spot_img
Homeຂ່າວທ້ອງຖິ່ນຜທ. ສະ­ເລ່ຍການ​ຊົມ­ໃຊ້​ຕໍ່​ເດືອນ​ຂອງ​ຄົວ​ເຮືອນ​ຄົນ​ລາວ ​ຢູ່​ໃນ​ລະ­ດັບ 2,63 ລ້ານ​ກີບ

ຜທ. ສະ­ເລ່ຍການ​ຊົມ­ໃຊ້​ຕໍ່​ເດືອນ​ຂອງ​ຄົວ​ເຮືອນ​ຄົນ​ລາວ ​ຢູ່​ໃນ​ລະ­ດັບ 2,63 ລ້ານ​ກີບ

Published on

ໜັງສືພິມວຽງຈັນໃໝ່ ລາຍງານວ່າ ໃນກອງ​ປະ­ຊຸມ​ປະ­ກາດ​ຜົນ​ການ​ສຳ​ຫຼວດ​ການ​ຊົມ­ໃຊ້ ແລະ ການ​ໃຊ້​ຈ່າຍ​ຂອງ​ຄົວ​ເຮືອນ​ໃນ​ລາວ ຄັ້ງ​ທີ 6 ໄລ­ຍະ​ປີ 2018-2019 ຈັດ​ຂຶ້ນ​ວັນ​ທີ 28 ກໍ­ລະ­ກົດ 2020 ທີ່​ສູນ​ສະ­ຖິ­ຕິ​ແຫ່ງ​ຊາດ ກະ­ຊວງ​ແຜນ­ການ ແລະ ການ​ລົງ­ທຶນ (ຜທ) ຜົນ​ສຳ​ຫຼວດ​ຊີ້​ໃຫ້​ເຫັນ​ວ່າ ການ​ເປັນ​ຢູ່​ຂອງ​ປະ­ຊາ­ຊົນ​ລາວ​ແມ່ນ​ນັບ​ມື້​ດີ​ຂື້ນ​ເປັນ​ກ້າວໆ ເມື່ອ​ທຽບ­ໃສ່ 5 ປີ ຜ່ານ​ມາ.

ທ່ານ​ນາງ ພອນ​ສະ​ຫຼີ ສຸກ​ສະ​ຫວັດ ຮອງ​ຫົວ­ໜ້າ​ສູນ​ສະ­ຖິ­ຕິ​ແຫ່ງ​ຊາດ ບັນ­ດາ​ຫົວ­ໜ້າ​ກົມ ຮອງ​ກົມ ຜູ້­ຕາງ­ໜ້າ​ອົງ​ການ­ຈັດ­ຕັ້ງ​ສາ­ກົນ ກ່າວ​ວ່າ: ການ​ສຳ​ຫຼວດ​ການ​ຊົມ­ໃຊ້ ແລະ ການ​ໃຊ້​ຈ່າຍ​ຂອງ​ຄົວ​ເຮືອນ​ໃນ​ລາວ ແມ່ນ​ການ​ສຳ​ຫຼວດ​ຕົວ​ແທນ​ຂະ­ໜາດ​ໃຫຍ່​ໃນ​ຂອບ​ເຂດ​ທົ່ວ​ປະ­ເທດ ໂດຍ​ໄດ້​ຮັບ​ການ​ອະ­ນຸ­ມັດ​ຈາກ​ລັດ­ຖະ­ບານ ກໍ​ຄື​ກະ­ຊວງ​ແຜນ­ການ ແລະ ການ​ລົງ​ທືນ ມອບ​ໃຫ້​ສູນ​ສະ­ຖິ­ຕິ​ແຫ່ງ​ຊາດ​ເປັນ​ຜູ້​ຈັດ​ຕັ້ງ​ປະ­ຕິ­ບັດ ເຊິ່ງ​ໄດ້​ສືບ­ຕໍ່​ຈັດ​ຕັ້ງ​ປະ­ຕິ­ບັດ​ມາ​ທຸກໆ 5 ປີ ເລິ່ມ​ແຕ່​ປີ 1992-1993 ເປັນ­ຕົ້ນ​ມາ ຕາມ​ແຜນ​ຍຸດ​ທະ​ສາດ​ພັດ­ທະ­ນາ​ລະ­ບົບ​ສະ­ຖິ­ຕິ​ແຫ່ງ​ຊາດ​ແຕ່​ລະ​ໄລ­ຍະ.

ຜ່ານ​ການ­ຈັດ­ຕັ້ງ​ປະ­ຕິ­ບັດ ເກັບ​ກຳ​ຂໍ້​ມູນ​ສຳ​ຫຼວດ​ຕົວ​ຈິງ ຊີ້​ໃຫ້​ເຫັນ​ວ່າ ດ້ານ​ຄຸນ​ລັກ­ສະ­ນະ​ຂອງ​ຄົວ​ເຮືອນ ການ​ຊົມ­ໃຊ້ ແລະ ການ​ໃຊ້​ຈ່າຍ​ຂອງ​ຄົວ​ເຮືອນ ປີ 2018-2019 ຈຳ­ນວນ​ຄົວ​ເຮືອນ​ໃນ​ລາວ ມີ​ທັງ​ໝົດ​ປະ­ມານ 1,2 ລ້ານ​ກວ່າ​ຄົວ​ເຮືອນ ມີ​ຂະ­ໜາດ​ຂອງ​ຄົວ​ເຮືອນ​ສະ­ເລ່ຍ​ແມ່ນ 4,7 ຄົນ​ຕໍ່​ຄົວ​ເຮືອນ ທຽບ­ໃສ່​ໃນ​ປີ 2012-2013 ຫຼຸດ​ລົງ 5,2 ຄົນ ໃນ​ນີ້ ອາ­ໄສ​ຢູ່​ໃນ​ຕົວ​ເມືອງ​ມີ 34,8% ອາ­ໄສ​ໃນ​ຊົນ­ນະ­ບົດ​ທີ່​ມີ​ຫົນ­ທາງ 58,8% ແລະ ອາ­ໄສ​ໃນ​ຊົນ­ນະ­ບົດ​ທີ່​ບໍ່​ມີ​ເສັ້ນ­ທາງ 6,6% ການ​ຊົມ­ໃຊ້​ຕໍ່​ເດືອນ​ຂອງ​ຄົວ​ເຮືອນ​ຄົນ​ລາວ ສະ­ເລ່ຍ​ຢູ່​ໃນ​ລະ­ດັບ 2,63 ລ້ານ​ກີບ ເພີ່ມ​ຂຶ້ນ​ຈາກ 2,05 ລ້ານ​ກີບ​ໃນ​ປີ 2012-2013 ໃນ​ນັ້ນ ການ​ຊົມ­ໃຊ້​ໝວດ​ສະ­ບຽງ​ອາ­ຫານ ຍັງ​ກວມ​ເອົາ​ອັດ­ຕາ​ເພີ່ມ​ຂຶ້ນ​ຈາກ 70,4% ເປັນ 73,6% ການ​ຊົມ­ໃຊ້​ຜົນ​ຜະ­ລິດ​ຂອງ​ຕົວ​ເອງ ຫຼຸດ​ລົງ​ຈາກ 39,9%ໃນ 5 ຜ່ານ​ມາ​ເປັນ 34,8% ການ​ບໍ­ລິ­ໂພກ​ເຂົ້າ ຫຼຸດ​ລົງ​ຈາກ 34,2% ໃນ 5 ປີ­ຜ່ານ­ມາ ເປັນ30,8% ໃນ​ປີ 2018-2019.

ການ​ເຂົ້າ​ເຖິງ​ການ​ບໍ­ລິ­ການ​ດ້ານ​ສຶກ​ສາ ແລະ ສາ­ທາ­ລະ­ນະ​ສຸກ ການ​ຜະ­ລິດ ແລະ ກິດ­ຈະ­ກຳ​ທຸ­ລະ​ກິດ​ຂອງ​ຄົວ​ເຮືອນ ການ​ນຳ​ໃຊ້​ເວ­ລາ ແລະ ຄວາມ­ທຸກ​ຍາກ​ໃນ​ລາວ ຜົນ​ສຳ​ຫຼວດ​ຊີ້​ໃຫ້​ເຫັນ​ວ່າ ການ​ເປັນ​ຢູ່​ຂອງ​ປະ­ຊາ­ຊົນ​ລາວ​ແມ່ນ​ນັບ​ມື້​ດີ​ຂື້ນ​ເປັນ​ກ້າວໆ ເມື່ອ​ທຽບ­ໃສ່ 5 ປີ ຜ່ານ​ມາ ອັດ­ຕາ​ສ່ວນ​ຄວາມ­ທຸກ​ຍາກ​ຢູ່​ໃນ​ລາວ ຫຼຸດ​ລົງ​ຈາກ 23,2% ໃນ​ປີ 2012-2013 ເປັນ 18,3% ໃນ​ປີ 2018-2019.

 

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

ລົດບັນທຸກແກ່ຫີນ-ຊາຍ ທີ່ເຮັດ ຫີນ,ດິນ,ຊາຍ ເຮ່ຍຕາມຫົນທາງ ເຮັດໃຫ້ຖະໜົນເປິເປື້ອນ ຈະຖືກເຈົ້າໜ້າທີ່ປັບໄໝ

ເຈົ້າໜ້າທີ່ຈະປັບໄໝ ລົດບັນທຸກແກ່ຫີນ-ຊາຍ ທີ່ເຮັດ ຫີນ,ດິນ,ຊາຍ ເຮ່ຍຕາມຫົນທາງ ເຮັດໃຫ້ຖະໜົນເປິເປື້ອນ. ພທ ຄຳພູ ສົມແພງພັນ ຮອງຫົວໜ້າພະແນກຕຳຫຼວດຈາລະຈອນ ຫ້ອງຕຳຫຼວດ ປກສ ນະຄອນຫຼວງວຽງຈັນ ໄດ້ໃຫ້ສຳພາດວ່າ: ອີງຕາມປະກົດການຫຍໍ້ທໍ້ທີ່ເກີດຂຶ້ນໃນສັງຄົມ...

ປຶກສາຫາລື 5 ຫົວຂໍ້ສຳຄັນ ໃນກອງປະຊຸມສະໄໝສາມັນ ຂອງລັດຖະບານ ປະຈຳເດືອນກຸມພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນກຸມພາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນກຸມພາ 2025 ໄດ້ໄຂຂຶ້ນໃນຕອນເຊົ້າວັນທີ 27 ກຸມພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ,...

ເຮືອບິນກອງທັບຊູດານ ເກີດອຸບັດຕິເຫດຕົກໃສ່ເຂດຊຸມຊົນ ເຮັດໃຫ້ມີຜູ້ເສຍຊີວິດ 46 ຄົນ

ເສຍຊີວິດເພີ່ມ 46 ຄົນ ຈາກເຫດເຮືອບິນກອງທັບຊູດານຕົກໃນເຂດຊຸມຊົນ. ສຳນັກຂ່າວຕ່າງປະເທດລາຍງານໃນວັນທີ 26 ກຸມພາ 2025 ເກີດເຫດເຮືອບິນຂອງກອງທັບຊູດານເກີດອຸບັດຕິເຫດຕົກໃນ ເມືອງອອມດູມານ ພາກກາງຂອງປະເທດ ໃນວັນອັງຄານຜ່ານມາ ເຮັດໃຫ້ມີຜູ້ເສຍຊີວິດຢ່າງນ້ອຍ 46 ຄົນ...

ທຫລ ປະກາດໃຊ້ ຂໍ້ຕົກລົງວ່າດ້ວຍການ ຄຸ້ມຄອງບັນຊີເງິນຝາກເງິນຕາຕ່າງປະເທດຢູ່ ລາວ

ທຫລ ປະກາດໃຊ້ ຂໍ້ຕົກລົງວ່າດ້ວຍການ ຄຸ້ມຄອງບັນຊີເງິນຝາກເງິນຕາຕ່າງປະເທດຢູ່ ລາວ ໃນວັນທີ 26 ກຸມພາ 2025 ນີ້, ທ່ານ ອາລຸນ ບຸນຍົງ ຮອງຜູ້ວ່າການ ທະນາຄານແຫ່ງ...