ໃນຕອນບ່າຍຂອງວັນທີ 17 ເດືອນຕຸລາ 2014 ນີ້ ຢູ່ຫ້ອງປະຊຸມສະພາແຫ່ງຊາດ ໄດ້ຈັດກອງປະຊຸມຫາລືກຽມປັບປຸງ
ລັດຖະທຳມະນູນສະບັບປີ 2003 ໂດຍເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ປະທານຄະ
ນະກຳມະການແຫ່ງຊາດ ເພື່ອປັບປຸງລັດຖະທຳມະນູນ ມີທ່ານ ອາຊາງ ລາວລີ ຮອງນາຍົກລັດຖະມົນຕີ ທ່ານ ສົມພັນ
ແພງຄຳມີ ຮອງປະທານສະພາແຫ່ງຊາດ ມີບັນດາລັດຖະມົນຕີເຂົ້າຮ່ວມ.
ທ່ານນາງ ປານີ ຢາທໍ່ຕູ້ ປະທານກອງປະຊຸມປຶກສາຫາລື ໄດ້ແບ່ງຄວາມຮັບຜິດຊອບ ເພື່ອກະກຽມປັບປຸງລັດຖະທຳ
ມະນູນສະບັບປີ 2003 ໃຫ້ບັນລຸຜົນສຳເລັດຕາມຄາດໝາຍ ເພື່ອປຸກລະດົມທາບທາມ ແລະ ປະກອບຄຳຄິດຄຳເຫັນ
ຈາກບັນດາການນຳຢູ່ສູນກາງ ແລະ ຢູ່ທ້ອງຖິ່ນ ລວມທັງພະນັກງານວິຊາການ ພະນັກງານລັດຖະກອນ ແລະ ຊັ້ນຄົນ
ຕ່າງໆ ເຂົ້າໃນການປັບປຸງລັດຖະທຳມະນູນ ໃຫ້ມີລັກສະນະກວ້າງຂວາງ ມີເນື້ອໃນອຸດົມສົມບູນ ແລະ ຄົບຖ້ວນ.
ຜົນສຳເລັດໃນການຫາລືຄັ້ງນີ້ ແມ່ນຈະເປັນພື້ນຖານ ໃນການສືບຕໍ່ປັບປຸງລັດຖະທຳມະນູນ ແລະ ນຳສະເໜີຜ່ານ
ກອງປະຊຸມຄົບຄະນະບໍລິຫານສູນກາງພັກ ໃນເດືອນພະຈິກທີ່ຈະມາເຖິງນີ້.
ແຫລ່ງຂ່າວ: ວຽງຈັນໃໝ່