spot_img
Homeຂ່າວທ້ອງຖິ່ນຫ້າມພາຫະນະທຸກປະເພດທີ່ມີແຮງຈັກຕ່ຳກວ່າ 350 ຂຶ້ນທາງດ່ວນ

ຫ້າມພາຫະນະທຸກປະເພດທີ່ມີແຮງຈັກຕ່ຳກວ່າ 350 ຂຶ້ນທາງດ່ວນ

Published on

ພາຫະນະທີ່ຈະສາມາດຂຶ້ນທຽວທາງ ດ່ວນໄດ້ນັ້ນຢ່າງໜ້ອຍຕ້ອງມີຄວາມແຮງຂອງຈັກຫຼາຍກວ່າ 350 ຊີຊີຂຶ້ນໄປ ແລະ ພາຫະນະອື່ນໆທີ່ກໍານົດແລ່ນຕ່ຳກວ່າ 80 ກິໂລແມັດຕໍ່ຊົ່ວໂມງກໍ່ຫ້າມຂຶ້ນເຊັ່ນກັນ.

ໜັງສືພິມວຽງຈັນທາມ ລາຍງານວ່າ ທາງດ່ວນນະຄອນຫຼວງວຽງຈັນ ຫາ ເມືອງວັງວຽງ ໂດຍມີໄລຍະທາງ 109 ກິໂລແມັດ ທີ່ຈະເປີດນຳໃຊ້ຢ່າງເປັນທາງການໃນມື້ວັນທີ 2 ທັນວາ 2020 ທີ່ຈະມາເຖິງນີ້, ໂດຍອີງຕາມກົດໝາຍທາງບົກ ແຫ່ງ ສປປ ລາວ ຊີ້ໃຫ້ເຫັນວ່າ: ພາຫະນະທີ່ຈະສາມາດຂຶ້ນທຽວທາງ ດ່ວນໄດ້ນັ້ນຢ່າງໜ້ອຍຕ້ອງມີຄວາມແຮງຂອງຈັກຫຼາຍກວ່າ 350 ຊີຊີຂຶ້ນໄປ ນອກນັ້ນຍັງມີລົດບັນທຸກ, ລົດພວງທີ່ມີນ້ຳໜັກເກີນທີ່ກຳນົດໄວ້, ຍານພາຫະນະທີ່ດັດແປງສະພາບເຕັກນິກທີ່ບໍ່ຮັບປະກັນດ້ານຄວາມປອດໄພ ແລະ ພາຫະນະອື່ນໆທີ່ກໍານົດແລ່ນຕ່ຳກວ່າ 80 ກິໂລແມັດຕໍ່ຊົ່ວໂມງກໍ່ຫ້າມຂຶ້ນເຊັ່ນກັນ.

ສະເພາະການຂຶ້ນທຽວທາງດ່ວນນັ້ນ, ຜູ້ຂັບຂີ່ລົດຈັກທີ່ມີແຮງມ້າຫຼາຍກວ່າ 350 ຊີຊີຂຶ້ນໄປ ແລະ ລົດເບົາທຸກປະເພດໃຫ້ໃຊ້ຄວາມໄວຢູ່ລະຫວ່າງ 80-110 ກິໂລແມັດຕໍ່ຊົ່ວໂມງ (ຍົກເວັ້ນສະພາບມີໝອກ ມີຝົນ), ສ່ວນ ລົດຜູ້ຂັບຂີ່ຂົນສົ່ງຜູ້ໂດຍສານ ແລະ ສິນຄ້າທຸກຂະໜາດໃຫ້ໃຊ້ຄວາມໄວໃນລະຫວ່າງ 80-90 ກິໂລແມັດຕໍ່ຊົ່ວໂມງ (ຍົກເວັ້ນສະພາບມີໝອກ ມີຝົນ) ນອກນັ້ນຕ້ອງໃຫ້ປະຕິບັດຕາມໄຟສັນ ຍານ, ປ້າຍ ແລະ ເຄື່ອງໝາຍປ້າຍຈະລາຈອນທີ່ຈໍາກັດຄວາມໄວຢ່າງເຂັ້ມງວດ. ສໍາລັບໄລຍະຫ່າງຂອງພາຫະນະຈະຢູ່ໃນລະດັບ 100 ແມັດຂຶ້ນໄປ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...