ຈາກກໍລະນີທີ່ມີການແຊຄລິບ ແລະ ຮູບພາບ ການທຳມິດສະຈານ ຂອງຊາຍຈີນ ແລະ ຍິງລາວ 2 ຄົນ ທີ່ໂດ່ງດັງໄປທົ່ວໂຊຊຽວ ໃນອາທິດທີ່ຜ່ານມາ ເຊິ່ງໄດ້ເກີດກະແສວິພາກວິຈານເຖິງຄວາມບໍ່ເໝາະສົມຕໍ່ການກະທຳດັ່ງກ່າວ ແລະ ຍັງຜິດຕໍ່ກົດໝາຍບ້ານເມືອງໃນຫຼາຍມາດຕາ.
ການກະທຳຂອງທັງສາມຄົນໃນຄລິບທີ່ຖືກເຜີຍແຜ່ທົ່ວສື່ສັງຄົມອອນລາຍ ມັນໄດ້ສ້າງຄວາມເສື່ອມເສຍໃຫ້ກັບປະເທດ ໂດຍສະເພາະພາບພົດຂອງແມ່ຍິງລາວ ແລະ ຍັງໄດ້ເສື່ອມເສຍໄປເຖິງພາກສ່ວນອົງການຈັດຕັ້ງຊາວໜຸ່ມ ເນື່ອງຈາກເສື້ອຜ້າທີ່ສອງສາວໄດ້ສວມໃສ່ນັ້ນແມ່ນຊຸດເຄື່ອງແບບຂອງອົງ ການຈັດຕັ້ງຊາວໜຸ່ມ. ຈຶ່ງເຮັດໃຫ້ເກີດການຮຽກຮ້ອງຕໍ່ເຈົ້າໜ້າໃຫ້ເລັ່ງຈຳຕົວພວກກ່ຽວມາດຳເນີນຄະດີຕາມກົດໝາຍບ້ານເມືອງ. ດັ່ງນັ້່ນ, ໃນວັນທີ 10 ຕຸລາ 2020 ທາງເຈົ້າໜ້າທີ່ທີ່ກ່ຽວຂ້ອງໄດ້ມີ ການກັກຕົວຍິງສາວທັງສອງຄົນມາເຮັດການສືບສວນ-ສອບສວນ ເພື່ອດຳເນີນຄະດີ.
ນອກຈາກນີ້, ໃນວັນທີ 11 ຕຸລາ 2020 ທາງກົມຕຳຫຼວດສະກັດກັ້ນ ແລະ ຕ້ານການຄ້າມະນຸດໄດ້ອອກໜັງສືສະເໜີ ທ່ານຫົວໜ້າກົມຕຳຫຼວດກວດຄົນເຂົ້າເມືອງ-ອອກເມືອງ, ໃຫຍ່ສັນຕິບານ ເພື່ອຊ່ວຍສະກັດກັ້ນ ແລະ ຈັບຕົວບຸກຄົນທີ່ພົວພັນການກະທຳອະນາຈານເດັກ ເຊິ່ງລາຍລະອຽດມີດັ່ງນີ້: ນາງ ດວງຕາ ເບີກໄຊຍະພູມ, ອາຍຸ 25 ປີ, ອາຊີບ ເຮັດນາ, ເຊື້ອຊາດ ແລະ ສັນຊາດລາວ, ຢູ່ບ້ານດອນສ້າງໄຜ່, ເມືອງປາກງື່ມ ນະຄອນຫຼວງວຽງຈັນ ແລະ ທ້າວ Run An Xiao (ຄົນຈີນ) ມາຈາກ Balyun Distrit ເມືອງກວາງໂຈ, ມົນທົນກວາງຕຸ້ງ, ສປ ຈີນ. ເນື່ອງຈາກວ່າ ພວກກ່ຽວໄດ້ມີການທຳອະນາຈານຕໍ່ເດັກ ເຊິ່ງລະເມີດກົດໝາຍ, ລະບຽບ ແລະ ຮີດຄອງປະເພນີອັນດີງາມຂອງຊາດລາວເຮົາ.
ຮຽບຮຽງຂ່າວ: ພຸດສະດີ