ເວັບໄຊ sanook ລາຍງານໃຫ້ຮູ້ວ່າ ງານວິໄຈຂອງ ເບີເກີ ໂຊເຣນເຊນ ນັກວິທະຍາສາດຊາວນອກແວ ລະບຸວ່າ ໄວຣັດ SARS-CoV-2 ຫຼື ໄວຣັດໂຄໂຣນ່າສາຍພັນໃໝ່ນັ້ນບໍ່ໄດ້ເປັນໄວຣັດທີ່ມີຕົ້ນກຳເນີດຕາມທຳມະຊາດ ໂດຍຊີ້ໃຫ້ເຫັນວ່າ “ໂປຣຕິນທີ່ເປັນແຂນຂອງໄວຣັດ (spike protein) ນັ້ນເປັນສິ່ງທີ່ຖືກສ້າງຂຶ້ນ”.
ທັງນີ້, ງານວິໄຈຍັງລະບຸຕື່ມອີກວ່າ ຕັ້ງແຕ່ມີການຄົ້ນພົບໄວຣັດຊະນິດນີ້ໂປຣຕີນຂອງໄວຣັດນັ້ນຍັງບໍ່ມີການປ່ຽນແປງ ຫຼື ກາຍພັນ ເຊິ່ງເປັນສິ່ງບົ່ງບອກວ່າ ໄວຣັດຕົວນີ້ໄດ້ຮັບການພັດທະນາມາໃຫ້ສາມາດປັບຕົວເຂົ້າກັບມະນຸດແລ້ວ ແລະ ຄຸນສົມບັດຂອງໄວຣັດນີ້ມີຄວາມແຕກຕ່າງຈາກໄວຣັດ SARs ແລະ ບໍ່ເຄີຍຖືກພົບມາກ່ອນໃນທຳມະຊາດ.
ນັກວິທະຍາສາດ ຫຼື ຜູ້ຊ່ຽວຊານດ້ານໄວຣັດທົ່ວໂລກຕັ້ງຂໍ້ສັງເກດວ່າ ໄວຣັດໂຄໂຣນາສາຍພັນໃໝ່ຖືກສ້າງຂຶ້ນໃນຫ້ອງປະຕິບັດການໃນອູຮັ່ນ ເຊິ່ງເປັນພື້ນທີ່ທຳອິດໃນການແຜ່ລະບາດຂອງໄວຣັດນີ້. ແຕ່ທາງລັດຖະບານຈີນໄດ້ອອກມາປະຕິເສດຂໍ້ກ່າວຫາດັ່ງກ່າວ ໂດຍຊີ້ແຈງວ່າ ຕົ້ນກຳເນີດຂອງໄວຣັດດັ່ງກ່າວຍັງຄົງເປັນປິດສະໜາ ແລະ ຫຼາຍກວ່າ 70% ໂຣກລະບາດໃໝ່ສຸກເສີນນັ້ນມີຕົ້ນກຳເນີດຈາກສັດ ໂດຍສະເພາະສັດປ່າ.
ຮຽບຮຽງຂ່າວ: ພຸດສະດີ