spot_img
Homeຂ່າວຕ່າງປະເທດອາເມລິກາອາດໃຫ້ເງິນຊ່ວຍເຫຼືອ WHO ອີກຄັ້ງ ແຕ່ເຫຼືອພຽງ 10% ຈາກທີ່ເຄີຍຊ່ວຍ

ອາເມລິກາອາດໃຫ້ເງິນຊ່ວຍເຫຼືອ WHO ອີກຄັ້ງ ແຕ່ເຫຼືອພຽງ 10% ຈາກທີ່ເຄີຍຊ່ວຍ

Published on

ເວັບໄຊຂ່າວ mgronline ລາຍງານໃຫ້ຮູ້ວ່າ ທ່ານ ໂດນັລ ທຣໍ້າ ຜູ້ນຳອາເມລິກາ ກ່າວໄດ້ວັນທີ 16 ພຶດສະພາ ທີ່ຜ່ານມາ ວ່າ ກຳລັງພິຈາລະນາຂໍ້ສະເໜີຫຼາຍຢ່າງກ່ຽວກັບອົງການອະນາໄມໂລກ ລວມເຖິງຂໍ້ສະເໜີທີ່ຈະຊ່ວຍເງິນສະໜັບສະໜູນພຽງ 10% ຂອງຈຳນວນທັງໝົດຈາກເມື່ອກ່ອນ. 

ອາເມລິກາໄດ້ລະງັບເງິນຊ່ວຍເຫຼືອ WHO ເມື່ອວັນທີ 14 ເມສາ ທີ່ຜ່ານມາ ແລະ ກ່າວຫາວ່າ ອົງການອະນາໄມໂລກ ສົ່ງເສີມການໃຫ້ຂໍ້ມູນທີ່ບິດເບືອນຂອງຈີນກ່ຽວກັບການແຜ່ລະບາດຂອງເຊື້ອໄວຣັດໂຄໂຣນາ ແລະ ກ່າວວ່າ ຄະນະບໍລິຫານຂອງອາເມລິກາຈະເຮັດການກວດສອບເລື່ອງນີ້ຄືນໃໝ່ອີກຄັ້ງ ເຊິ່ງເຈົ້າໜ້າທີ່ WHO ໄດ້ປະຕິເສດຂໍ້ກ່າວຫາດັ່ງກ່າວ ແລະ ຈີນກໍ່ຢືນຢັນວ່າພວກເຂົາໂປ່ງໃສ ແລະ ເປີດກວ້າງ. 

ຟັອກນິວສ໌ ໄດ້ອ້າງເຖິງຈົດໝາຍສະບັບໜຶ່ງ ເມື່ອວັນທີ 15 ພຶດສະພາ ທີ່ຜ່ານມາວ່າ ປະທານາທິບໍດີ ໂດນັລ ທຣໍ້າ ກຳລັງຈະກັບໄປໃຫ້ການຊ່ວຍເຫຼືອ WHO ບາງສ່ວນ ແລະ ປັບເງິນສະໜັບສະໜູນໃຫ້ເຫຼືອເທົ່າກັບຝ່າຍຈີນ. 

ອາເມລິກາເປັນຜູ້ບໍລິຈາກລາຍໃຫຍ່ທີ່ສຸດຂອງ WHO ຖ້າຫາກວ່າອາເມລິກາ ຫຼຸດເງິນຊ່ວຍເຫຼືອໃຫ້ເທົ່າກັບຈີນ ຕາມການລາຍງານຂອງຟັອກນິວສ໌ ລະດັບເງິນຊ່ວຍເຫຼືອໃໝ່ນີ້ຈະເທົ່າກັບ 1 ໃນ 10 ຂອງເງິນຊ່ວຍເຫຼືອທີ່ຜ່ານມາ ເຊິ່ງເມື່ອກ່ອນປະມານ 400 ລ້ານໂດລາຕໍ່ປີ. 

ທ່ານ ໂດນັລ ທຣໍ້າ ໄດ້ກ່າວວ່າ “ນີ້ເປັນພຽງໜຶ່ງໃນຄວາມຄິດທີ່ກຳລັງຖືກພິຈາລະນາ ເຊິ່ງໃນກໍລະນີນີ້ ຂ້ອຍຈະຈ່າຍເງິນພຽງ 10% ຈາກທີ່ອາເມລິກາເຄີຍຈ່າຍມາຕະຫຼອດຫຼາຍປີ ເພື່ອໃຫ້ເທົ່າກັບຈີນທີ່ຈ່າຍເງິນໜ້ອຍກວ່າຫຼາຍເທົ່າ ແຕ່ຍັງບໍ່ມີການຕັດສິນໃຈຄັ້ງສຸດທ້າຍເທື່ອ ເພາະເງິນຊ່ວຍເຫຼືອທັງໝົດຍັງຖືກອາຢັດໄວ້ຢູ່”.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...