ໂຄງການ-ແຜນງານພັດທະນາລະບົບສາທາລະນະສຸກ ກົມແຜນການ ແລະ ການຮ່ວມມືສາກົນ ກະຊວງສາທາລະນະສຸກ
ໄດ້ມອບລົດຮັບສົ່ງຄົນເຈັບ ຈຳນວນ 3 ຄັນ ມູນຄ່າ 99.000 ໂດລາສະຫະລັດ ຫຼື ປະມານ 798 ລ້ານກີບ ໂດຍທຶນຊ່ວຍເຫຼືອ
ລ້າຈາກທະນາຄານພັດທະນາອາຊີ ໃຫ້ໂຮງໝໍເມືອງເປົ້າໝາຍຂອງໂຄງການ 3 ແຂວງພາກເໜືອຄື: ໂຮງໝໍເມືອງນາໝໍ້
ແຂວງອຸດົມໄຊ ໂຮງໝໍເມືອງຊຽງຄໍ້ ແຂວງຫົວພັນ ແລະ ໂຮງໝໍເມືອງຜາໄຊ ແຂວງຊຽງຂວາງ ເພື່ອຮັບໃຊ້ໃນການບໍລິ
ການຮັບ-ສົ່ງຄົນເຈັບ ແລະ ບໍລິການເຄື່ອນທີ່ໃຫ້ມີຄຸນະພາບດີຂຶ້ນ ແນໃສ່ປະກອບສ່ວນໃນການຫຼຸດຜ່ອນການຕາຍຂອງ
ແມ່ ແລະ ເດັກ ກໍ່ຄືການບັນລຸເປົ້າໝາຍສະຫັດສະວັດດ້ານການພັດທະນາໃນປີ 2015.
ພິທີມອບ-ຮັບລົດດັ່ງກ່າວ ໄດ້ມີຂຶ້ນວັນທີ 14 ຕຸລາ 2014 ຢູ່ກະຊວງສາທາລະນະສຸກ ເຊິ່ງມອບໂດຍທ່ານ ດຣ. ນາງ ອິນລາ
ວັນ ແກ້ວບຸນພັນ ລັດຖະມົນຕີຊ່ວຍວ່າການກະຊວງສາທາ ແລະ ຮັບໂດຍຕາງໜ້າພະແນກສາທາ 3 ແຂວງກ່ຽວຂ້ອງ
ເພື່ອນຳໄປມອບຕໍ່ໃຫ້ 3 ເມືອງເປົ້າໝາຍ ໂດຍຊ້ອງໜ້າພະນັກງານກ່ຽວຂ້ອງ.
ການເຄື່ອນໄຫວວຽກງານສາທາຢູ່ຂັ້ນເມືອງ ແມ່ນມີບົດບາດສຳຄັນໃນການໃຫ້ບໍລິການສົ່ງຕໍ່ ລວມທັງກຸ່ມເມືອງ ໂດຍສະ
ເພາະກໍລະນີສຸກເສີນ ໃຫ້ສາມາດນຳສົ່ງ ແລະ ແກ້ໄຂທັນເວລາ ເຊິ່ງລົດດັ່ງກ່າວ ນອກຈາກຈະນຳຮັບສົ່ງຄົນເຈັບແລ້ວ ຍັງ
ສາມາດໃຊ້ບໍລິການເຄື່ອນທີ່ຕາມໜ້າທີ່ ແລະ ພາລະບົດບາດຂອງຫ້ອງການສາທາເມືອງ ແລະ ໂຮງໝໍເມືອງ ເພື່ອເຮັດໃຫ້
ລະບົບບໍລິການທົ່ວເຖິງ ເຂດຈຸດສຸມຫ່າງໄກສອກຫຼີກ ໃຫ້ໄດ້ຮັບການບໍລິການມີຄຸນະພາບນັບມື້ດີຂຶ້ນ.
ແຫລ່ງຂ່າວ: ວຽງຈັນໃໝ່