spot_img
Homeຂ່າວທ້ອງຖິ່ນວິກິດໂຄວິດ-19! ສາມຫຼ່ຽມຄຳສົ່ງແຮງງານມຽນມາ 100 ກວ່າຄົນ ກັບຄືນປະເທດ

ວິກິດໂຄວິດ-19! ສາມຫຼ່ຽມຄຳສົ່ງແຮງງານມຽນມາ 100 ກວ່າຄົນ ກັບຄືນປະເທດ

Published on

ແຂວງບໍ່ແກ້ວ ຈັດພິທີມອບ-ສົ່ງແຮງງານມຽນມາ ທີ່ອາໄສຢູ່ເຂດເສດຖະກິດພິເສດສາມຫຼ່ຽມຄຳ 125 ຄົນ, ຍິງ 51 ຄົນ ກັບຄືນປະເທດ ໃນວັນທີ 8 ພຶດສະພາ 2020 ຢູ່ດ່ານບ້ານມອມ ເມືອງ ຕົ້ນເຜິ້ງ ຕາມການສະເໜີຂອງລັດຖະບານມຽມມາ ກໍຄື ໜັງສືສະເໜີຂອງເຈົ້າແຂວງທ່າຂີ້ເຫຼັກ ເພື່ອນຳແຮງງານກັບຄືນປະເທດ ໃນໄລຍະການແຜ່ລະບາດຂອງພະຍາດ ໂຄວິດ-19.

ທ່ານ ເຄື່ອນເພັດ ວົງຈັນ ເຈົ້າເມືອງຕົ້ນເຜິ້ງ ໄດ້ໃຫ້ຮູ້ວ່າ: ການມອບ-ສົ່ງແຮງງານດັ່ງກ່າວ ແມ່ນປະຕິບັດຕາມຈຸດປະສົງຂອງລັດຖະບານມຽນມາ ກໍຄື ໜັງສືສະເໜີຂອງເຈົ້າແຂວງທ່າຂີ້ເຫຼັກ ໂດຍອີງຕາມການສະເໜີຂອງແຮງງານຊາວມຽນມາ ທີ່ມາອອກແຮງງານຢູ່ໃນເຂດເສດຖະກິດພິເສດສາມຫຼ່ຽມຄຳ ເມືອງຕົ້ນເຜິ້ງ ສປປ ລາວ ເນື່ອງຈາກວ່າສະພາບການແຜ່ລະບາດຂອງພະຍາດໂຄວິດ-19 ທີ່ກຳລັງຄຸກຄາມທຸກໆປະເທດໃນໂລກ ເຊິ່ງວິກິດການດັ່ງກ່າວ ໄດ້ເຮັດໃຫ້ໂຮງຈັກໂຮງງານ ແລະ ການເຮັດວຽກງານຕ່າງໆໄດ້ຢຸດດຳເນີນກິດຈະການຊົ່ວຄາວ. ສະເພາະຢູ່ເຂດເສດຖະກິດພິເສດສາມຫຼ່ຽມຄຳ ເມືອງຕົ້ນເຜິ້ງ ມີແຮງງານມຽນມາ ອາໄສຢູ່ ປະມານ 3.000 – 4.000 ຄົນ ແລະ ໄລຍະດໍາລົງຊີວິດຢູ່ ແຂວງບໍ່ແກ້ວນີ້ ອຳນາດການປົກຄອງແຕ່ລະຂັ້ນ ກໍໄດ້ອຳນວຍຄວາມສະດວກ ແລະ ໃຫ້ໂອກາດແກ່ແຮງງານມຽນມາ ໃນການທຳມາຫາກິນມາອອກແຮງງານ, ໃຫ້ຄວາມສຳຄັນແກ່ເຂົາເຈົ້າໃນການຄຸ້ມຄອງດູແລ ແລະ ໄດ້ໃຫ້ເຂົາເຈົ້າເຂົ້າເຖິງການສຶກສາ, ສາທາລະນະສຸກ ເປັນຕົ້ນ ການປ້ອງກັນພະຍາດໄຂ້ເລືອດອອກ, ພະຍາດໂລກອະຫິວາ ແລະ ພະຍາດອື່ນໆໂດຍບໍໄດ້ເສຍຄ່າຄືກັນກັບປະຊາຊົນລາວ.

ສຳລັບແຮງງານທີ່ມອບ-ສົ່ງກັບຄືນປະເທດໃນຄັ້ງນີ້ ແມ່ນມອບໃຫ້ແຂວງທ່າຂີ້ເຫຼັກນຳໄປຄຸ້ມຄອງເບິ່ງແຍງຕາມກົດໝາຍຂອງ ສສ ມຽນມາ ໃນໄລຍະທີ່ສອງປະເທດພວກເຮົາ ກໍຄື ເມືອງຕົ້ນເຜິ້ງ ແຂວງບໍ່ແກ້ວ ແລະ ເມືອງທ່າຂີ້ເຫລັກ ແຂວງທ່າຂີ້ເຫຼັກ ພວມຂຸ້ນຂ້ຽວໃນການປ້ອງກັນ ແລະ ສະກັດກັ້ນພະຍາດໂຄວິດ-19 ບໍ່ໃຫ້ມີການຂະຫຍາຍອອກເປັນວົງກວ້າງ ແລະ ກັບຄືນສູ່ສະພາບປົກກະຕິໂດຍໄວ.

 

ຮຽບຮຽງຂ່າວ: ພຸດສະດີ

ແຫຼ່ງຂໍ້ມູນ: ສຳນັກຂ່າວສານປະເທດລາວ

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...