ທ່ານ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຢືນຢັນ ໃນວັນທີ 2 ເມສາ 2020 ນີ້ວ່າ: ມາຮອດວັນທີ 2 ເມສາ ນີ້, ສປປ ລາວ ບໍ່ພົບກໍລະນີ ຜູ້ຕິດເຊື້ອໄວຣັດໂຄວິດ-19 ເພີ່ມຂຶ້ນ, ຕົວເລກຜູ້ຕິດເຊື້ອ ຍັງຢູ່ 10 ຄົນ. ກະຊວງສາທາລະນະສຸກຖະແຫຼງວ່າ ມາຮອດວັນທີ 1 ເມສາ 2020, ໄດ້ມີກໍລະນີສົງໄສເກັບຕົວຢ່າງມາກວດ 61 ຄົນ ໄດ້ແກ່ນະຄອນ ຫຼວງວຽງຈັນ 46 ຄົນ, ແຂວງບໍລິຄຳໄຊ, ຄຳມ່ວນ ແລະ ຫຼວງພະບາງ ແຂວງລະ 4 ຄົນ, ແຂວງອັດຕະປື 4 ຄົນ, ແຂວງ ຈຳປາສັກ 1 ຄົນ. ທັງໝົດໄດ້ເກັບຕົວຢ່າງ ແລະ ທັ້ງໝົດມີຜົນກວດອອກມາເປັນລົບ ບໍ່ພົບເຊື້ອໄວຣັສໂຄວິດ-19.