Home​ຂ່າວທ່ອງທ່ຽວຝຣັ່ງໃຫ້ການຊ່ວຍເຫຼືອ 2 ລ້ານກວ່າເອີໂຣ ເພື່ອສົ່ງເສີມການທ່ອງທ່ຽວ

ຝຣັ່ງໃຫ້ການຊ່ວຍເຫຼືອ 2 ລ້ານກວ່າເອີໂຣ ເພື່ອສົ່ງເສີມການທ່ອງທ່ຽວ

Published on

ໜັງສືພິມວຽງຈັນທາມ ລາຍງານວ່າ ອົງການຝຣັ່ງເພື່ອການພັດທະນາ (AFD) ໃຫ້ການຊ່ວຍເຫຼືອຫຼາຍກວ່າ 2,6 ລ້ານເອີໂຣ ເພື່ອສະໜັບສະໜູນໂຄງການຄຸ້ມຄອງ, ປົກປັກຮັກສາມໍລະດົກວັດທະນະທໍາ ແລະ ການສ້າງຄວາມດຶງດູດ ໃຫ້ແກ່ວຽກງານທ່ອງທ່ຽວຢູ່ແຂວງຈໍາປາສັກ ແລະ ສະຫວັນນະເຂດ.

ພິທີເຊັນສັນຍາຮັບການຊ່ວຍເຫຼືອດັ່ງກ່າວຈັດຂື້ນໃນວັນທີ 17 ມີຖຸນາ 2020 ທີ່ຜ່ານມາ ໂດຍການ ເຂົ້າຮ່ວມຂອງຜູ້ຕາງໜ້າຈາກກະຊວງແຜນການ ແລະ ການລົງທຶນ, ອົງການຝຣັ່ງເພື່ອການພັດທະນາ ແລະ ສະຖານທູດຝຣັ່ງປະຈໍາລາວ.

ພາຍໃຕ້ໂຄງການນີ້, ແຜນພັດທະນາການທ່ອງທ່ຽວຈະຖືກກຳນົດຂື້ນເພື່ອບໍ່ໃຫ້ແຂວງດັ່ງກ່າວ ເປັນພຽງທາງຜ່ານຂອງບັນດາກຸ່ມນັກທ່ອງທ່ຽວ ແລະ ເປັນການກະຕຸ້ນໃຫ້ນັກທ່ອງທ່ຽວ ແວ່ພັກເຊົາກ່ອນເດີນທາງຕໍ່ໄປແຂວງ ຫຼື ປະເທດອື່ນ ແລະ ເປັນການສ້າງລາຍຮັບ ແລະ ວຽກເຮັດງານທໍາໃຫ້ກັບປະຊາຊົນທ້ອງຖິ່ນ.

ແຂວງຈໍາປາສັກ ແລະ ສະຫວັນນະເຂດ ແມ່ນມີທ່າແຮງດ້ານການທ່ອງທ່ຽວ ຄືກັບບັນດາແຂວງອື່ນໆ ເພາະວ່າແຂວງດັ່ງກ່າວປະກອບມີຫຼາຍແຫຼ່ງທ່ອງທ່ຽວທີ່ສວຍງາມ ເຊິ່ງລວມມີສະຖານທີ່ທ່ອງທ່ຽວດ້ານວັດທະນະທໍາ, ປະຫວັດສາດ ແລະ ທໍາມະຊາດ.

ລັດຖະບານລາວ ແລະ ຜູ້ໃຫ້ທຶນເຊື່ອໝັ້ນວ່າໂຄງການດັ່ງກ່າວຈະມີຄຸນຄ່າຫຼາຍໃນການປັບປຸງຄວາມຮູ້ ແລະ ອະນຸລັກຮັກສາມໍລະດົກວັດທະນະທຳ ທີ່ເປັນເອກະລັກສະເພາະຂອງແຂວງຈຳປາສັກ ແລະ ສະຫວັນນະເຂດ, ພ້ອມທັງຈະຊ່ວຍໃຫ້ຂະແໜງການທ່ອງທ່ຽວຟື້ນຟູຢ່າງໝັ້ນຄົງ ແລະ ຍືນຍົງ ຫຼັງຈາກໄດ້ຮັບຜົນກະທົບຈາກວິກິດການຕ່າງໆໃນປະຈຸບັນ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ສົ່ງຕົວແກ້ງຄໍເຊັນເຕີກັບຈີນ ກົມຕໍາຫຼວດຄຸ້ມຄອງຄົນຕ່າງປະເທດ ສົ່ງຕົວແກ້ງຄໍເຊັນເຕີ ຈໍານວນ 485 ຄົນ ໃຫ້ທາງການຈີນ ນຳໄປດຳເນີນຄະດີ ຫຼັງຈາກຖືກຈັບກຸມຢູ່ ສປປ ລາວ

ໃນວັນທີ 13 ພຶດສະພາ 2026 ຢູ່ດ່ານສາກົນບໍ່ເຕັນ ແຂວງຫຼວງນໍ້າທາ, ກົມຕໍາຫຼວດຄຸ້ມຄອງຄົນຕ່າງປະເທດ ກົມໃຫຍ່ສັນຕິບານ ກະຊວງ ປກສ ຮ່ວມກັບສູນຮ່ວມມືວຽກງານຕໍາຫຼວດລາວ-ຈີນ ໄດ້ມອບ-ຮັບຕົວພວກຖືກຫາທີ່ເປັນຄົນສັນຊາດຈີນ ຈໍານວນ 485...

ເອກະພາບໃນການປັບປຸງເສັ້ນທາງ ຈຳປາສັກ-ຊຽງແຕງ (ກຳປູເຈຍ) ເຫັນດີ ຈັບມືປັບປຸງເສັ້ນທາງດ່ານສາກົນ ໜອງນົກຂຽນ-ຕໍປຽງກຣຽນ  ຖືເປັນບາດກ້າວສຳຄັນ ແລະ ເສີມສ້າງສາຍພົວພັນມິດຕະພາບ.

ໃນວັນທີ 11 ພຶດສະພາ 2026, ທ່ານ ປອ ອາລຸນໄຊ ສູນນະລາດ, ເລຂາພັກແຂວງ, ປະທານສະພາປະຊາຊົນແຂວງຈຳປາສັກ ໄດ້ລົງພື້ນທີ່ຕິດຕາມ ແລະ ຊີ້ນຳການກະກຽມສ້ອມແປງເສັ້ນທາງແຕ່ ດ່ານສາກົນໜອງນົກຂຽນ...

ຊົມເຊີຍເຈົ້າໜ້າທີ່ຕຳຫຼວດ! ໃນການຕິດຕາມກວດກາ ແລະ ສະກັດກັ້ນບັນດາກຸ່ມອາຊະຍາກຳທາງເຕັກໂນໂລຊີ ຫຼື ແກ້ງສໍ້ໂກງຊັບທາງໂທລະຄົມ ທີ່ລັກລອບເຂົ້າມາເຄື່ອນໄຫວຜິດກົດໝາຍຢູ່ ສປປ ລາວ.

ໃນຍຸກທີ່ເຕັກໂນໂລຊີດິຈິຕອນ ແລະ ອິນເຕີເນັດໄດ້ກາຍເປັນສ່ວນໜຶ່ງທີ່ຂາດບໍ່ໄດ້ໃນຊີວິດປະຈຳວັນ, ໄພຂົ່ມຂູ່ຈາກແກ້ງສໍ້ໂກງຊັບທາງໂທລະຄົມ (Call Center) ຫຼື ອາຊະຍາກຳທາງເຕັກໂນໂລຊີ ໄດ້ຂະຫຍາຍຕົວຢ່າງວ່ອງໄວ ແລະ ກາຍເປັນໜຶ່ງໃນໄພຄຸກຄາມທີ່ຮ້າຍແຮງທີ່ສຸດຕໍ່ຄວາມໝັ້ນຄົງຂອງຊາດ, ເສດຖະກິດ ແລະ ສັງຄົມໃນທົ່ວໂລກ...