Homeຂ່າວທ້ອງຖິ່ນໂຄງການດ້ານອາວຸດນິວເຄຣຍຂອງຈີນ ມີພັດທະນາການໄວວາຢ່າງມີໃຈຄວາມສຳຄັນ

ໂຄງການດ້ານອາວຸດນິວເຄຣຍຂອງຈີນ ມີພັດທະນາການໄວວາຢ່າງມີໃຈຄວາມສຳຄັນ

Published on

ເວັບໄຊຂ່າວ dailynews ລາຍງານວ່າ ກະຊວງປ້ອງກັນປະເທດອາເມລິກາເຜີຍແຜ່ລາຍງານປະຈຳປີວ່າດ້ວຍ “ອຳນາດທາງທະຫານ” ຂອງຈີນ ມີເນື້ອໃນສຳຄັນໃນຕອນໜຶ່ງເປັນການປະເມີນຂີດຄວາມສາມາດດ້ານໂຄງການພັດທະນາອາວຸດນິວເຄຣຍຂອງກອງທັບປົດປ່ອຍປະຊາຊົນຈີນ ຄາດການຈຳ ນວນຫົວຮົບນິວເຄຣຍໃນຄັງແສງ ບໍ່ເກີນ 200 ຫົວຮົບ ຖືເປັນຄັ້ງທຳອິດຢ່າງເປັນທາງການທີ່ເພນຕາກອນໃຫ້ຄວາມເຫັນໃນເລື່ອງນີ້.

ແນວໃດກໍ່ຕາມ, ລາຍງານລະບຸວ່າໂຄງການດ້ານອາວຸດນິວເຄຣຍຂອງຈີນ ມີພັດທະນາການໄວວາຢ່າງມີໃຈຄວາມສຳຄັນ ໂດຍອາເມລິກາຄາດການວ່າ ພາຍໃນທົດສະວັດຕໍ່ໄປກອງທັບປົດປ່ອຍປະຊາຊົນຈີນ ຈະສາມາດຍົກລະດັບອາວຸດນິວເຄຣຍຂອງຕົນເອງໃຫ້ມີປະສິດທິພາບຫຼາຍຂຶ້ນທັງໃນດ້ານຄວາມທັນ ສະໄໝ ແລະ ຄວາມຫຼາກຫຼາຍ ຄວບຄຸມການໃຊ້ງານທາງບົກ, ທາງທະເລ ແລະ ທາງອາກາດ ໝາຍຄວາມວ່າຈຳນວນຫົວຮົບນິວເຄຣຍຂອງຈີນຈະເພີ່ມເປັນຫຼາຍກວ່າ 200 ຫົວຮົບ ພຽງພໍທີ່ຈະຕິດຕັ້ງໄປກັບຂີປະນາວຸດຂ້າມທະວີບ ເຊິ່ງເພນຕາກອນເຊື່ອວ່າ ມີລັດສະໝີທຳການໄກເຖິງແຜ່ນດິນອາເມລິກາ.

ຂະນະທີ່ລັດຖະບານຈີນຍັງບໍ່ມີປະຕິກິລິຍາຢ່າງເປັນທາງການຕໍ່ການເຜີຍແຜ່ລາຍງານດັ່ງກ່າວຂອງອາເມລິກາ ຂະນະທີ່ຍ້ອນກັບໄປເມື່ອເດືອນກໍລະກົດ ທີ່ຜ່ານມາ ຈີນກ່າວວ່າ ມີຈຸດຢືນຊັດເຈນ ກ່ຽວກັບປະເດັນຂໍ້ຕົກລົງນິວເຄຣຍໃໝ່ ເຊິ່ງອາເມລິກາຕ້ອງການໃຫ້ເປັນແບບໄຕພາຄີ ຄື ມີລັດເຊຍ ແລະ ຈີນເຂົ້າຮ່ວມ ວ່າຈະເກີດຂຶ້ນຕໍ່ເມື່ອອາເມລິກາຫຼຸດຈຳນວນອາວຸດນິວເຄຣຍ ໃຫ້ສອດຄ່ອງ ກັບປະລິມານທີ່ລັດຖະບານຈີນມີຢູ່.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...