ເວັບໄຊ telegraph ລາຍງານວ່າ ເດວິດ ແບັດແຮມ ແລະ ວິກຕໍເຣຍ ພັນລະຍາ ຕິດເຊື້ອໂຄວິດ-19 ຫຼັງເດີນທາງໄປຮ່ວມງານປາຕີ້ທີ່ອາເມລິກາ ແລະ ກັບມາທີ່ອັງກີດ.
ໂດຍຫຼັງຈາກທັງສອງກັບມາທີ່ອັງກິດ ໄດ້ໄປຮ່ວມງານວັນເກີດຂອງ ບຣຸດລິນ ລູກຊາຍໄວອາຍຸ 21ປີ ກ່ອນຈະບິນໄປທີ່ໄມອາມີ ລັດຟໍລິດາ ສ.ອາລິກາ ເຮັດໃຫ້ທັງສອງຄົນກາຍເປັນຜູ້ທີ່ແຜ່ເຊື້ອໃຫ້ກັບອີກຫຼາຍຄົນ.
ແຫຼ່ງຂ່າວລະບຸວ່າ ເດວິດ ແບັດແຮມ ເລີ່ມມີອາການບໍ່ສະບາຍຕົວ ຈາກນັ້ນ ວິກຕໍເຣຍ ກໍ່ເລີ່ມເຈັບຄໍ ແລະ ມີໄຂ້ສູງ ຂະນະທີ່ຄົນໃກ້ຊິດຂອງທັງສອງກໍ່ມີອາການປ່ວຍ ທັງຄົນຂັບລົດ ບໍດີກາດ ລວມເຖິງບັນດາຜູ້ຊ່ວຍ.
ນອກຈາກນີ້, ມີລາຍງານວ່າ ຕອນນີ້ວິກເຕີເຣຍ ວິຕົກກັງວົນຫຼາຍ ແລະ ບອກໃຫ້ຄອບຄົວກັນຕົວພາຍໃນ 14 ວັນ.
ຮຽບຮຽງຂ່າວ: ພຸດສະດີ