ເວັບໄຊ worldpopulationreview ໄດ້ເປີດເຜີຍຜົນການສຳຫຼວດປະຊາກອນທົ່ວໂລກຂອງສຳນັກງານສຳນັກງານສຳຫຼວດສຳມະໂນຄົວປະຊາກອນຂອງ ສ.ອາເມລິກາ ໃນເດືອນ ມິຖຸນາ 2019 ສະແດງໃຫ້ເຫັນວ່າປະຊາກອນທົ່ວໂລກໃນປັດຈຸບັນມີຈຳນວນ 7,577,130,400 ຄົນ ເຊິ່ງເພີ່ມຂຶ້ນ 7,2 ຕື້ຄົນນັບຈາກປີ 2015 ໂດຍໄດ້ອີງໃສ່ຂໍ້ມູນສະຖູຕິຈາກອົງການສະຫະປະຊາຊາດທີ່ເປີດເຜີຍໃຫ້ເຫັນວ່າປະຊາກອນທົ່ວໂລກມີຫຼາຍເກີນ 7.7 ພັນລ້ານຄົນ.
ສປ ຈີນ ແມ່ນປະເທດທີ່ມີປະຊາກອນຫຼາຍທີ່ສຸດໃນໂລກ ໂດຍມີປະຊາກອນຫຼາຍເຖິງ 1.4 ພັນລ້ານຄົນ, ອິນເດຍ ເປັນປະເທດທີສອງ ເຊິ່ງສະຖິຕິໃນປີ 2018 ອິນເດຍມີປະຊາກອນຫຼາຍກວ່າ 1.355 ພັນລ້ານຄົນ ແລະ 11 ປະເທດທີ່ມີປະຊາກອນຫຼາຍທີ່ສຸດໃນໂລກແຕ່ລະປະເທດມີປະຊາກອນຫຼາຍກວ່າ 100 ລ້ານຄົນຄື: ສ.ອາເມລິກາ, ອິນໂດເນເຊຍ, ບາຊິນ, ປາກິສຖານ, ໄນຈີເຣຍ, ບັງກາລາເທດ, ຣັດເຊຍ, ເມັກຊິໂກ, ຍີ່ປຸ່ນ, ເອທິໂອເປຍ ແລະ ຟິລິບປິນ. ໃນບັນດາປະເທດດັ່ງກ່າວຄາດວ່າຈະມີການເຕີບໂຕຂອງປະຊາກອນຢ່າງຕໍ່ເນື່ອງຍົກເວັ້ນຣັດເຊຍ ແລະ ຍີ່ປຸ່ນ ເຊິ່ງເຫັນໄດ້ວ່າຈຳນວນປະຊາກອນຂອງທັງສອງປະເທດນີ້ມີອັດຕາຫຼຸດລົງພາຍໃນປະ 2030 ກ່ອນທີ່ຈະຫຼຸດລົງອີກຄັ້ງໃນປີ 2050.
ຈາກຂໍ້ມູນໃນປີ 2020 ສຳລັບປະເທດລາວ ມາຮອດປັດຈຸບັນ, ມີປະຊາກອນທັງໝົດ 7,307,331 ຄົນ.
ຮຽບຮຽງຂ່າວ: ພຸດສະດີ