ຄົນຢູ່ເທິງສະຫວັນ ເງິນຢູ່ໃນທະນາຄານ ຄົນເຮົາຕອນມີຊີວິດຢູ່ກໍບໍ່ມີເງິນໃຊ້ ຕາຍແລ້ວເງິນກໍຍັງໃຊ້ບໍ່ໝົດ. ຫວາງຈວິນຢາ ນັກທຸລະກິດຜູ້ຍິ່ງໃຫຍ່ໃນມົນທົນເຈີ້ຈຽງ ເສຍຊີວິດໃນຂະນະທີ່ອາຍຸຍັງບໍ່ຫຼາຍ ເຫຼືອເງິນຝາກໄວ້ໃຫ້ເມຍ 1,900,000,000 ຢວນ ແລະເມຍໄດ້ແຕ່ງງານໃໝ່ກັບຄົນຂັບລົດຂອງ ຫວາງຈວິນຢາ ຕອນທີ່ຍັງມີຊີວິດຢູ່.
ໃຈຂະນະທີ່ຄົນຂັບລົດນັ້ນໃຊ້ຊີວິດຢ່າງມີຄວາມສຸກ ເຂົາຄິດໄດ້ວ່າ ແຕ່ກ່ອນເຮົານຶກວ່າເຮົາເປັນຄົນເຮັດວຽກໃຫ້ເຈົ້ານາຍ ຕອນນີ້ເຮົາເຂົ້າໃຈແລ້ວວ່າ ເຈົ້ານາຍເຮັດວຽກໃຫ້ເຮົາມາຕະຫຼອດ.
ຄວາມຈິງທີ່ໂຫດຮ້າຍນີ້ເປັນໂຕສະແດງວ່າ: ມີຊີວິດທີ່ຍືນຍາວ ສຳຄັນກວ່າຄວາມລວຍຄວາມຫຼໍ່ ຂໍໃຫ້ທຸກຄົນໝັ່ນອອກກຳລັງກາຍ ລະວັງສຸຂະພາບ ໃຜເປັນຝ່າຍເຮັດວຽກໃຫ້ຜູ້ນັ້ນເວົ້າຍາກ.
ໂທລະສັບທັນສະໄໝ 1 ໜ່ວຍ, 70% ຂອງຟັງຊັ່ນ ໃນໂທລະສັບນັ້ນບໍ່ມີປະໂຫຍດ. ລົດຫຼູໆ 1 ຄັນ, 70% ຂອງຄວາມໄວນັ້ນບໍ່ໄດ້ໃຊ້. ເຮືອນຫຼູໆ 1 ຫຼັງ, 70% ຂອງພື້ນທີ່ນັ້ນວ່າງເປົ່າ. ມະຫາວິທະຍາໄລ, 70% ຂອງບັນດິດທີ່ຈົບບໍ່ມີຄຸນນະພາບ. ເຄື່ອງນຸ່ງຂອງໃຊ້ໃນເຮືອນ, 70% ບໍ່ໄດ້ໃຊ້ ບໍ່ມີປະໂຫຍດຫຍັງ. ເງິນທີ່ຫາມາໄດ້ຕະຫຼອດຊີວິດ, 70% ກໍຖິ້ມໄວ້ໃຫ້ຜູ້ອື່ນໃຊ້.
ສະຫຼຸບແລ້ວ: ຊີວິດທີ່ຮຽບງ່າຍໃຫ້ມ່ວນຊື່ນເບີກບານກັບການໃຊ້ຊີວິດ 30% ທີ່ເປັນຂອງທ່ານ ບໍ່ເຈັບປວດແຕ່ກໍຕ້ອງບຳລຸງ, ບໍ່ຫິວແຕ່ກໍຕ້ອງດື່ມນ້ຳ, ວຸ່ນວາຍປານໃດກໍຕ້ອງປ່ອຍວາງ, ມີເຫດຜົນແຕ່ກໍຕ້ອງຍອມຄົນ, ມີອຳນາດແຕ່ກໍຕ້ອງຮູ້ຈັກຖ່ອມຕົນ, ບໍ່ເມື່ອຍແຕ່ກໍຕ້ອງພັກຜ່ອນ, ບໍ່ລວຍແຕ່ກໍຕ້ອງຮູ້ຈັກພໍພຽງ ແລະວຽກຫຍຸ້ງປານໃດກໍຕ້ອງຈັກພັກຜ່ອນ.
ໝັ່ນເຕືອນໂຕເອງເອົາໄວ້ວ່າ: ຊີວິດນີ້ສັ້ນແທ້ໆ ຫາກເວລາຂອງທ່ານຍັງມີເຫຼືອເຟືດ ຈົ່ງບອກຕໍ່ຂໍ້ຄວາມເຫຼົ່ານີ້ໃຫ້ໝູ່ເພື່ອນຂອງທ່ານ ໃຫ້ໝູ່ເພື່ອນໄດ້ອ່ານແດ່ ເພື່ອຈະໄດ້ໃສ່ໃຈໂຕເອງແດ່.