Homeຂ່າວຕ່າງປະເທດຫຼາຍປະເທດຮ່ວມສົມທົບທິນ 253 ລ້ານຢູໂຣ ຊ່ວຍຟື້ນຟູເມືອງຫຼວງຂອງປະເທດບີລັງ

ຫຼາຍປະເທດຮ່ວມສົມທົບທິນ 253 ລ້ານຢູໂຣ ຊ່ວຍຟື້ນຟູເມືອງຫຼວງຂອງປະເທດບີລັງ

Published on

ເວັບໄຊ dailynews ລາຍງານວ່າ ໃນການປະຊຸມເທເລຄອນເຟີເຣນຊ໌ຂອງລັດຖະບານຈາກ 15 ປະເທດ ແລະ ສະຫະພາບເອີຣົບ ເມື່ອວັນອາທິດທີ່ຜ່ານມາ ເພື່ອລະດົມທຶນຊ່ວຍເຫຼືອປະເທດບີລັງ (ເລບານອນ) ທີ່ໄດ້ຮັບຄວາມເສຍຫາຍຢ່າງໜັກຈາກເຫດການລະເບີດຢ່າງຮຸນແຮງທີ່ທ່າເຮືອຫຼັກໃນວັນທີ 4 ສິງຫາ ທີ່ຜ່ານມາ ສົ່ງຜົນໃຫ້ມີຜູ້ເສຍຊີວິດ 160, ບາດເຈັບຫຼາຍກວ່າ 6,000ຄົນ.

ໃນການລະດົມທຶນນີ້ເບື້ອງຕົ້ນສາມາດລະດົມທຶນໄດ້ 253 ລ້ານຢູໂຣ ສ່ວນໃຫຍ່ແມ່ນມາຈາກສະຫະພາບເອີຣົບ ແລະ ປະເທດຝຣັ່ງ ທີ່ເປັນກຳລັງສຳຄັນໃນການຊ່ວຍເຫຼືອປະເທດບີລັງ.

ຜູ້ນຳປະເທດຝຣັ່ງ ໄດ້ກ່າວວ່າ ນອກຈາກຄວາມຊ່ວຍເຫຼືອໃນຮູບແບບຂອງເງິນ ແລະ ສິ່ງຂອງຈາກນານາປະເທດຮ່ວມກັນມອບໃຫ້ແກ່ບີລັງແລ້ວ ອີກສິ່ງໜຶ່ງທີ່ສຳຄັນຫຼາຍ ແລະ ຕ້ອງໄດ້ດຳເນີນການຢ່າງຮີບດ່ວນທີ່ສຸດ ຄືການທີ່ບີລັງຕ້ອງປະຕິຮູບໃຫ້ຈິງຈັງ ແລະ ມີປະສິດທິພາບກວ່ານີ້.

ທັງນີ້,​ ໄດ້ເກີດມີການປະທ້ວງຂັບໄລ່ລັດຖະບານຊຸດໃໝ່ເມື່ອວັນອາທິດທີ່ຜ່ານມາ ຫຼັງຜູ້ປະທ້ວງສາມາດບຸກເຂົ້າໄປພາຍໃນສະຖານທີ່ຣາຊະການຫຼາຍແຫ່ງເມືອວັນເສົາທີ່ຜ່ານມາ ແລ້ວທຳລາຍຊັບສິນທີ່ຢູ່ໃນອາຄານຈົນເສຍຫາຍ ໃນຂະນະທີ່ລັດຖະມົນຕີກະຊວງຂ່າວສານ ແລະ ລັດຖະມົນຕີກະຊວງສິ່ງແວດລ້ອມ ໄດ້ປະກາດລາອອກເພາະຮັບບໍ່ໄດ້ອີກຕໍ່ໄປກັບນະໂຍບາຍຂອງລັດຖະບານ.

ສຳລັບຄວາມຄືບໜ້າຂອງການສືບສວນ-ສອບສວນຫາສາເຫດຂອງການລະເບີດນີ້ ທຸກຝ່າຍຍັງຄົງລົງຄວາມເຫັນວ່າເປັນຍ້ອນ ແອມໂມເນຍໄນເຕຣດນໍ້າໜັກ 2,750ໂຕນ ທີ່ເກັບໄວ້ໃນໂກດັງໝາຍເລກ 12 ຂອງທ່າເຮືອດົນກວ່າ 6 ປີ, ໃນຂະນະທີ່ມີການວິເຄາະເຖິງການຟື້ນຟູນະຄອນຫຼວງເບຣຸດຄັ້ງນີ້ອາດຈະຕ້ອງໃຊ້ງົບປະມານເຖິງ 25% ຂອງຈີດີພີໃນປະເທດລີບັງ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ພົບເຫັນກຸ່ມແກ້ງຄໍເຊັນເຕີ ໃຫ້ບໍລິການຕອບແຊັດເວບພະນັນອອນລາຍ.

ດັ່ງນັ້ນ, ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ ໄດ້ຊີ້ນຳກົມກອງວິຊາສະເພາະສຸມໃສ່ແກ້ໄຂບັນຫາດັ່ງກ່າວຢ່າງຕັ້ງໜ້າ ແລະ ມາໃນວັນທີ 11-12 ພຶດສະພາ 2026 ສາມາດມ້າງພວກຂະບວນການເປີດຫຼິ້ນການພະນັນທາງອອນລາຍໄດ້ 2 ກຸ່ມໃຫຍ່ຄື: ໃນວັນທີ 11 ພຶດສະພາ...

ເຝົ້າລະວັງຝົນຕໍ່ໄປ ແຂວງຫຼວງພະບາງ ແລະ ແຂວງໄຊຍະບູລີ ມີເນື້ອທີ່ປົກຫຸ້ມຂອງຝົນສູງສຸດ 50% ເຮັດໃຫ້ມີຝົນຕົກ ແລະ ລົມແຮງຢູ່ບາງເຂດ

ພະຍາກອນອາກາດ ປະຈຳວັນທີ 21 ພຶດສະພາ 2026 ຄວາມກົດດັນຕ່ຳຂອງອາກາດຮ້ອນຍັງປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງອ່ອນ ຫາ ປານກາງ, ສົມທົບກັບກະແສລົມຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ຈະມີຝົນຕົກ ຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງຢູ່ໃນແຕ່ລະພາກ...

ແຜນພັດທະນາເສດ ຖະກິດ-ສັງຄົມແຫ່ງຊາດ ແລະ ເປົ້າໝາຍການພັດທະນາທີ່ຍືນຍົງ.

  ສົົ່ງເສີມ ແລະ ນໍາໃຊ້ໂທລະຄົມມະນາຄົມ, ເຕັກໂນໂລຊີ ການສື່ສານຂໍ້ມູນຂ່າວສານ (ໄອຊີທີ), ປັນຍາປະດິດ ແລະ ດີຈິຕອນທີ່ທັນສະໄໝ, ມີຄວາມປອດໄພສູງ ເຂົ້າໃນທຸກຂະແໜງການເສດຖະກິດ-ສັງຄົມ ແຕ່ສູນກາງລົງຮອດທ້ອງຖິ່ນ ເພື່ອຂັບເຄື່ອນການພັດທະນາເສດຖະກິດ-ສັງຄົມ ເຂົ້າສູ່ຍຸກອຸດສາຫະກໍາ...

ທ່ານ ສົມບູນ ສີຫານາດ ປະທານສະພາບໍລິຫານງານ ສະຖາບັນແມ່ນໍ້າຂອງ ພ້ອມຄະນະ ເດີນທາງຢ້ຽມຢາມ ສປ ຈີນ

ໃນໂອກາດທີ່ ສປປ ລາວ ໄດ້ຮັບກຽດເປັນປະທານໝູນວຽນຂອງ ສະພາບໍລິຫານງານສະຖາບັນແມ່ນໍ້າຂອງ (Council of Mekong Institute) ປະຈໍາສົກປີ 2025-2027 ພາຍໃຕ້ຄໍາຂວັນ: “ເພີ່ມທະວີການເຊື່ອມຈອດ ແລະ...