ມາກ ຊັກເຄີເບີກ ຜູ້ກໍ່ຕັ້ງເຟສບຸກ ພ້ອມດ້ວຍພັນລະຍາ ບໍລິຈາກເງິນ 25 ລ້ານໂດລາ ສະໜັບສະໜູນການຕໍ່ສູ້ຕ້ານ
ການລະບາດຂອງພະຍາດອີໂບລາ.
ສຳນັກຂ່າວຕ່າງປະເທດ ລາຍງານໃນວັນທີ 15 ຕຸລານີ້ວ່າ ມາກ ຊັກເຄີເບີກ ຜູ້ກໍ່ຕັ້ງເຟສບຸກ ອາຍຸ 30 ປີ ແລະ ທ່ານ
ດຣ ນາງ ພຣິສຊິນລາ ຊານ ພັນລະຍາສາວຂອງລາວ ໄດ້ຮ່ວມກັນບໍລິຈາກເງິນກ່ວາ 25 ລ້ານໂດລາສະຫະລັດ ເພື່ອຕໍ່
ສູ້ກັບການລະບາດຂອງອີໂບລາ ໃນປະເທດແຖບອາຟຣິກາຕາເວັນຕົກ.
ໂດຍ ມາກ ຊັກເຄີເບີກ ໄດ້ເປີດເຜີຍຜ່ານເຟສບຸກຂອງເຂົາເອງວ່າ ພຣິສຊິນລາ ແລະ ເຂົາ ໄດ້ຮ່ວມກັນບໍລິຈາກເງິນ
ຈຳນວນດັ່ງກ່າວ ໃຫ້ກັບສູນຄວບຄຸມພະຍາດລະບາດ ເພື່ອນຳໄປຊ່ວຍໃນການຕໍ່ສູ້ກັບເຊື້ອອີໂບລາ ເພາະຕອນນີ້
ການລະບາດຂອງພະຍາດດັ່ງກ່າວ ໄດ້ກ້າວມາເຖິງຈຸດວິກິດການແລ້ວ ໂດຍມີຜູ້ຕິດເຊື້ອຫລາຍກ່ວາ 8,400 ຄົນ
ແລະ ເຊື້ອອີໂບລາກໍລະບາດຢ່າງວ່ອງໄວ ເຊິ່ງຄາດວ່າຈະມີຜູ້ຕິດເຊື້ອເພີ່ມຈົນແຕະຕົວເລກ 1 ລ້ານຄົນ ໃນອີກຫລາຍ
ເດືອນຂ້າງໜ້ານີ້ ຖ້າຫາກບໍ່ມີການດຳເນີນການໃດໆເພື່ອຢຸດຢັ້ງ ເຊິ່ງເຂົາ ແລະ ພັນລະຍາ ຢາກໃຫ້ການລະບາດຂອງ
ອີໂບລາສາມາດຄວບຄຸມໄດ້ໃນໄວໆນີ້ ໂດຍຫວັງວ່າເງິນຈຳນວນດັ່ງກ່າວ ຈະຊ່ວຍຮັກສາຊີວິດຂອງຜູ້ຄົນຈຳນວນຫລວງ
ຫລາຍໃນອາຟຣິກາຕາເວັນຕົກ.