ການແນະນຳຊ່ວຍເຫຼືອຜ່ານທາງອິນເຕີເນັດ ເຊິ່ງປະເມີນຄ່າບໍ່ໄດ້ ແລະນ້ອງກໍຈະສືບຕໍ່ສຶກສາຮຽນຮູ້ວິຊານີ້ໃຫ້ນັບມື້ດີຂຶ້ນ.

ທ່ານ ອາຈານທອງດີ ແກ້ວມີໄຊ ຮອງຜູ້ອຳນວຍການ ໂຮງຮຽນ ມັດທະຍົມປາຍຈັນທະບູລີ ກໍໄດ້ສະແດງຄວາມດີໃຈຕໍ່ນ້ອງ ໂດ້ ທະວີສັກ ທີ່ເປັນຄົນເກັ່ງ ເຊິ່ງອາຈານກ່າວວ່າ: ທີ່ຜ່ານມາກໍບໍ່ຮູ້ວ່ານ້ອງ ມີຄວາມຮູ້ແລະເກັ່ງໃນດ້ານນີ້ ເພາະໃນໂຮງຮຽນມັດທະຍົມ ກໍຍັງບໍ່ໄດ້ສິດສອນວິຊາດັ່ງກ່າວເທື່ອ ແຕ່ກໍຮູ້ສຶກດີໃຈຫຼາຍທີ່ນັກຮຽນຂອງເຮົາ ມີຄວາມຮັກແລະມີຄວາມຮູ້ດ້ານເວັບໄຊ ແລະຂໍສະແດງຄວາມຂອບໃຈຕໍ່ທີມງານລາວໂພສຕ໌ ທີ່ໄດ້ໃຫ້ການຊຸກຍູ້ກິດຈະກຳ ຂອງນັກຮຽນເຮົາໃນຄັ້ງນີ້ ແລະຫວັງວ່າຈະໄດ້ຮັບການຊຸກຍູ້ ສົ່ງເສີມຕື່ມອີກໃນໂອກາດໜ້າ.

ທ່ານ ວັນໄຊ ດອນເມືອງ ນັກອອກແບບເວັບໄຊ ຊື່ດັງຜູ້ສ້າງສັນເວັບໄຊ www.laopost.com ໄດ້ກ່າວວ່າ ເຮົາເຫັນຄວາມສາມາດຂອງນ້ອງແລ້ວ ເກີດແນວຄິດຢາກສົ່ງເສີມນ້ອງ ກໍເລີຍພະຍາຍາມໃຫ້ຄວາມຊ່ວຍເຫຼືອມາຕະຫຼອດ. ນັກຮຽນ-ນັກສຶກສາທ່ານໃດ ມີຄວາມສົນໃຈໃນທາງນີ້ ສາມາດປຶກສາຫາລືໄດ້ ເຊິ່ງຕົວຢ່າງກໍແມ່ນໃຫ້ເບິ່ງນ້ອງ ໂດ້ ທະວີສັກ ທີ່ບໍ່ເຄີຍເຫັນກັນຈັກເທື່ອ ແຕ່ກໍສາມາດຮຽນຮູ້ແລະເຮັດວຽກນຳກັນຜ່ານລະບົບອິນເຕີເນັດໄດ້.

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...