spot_img
Homeຂ່າວທ້ອງຖິ່ນໂຄວິດ-19 ກະທົບການເກັບຄ່າທຳນຽມທາງ ແລະ ພາສີທີ່ດິນຫຼຸດແຜນການ

ໂຄວິດ-19 ກະທົບການເກັບຄ່າທຳນຽມທາງ ແລະ ພາສີທີ່ດິນຫຼຸດແຜນການ

Published on

ໜັງສືພິມວຽງຈັນໃໝ່ ລາຍງານວ່າ ກອງ​ປະ­ຊຸມ​ເປີດ​ກວ້າງ​ທົບ​ທວນ­ຄືນ ການ­ຈັດ­ຕັ້ງ​ປະ­ຕິ­ບັດ​ການ​ເກັບ​ຄ່າ​ທຳ­ນຽມ​ທາງ ແລະ ພາ­ສີ​ທີ່​ດິນ​ໃນ​ໄລ­ຍະ​ຜ່ານ​ມາ ແລະ ແຜນ​ການ­ຈັດ­ຕັ້ງ​ປະ­ຕິ­ບັດ​ໃນ­ຕໍ່­ໜ້າ ໄດ້​ຈັດ​ຂຶ້ນ​ວັນ​ທີ 17 ກໍ­ລະ­ກົດ 2020 ທີ່​ກົມ​ສ່ວຍ​ສາ​ອາ­ກອນ ທ່ານ ກົງ​ຄຳ ສິດ­ທິ​ວໍ­ລະ​ດາ ຮອງ​ຫົວ­ໜ້າ​ກົມ​ສ່ວຍ​ສາ​ອາ­ກອນ ລາຍງານຕໍ່ທີ່ປະຊຸມ ການ​ເກັບ​ຄ່າ​ທຳ­ນຽມ​ທາງ ແລະ ພາ­ສີ​ທີ່​ດິນ ໃນ 6 ເດືອນ​ຕົ້ນ​ປີ 2020 ບໍ່​ບັນ­ລຸ​ແຜນ­ການ​ນັ້ນ ສາ­ເຫດ​ຫຼັກ​ເກີດ​ຈາກ​ການ​ແພ່​ລະ­ບາດ​ຂອງ​ພະ­ຍາດ ໂຄວິດ-19 ຢູ່​ໃນ​ໄລ­ຍະ​ຕົ້ນ​ປີ ເຮັດ​ໃຫ້­ການ​ໂຄ­ສະ­ນາ ແລະ ລົງ​ຊຸກ­ຍູ້​ລາຍ​ຮັບ​ໄດ້​ຢຸດ​ຊົ່ວ­ຄາວ​ໄລ­ຍະ​ໜຶ່ງ.

ທ່ານ ກົງ​ຄຳ ສິດ­ທິ​ວໍ­ລະ​ດາ ຮອງ​ຫົວ­ໜ້າ​ກົມ​ສ່ວຍ​ສາ​ອາ­ກອນ ໄດ້​ກ່າວ​ວ່າ: ການ​ເກັບ​ຄ່າ​ທຳ­ນຽມ​ທາງ​ໃນ​ປີ 2020 ນັບ​ແຕ່​ເດືອນ​ມັງ­ກອນ​ຮອດ​ວັນ​ທີ 15 ກໍ­ລະ­ກົດ 2020 ສາ­ມາດ​ເກັບ​ຄ່າ​ທຳ­ນຽມ​ທາງ​ໄດ້​ທັງ​ໝົດ 63,36 ຕື້​ກີບ ເທົ່າ​ກັບ 35,95% ຂອງ​ແຜນ­ການ​ປີ ທຽບ­ໃສ່​ໄລ­ຍະ​ດຽວ​ກັນ​ຂອງ​ປີ­ຜ່ານ­ມາ ຫຼຸດ​ລົງ -18,04% ຫຼື​ປະ­ມານ 13,94 ຕື້​ກີບ ມີ​ພາ­ຫະ­ນະ​ເສຍ​ຄ່າ​ທາງ​ທັງ​ໝົດ 317.718 ຄັນ ເທົ່າ​ກັບ 22,62% ຂອງ​ພາ­ຫະ­ນະ​ທັງ​ໝົດ (ໃນ​ຈຳ­ນວນ​ລົດ​ທັງ​ໝົດ 1.404.491 ຄັນ ທຽບ­ໃສ່​ໄລ­ຍະ​ດຽວ​ກັນ​ຂອງ​ປິ​ຜ່ານ​ມາ​ຫຼຸດ​ລົງ -15,50% ຫຼື ຫຼຸດ​ປະ­ມານ 58,266 ຄັນ. ສ່ວນ​ການ­ຈັດ­ຕັ້ງ​ປະ­ຕິ­ບັດ​ການ​ເກັບ​ຄ່າ​ພາ­ສີ​ທີ່​ດີນ ປີ 2020 ການ​ເກັບ​ແຕ່​ເດືອນ​ມັງ­ກອນ ຮອດ​ວັນ​ທີ 15 ກໍ­ລະ­ກົດ 2020 ສາ­ມາດ​ເກັບ​ໄດ້​ທັງ​ໝົດ 97,45 ຕື້​ກີບ ເທົ່າ​ກັບ 42,56% ຂອງ​ແຜນ­ການ​ປີ ທຽບ­ໃສ່​ໄລ­ຍະ​ດຽວ​ກັນ​ຂອງ​ປີ­ຜ່ານ­ມາ ຫຼຸດ​ລົງ -21,67% ຫຼື​ປະ­ມານ 26,96 ຕື້​ກີບ ໃນ​ນັ້ນ ຊຳ­ລະ​ຜ່ານ​ທະ­ນາ­ຄານ​ທັງ​ໝົດ 7,05 ຕື້​ກີບ ເຊິ່ງ​ຫຼຸດ​ຈາກ​ປີ­ຜ່ານ­ມາ -27,59% ເປັນ​ເງິນ 2,69 ຕື້​ກີບ ລວມ​ຕອນ​ດີນ​ທີ່​ຊຳ­ລະ​ທັງ​ໝົດ 87,573 ຕອນ ທຽບ​ໄລ­ຍະ​ຜ່ານ​ມາ​ຫຼຸດ​ລົງ 53,321 ຕອນ ເຊິ່ງ​ສາ­ເຫດ​ຫຼັກ​ທີ່​ເກັບ​ຫຼຸດ​ຈາກ​ປີ­ຜ່ານ­ມາ ແມ່ນ​ຢູ່​ໃນ​ໄລ­ຍະ​ທີ່​ມີ​ການ​ແພ່​ລະ­ບາດ​ຂອງ​ພະ­ຍາດ ໂຄວິດ-19 ຢູ່​ໃນ​ຊ່ວງ​ຕົ້ນ​ປີ ເຮັດ​ໃຫ້­ການ​ໂຄ­ສະ­ນາ ແລະ ລົງ​ຊຸກ­ຍູ້​ລາຍ​ຮັບ​ໄດ້​ຢຸດ​ຊົ່ວ­ຄາວ​ໄລ­ຍະ​ໜຶ່ງ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...