ໃນວັນທີ 11 ສິງຫາ 2020 ກະຊວງສາທາລະນະສຸກ ຢືນຢັນວ່າ ລາວຍັງບໍ່ພົບຜູ້ຕິດເຊື້ອໂຄວິດ-19 ເພີ່ມ ຕົວເລກສະສົມ 20 ຄົນ, ໃນນັ້ນຮັກສາຫາຍດີ 19 ຄົນ ແລະ 1 ຄົນກຳລັງປິ່ນປົວຮັກສາ.
ທ່ານ ດຣ. ສີສະຫວາດ ສຸດທານີລະໄຊ ໄດ້ລາຍງານໃຫ້ຮູ້ວ່າ: ມາຮອດວັນທີ 10 ສິງຫາ 2020, ໄດ້ເກັບຕົວຢ່າງມາກວດວິເຄາະທັງໝົດ 419 ຄົນ, ໃນນັ້ນແຮງງານລາວ ມາແຕ່ໄທ 60 ຕົວຢ່າງ, ແຮງງານຈີນ 45 ຕົວຢ່າງ, ແຮງງານລາວ ມາແຕ່ຈີນ 2 ຕົວຢ່າງ, ບຸກຄົນທົ່ວໄປທີ່ມີອາການ 1 ຕົວຢ່າງ ແລະ ບຸກຄົນທົ່ວໄປທີ່ບໍ່ມີອາການ 389 ຕົວຢ່າງ, ຜົນກວດວິເຄາະທັງໝົດແມ່ນບໍ່ພົບເຊື້ອ ສັງລວມການກວດວິເຄາະແຕ່ເດືອນມັງກອນ ຮອດ ວັນທີ 10 ສິງຫາ 2020 ໄດ້ເກັບຕົວຢ່າງມາກວດທັງໝົດ 31.374 ຕົວຢ່າງ ແລະ ກວດພົບເຊື້ອສະສົມ 20 ຄົນ.
ໃນຂະນະທີ່ທົ່ວໂລກກວ່າ 215 ປະເທດມີຜູ້ຕິດເຊື້ອໂຄວິດ-19 ແລ້ວທັງໝົດ 20,247,575 ຄົນ, ເສຍຊີວິດ 738,701ຄົນ,ຮັກສາຫາຍແລ້ວ 13,111,934 ຄົນ.
ຮຽບຮຽງຂ່າວ: ພຸດສະດີ