spot_img
Homeຂ່າວທ້ອງຖິ່ນທົ່ວປະເທດມີຜູ້ປ່ວຍໄຂ້ຍຸງສະສົມ 900 ຄົນ! ນວ ພົບຜູ້ເສຍຊີວິດ 1 ຄົນ

ທົ່ວປະເທດມີຜູ້ປ່ວຍໄຂ້ຍຸງສະສົມ 900 ຄົນ! ນວ ພົບຜູ້ເສຍຊີວິດ 1 ຄົນ

Published on

ໜັງສືພິມວຽງຈັນໃໝ່ລາຍງານເມື່ອວັນທີ 27 ເມສາ 2020ວ່າ ການລະບາດຂອງພະ­ຍາດ​ໄຂ້­ຍຸງ​ລາຍໃນ ສປປ ລາວ ຍັງເປັນບັນຫາທີ່ບໍ່ຄວນນິ້ງນອນໃຈ ເນື່ອງຈາກປັດຈຸບັນພົບຜູ້ປ່ວຍໄຂ້ຍຸງລາຍ 904 ຄົນ ແລະ ນະ­ຄອນ­ຫຼວງ​ວຽງ​ຈັນ (ນວ) ແມ່ນ​ພົບ 1 ກໍ­ລະ­ນີ​ເສຍ​ຊີ­ວິດ​ຍ້ອນ​ພະ­ຍາດ​ໄຂ້­ຍຸງ​ລາຍແລ້ວ.

ອີງຕາມການລາຍງານຂອງກະຊວງສາທາລະນະສຸກ ໄດ້ໃຫ້ຮູ້ໃນວັນທີ 27 ເມສາ 2020 ວ່າ: ນັບແຕ່ວັນທີ 28 ທັນວາ 2019 ຫາ 24 ເມສາ 2020 ທົ່ວປະເທດໄດ້ມີກໍລະນີສະສົມພະຍາດໄຂ້ຍຸງລາຍທັງໝົດ 904 ກໍລະນີ ແລະ ເສຍຊີວິດ 1 ຄົນ ໃນນັ້ນ ນະຄອນຫຼວງວຽງຈັນ 283 ກໍລະນີ, ເສຍຊີດ 1 ຄົນ; ອັດຕະປື 153 ກໍລະນີ; ວຽງຈັນ 105 ກໍລະນີ; ສາລະວັນ 62 ກໍລະນີ; ຄຳມ່ວນ 62 ກໍລະນີ; ບໍລິຄຳໄຊ 55 ກໍລະນີ; ສະຫວັນນະເຂດ 48 ກໍລະນີ; ໄຊຍະບູລີ 37 ກໍລະນີ; ເຊກອງ 27 ກໍລະນີ; ຫຼວງນໍ້າທາ 37 ກໍລະນີ; ອຸດົມໄຊ 21 ກໍລະນີ; ຈຳປາສັກ 6 ກໍລະນີ; ຜົ້ງສາລີ 5 ກໍລະນີ; ຫຼວງພະບາງ 3 ກໍລະນີ; ຊຽງຂວາງ ໄຊສົມບູນ ບໍ່ແກ້ວ ຫົວພັນ ຍັງບໍ່ມີກໍລະນີ.

ເພື່ອເປັນການປ້ອງກັນການແຜ່ລະບາດແຕ່ຫົວທີ ແລະ ຕັດວົງຈອນໜອນນໍ້າຍຸງລາຍ ທຸກຄົນຄວນຮ່ວມມືກັນຈັດຕັ້ງປະຕິບັດຫຼັກການ 5 ປ ເປັນປະຈຳທຸກໆອາທິດ ໂດຍສະເພາະໄລຍະນີ້ ເປັນໄລຍະທີ່ທຸກຄົນແມ່ນຢູ່ໃນໄລຍະພ້ອມກັນຢູ່ເຮືອນເພື່ອຕ້ານການແຜ່ລະບາດຂອງພະຍາດ Covid-19 ສະນັ້ນ ຈຶ່ງຂໍໃຫ້ທຸກຄົນຖືເອົາໄລຍະທີ່ຢູ່ບ້ານເຮືອນເຮັດຄວາມສະອາດເຮືອນຊານ ແລະ ເກັບມ້ຽນພາຊະນະຕ່າງໆທີ່ສຸ່ມສ່ຽງກໍ່ໃຫ້ຍຸງມາໄຂ່ໃສ່ ເພື່ອຕັດວົງຈອນໜອນນໍ້າຍຸງລາຍ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...