ຕາມລາຍງານຂອງສຳນັກຂ່າວ CNN, ໃນເວລາ 4 ໂມງແລງຂອງວັນທີ 7 ເມສາ ນາຍົກລັດຖະມົນຕີແຫ່ງປະເທດຢີ່ປຸ່ນ ທ່ານ ຊິນໂຊ ອາເບະ (Shinzo Abe) ໄດ້ອອກຖະແຫຼງປະກາດພາວະສຸກເສີນໃນປະເທດ ທີ່ກອງປະຊຸມຂອງຄະນະສະເພາະກິດໃນປະເທດ . ພາວະສຸກເສີນຈະໄດ້ເລີ່ມຂຶ້ນພາຍໃນມື້ນີ້ຈົນເຖິງວັນທີ 6 ພຶດສະພາ ໂດຍຮ່ວມເປັນເວລາ 1 ເດືອນ ໃນ 7 ພື້ນທີ່ເຊັ່ນ ໂອຊາກ້າ, ຄານາກາວະ, ໄຊຕາມະ, ຊິບະ, ຮຽວໂກະ, ຟູກູໂອກະ ແລະ ນະຄອນຫຼວງໂຕກຽວ.
ຫຼັງຈາກຍອດກໍລະນີຜູ້ຕິດເຊື້ອໃນປະເທດໄດ້ເພີ່ມຫຼາຍຂຶ້ນ. ໃນພາວະສຸກເສີນຄັ້ງນີ້ ທ່ານນາຍົກໄດ້ກ່າວວ່າການຂົນສົ່ງສາທາລະນະ ແລະ ຮ້ານຄ້າຈະຍັງເປີດໃຫ້ບໍລິການຕາມປົກກະຕິ ພ້ອມສັ່ງໃຫ້ປະຊາຊົນຢູ່ແຕ່ໃນທີ່ພັກອາໄສ ແລະ ຫ້າມເດີນທາງຖ້າບໍ່ຈຳເປັນ.
ຮຽບຮຽງໂດຍ: ວະນິດາ