ໜັງສືພິມທ້ອງຖິ່ນ ຫວຽດນາມ ລາຍງານວ່າ ເມື່ອວັນທີ 31 ມີນາ 2020 ທີ່ຜ່ານມາວ່າ ນະຄອນຫຼວງຮາໂນ່ຍ ເມືອງຫຼວງຂອງຫວຽດນາມ ໄດ້ຈັດຈຸດກວດເຊື້ອໂຄວິດ-19 ຫຼາຍຈຸດ ເຊິ່ງໃຊ້ເວລາກວດບໍ່ດົນ ແລະ ບໍ່ເສຍຄ່າໃຊ້ຈ່າຍ.
ທ່ານ ຄົງ ໝິ່ນ ຕ່ວນ (Khong Minh Tuan) ຮອງຜູ້ອຳນວຍການສູນຄວບຄຸມ ແລະ ປ້ອງກັນໂຣກຂອງຮ່າໂນ່ຍ ໃຫ້ຮູ້ວ່າ ຈຸດກວດໂຄວິດ-19 ໄດ້ຖືກຈັດຕັ້ງປະຕິບັດຂຶ້ນແຖວກາງໃຈເມືອງ 2 ແຫ່ງ ແລະ ເຂດຊານເມືອງອີກ 1 ແຫ່ງຂອງນະຄອນຫຼວງຮາໂນ່ຍ.
ໜັງສືພິມລະບຸວ່າ ລັດຖະບານ ຫວຽດນາມ ຫວັງວ່າມາດຕະການດັ່ງກ່າວຈະຊ່ວຍໃຫ້ເຈົ້າໜ້າທີ່ສາທາລະນະສຸກກວດພົບການຕິດເຊື້ອໃນຊຸມຊົນໄດ້ຕັ້ງແຕ່ຊ່ວງໄລຍະທຳອິດ ແລະ ຊ່ວຍສະກັດກັ້ນການແຜ່ລະບາດໄດ້ທັນການ.
ທັງນີ້, ກະຊວງສາທາລະນະສຸກຫວຽດນາມລາຍງານວ່າ ປັດຈຸບັນ ຫວຽດນາມມີຍອດຜູ້ປ່ວຍສະສົມ 204ຄົນ ແລະ ຮັກສາຫາຍແລ້ວ 55 ຄົນ.
ຮຽບຮຽງຂ່າວ: ພຸດສະດີ
ແຫຼ່ງຂໍ້ມູນ: sanook.com