ຖ້າປ່ອຍໄວ້ດົນໆ ກໍອາດກໍ່ໃຫ້ເກີດບັນຫາຜິວໄດ້ ສະນັ້ນຄວນໝັ່ນທຳຄວາມສະອາດແປງແຕ່ງໜ້າແລະ ຄວນເຮັດໃຫ້ເປັນກິດຈະວັດນຳ
ການໃຊ້ແປງແຕ່ງໜ້າເພື່ອເພີ່ມສີສັນເທິງໃບໜ້າກັນທຸກມື້ ໃນຂະນະທີ່ແປງເຕີມຄວາມງາມໃຫ້ເຮົາມັນກໍຄ່ອຍໆ ເກັບຝຸ່ນ,ນ້ຳມັນ ແລະ ກໍ່ແບກທີເລຍເທື່ອລະນິດນຳເຊັ່ນກັນ ຊຶ່ງຖ້າປ່ອຍໄວ້ດົນໆ ກໍອາດກໍ່ໃຫ້ເກີດບັນຫາຜິວໄດ້ ສະນັ້ນຄວນໝັ່ນເຮັດຄວາມສະອາດແປງແຕ່ງໜ້າ ແລະ ຄວນເຮັດໃຫ້ເປັນກິດຈະວັດນຳ
– ຄວນເຮັດຄວາມສະອາດແປງແຕ່ງໜ້າເລື້ອຍໆແບບໃດ
- ອາທິດລະ 1 ຄັ້ງ ເພື່ອຫຼຸດໂອກາດການກໍ່ແບກທີເລຍທີ່ແປງແຕ່ງໜ້າ ແຕ່ຢ່າເລື້ອຍໆຫລາຍກວ່ານັ້ນເພາະຈະເຮັດໃຫ້ແປງລາຄາແພງຂອງເຮົາເສື່ອມສະພາບໄວກວ່າທີ່ຄວນ
- ແຊມພູເດັກຄືກຳລັງເສີມ ສຳລັບສາວໆ ທີ່ບໍ່ມີຜະລິດຕະພັນສຳລັບທຳຄວາມສະອາດແປງແຕ່ງໜ້າໂດຍສະເພາະ ສາມາດໃຊ້ແຊມພູເດັກສູດອ່ອນໂຍນແທນໄດ້ ໂດຍເມື່ອທຳຄວາມສະອາດຢ່າງໝົດຈົດດ້ວຍນ້ຳແລ້ວໃຫ້ລຽງແປງເທິງເຈ້ຍອານາໄມແບບໜາ ແລ້ວປ່ອຍໃຫ້ແຫ້ງ ຢ່າຕັ້ງແປງຂຶ້ນເດັດຂາດເພາະນ້ຳຈະເຮັດໃຫ້ດ້າມແປງເສື່ອມສະພາບໄວຂຶ້ນ
- ເວລາເປັນສິ່ງສຳຄັນ ໄລຍະເວລາໃນການລ້າງແປງແຕ່ງໜ້າບໍ່ຄວນດົນເກີນໄປ ເພາະນ້ຳຈະເຮັດໃຫ້ກາວທີ່ຕິດຂົນແປງເສື່ອມໄວ ເປັນເຫດໃຫ້ສາວໆ ຕ້ອງເສຍເງີນຊື້ແປງແຕ່ງໜ້າເລື້ອຍໆ ສະນັ້ນລ້າງໃຫ້ໄວແຕ່ກໍຕ້ອງໝັ່ນໃຈດ້ວຍວ່າສະອາດໝົດຈົດ