ເລື່ອງ ລາວຕໍ່ໄປນີ້ຈະເຮັດໃຫ້ທຸກຄົນຕ້ອງຕົກໃຈ ເມື່ອຄອບຄົວໜຶ່ງໄດ້ເປີດເຜີຍພາບການໃຊ້ຊີວິດຮ່ວມກັບສິງໂຕ ໂດຍສິງໃຫຍ່ຕົວນີ້ມີຊື່ວ່າ “Neil” ຖ່າຍໄວ້ໃນປີ 1970 ຊຶ່ງສິງໃຫຍ່ຕົວນີ້ໃຊ້ຊີວິດກັບມະນຸດແທ້ໆ ແຕ່ສຸດທ້າຍກັບກາຍເປັນເລື່ອງທີ່ສອນໃຈມະນຸດວ່າ ເຖິງວ່າເຮົາຈະຮັກ ຫລື ຮູ້ສຶກໃກ້ຊິດກັບສັດປ່າຢ່າງ ສິງໂຕຕົວໃຫຍ່ ຫລາຍຊ່ຳໃດ ແຕ່ກໍບໍ່ສາມາດເຂົ້າໃຈພວກມັນໄດ້ຢ່າງແທ້ຈິງ
ຫລັງຈາກການເດິນທາງໄປທີ່ແອຟລິກການັກສະແດງສາວນາມວ່າ “Tippi Hedren “ແລະ “Noel Marshall” ແຟນຂອງນາງ ລວມທັງ “Melanie Griffith” ລູກສາວຂອງນາງ ນຶກຢາກເຮັດຮູບເງົາກ່ຽວກັບ “ສິງໃຫຍ່” ຂຶ້ນມາເລື່ອງໜຶ່ງ ຊຶ່ງຈາກຄຳແນະນຳຂອງຄູຝຶກ “Ron Oxley” ບອກວ່າ “ຖ້າຕ້ອງການເຮັດຄວາມຮູ້ຈັກກັບສິງໃຫຍ່ແທ້ໆ ເຈົ້າຕ້ອງໃຊ້ຊີວິດຢູ່ກັບມັນຈັກໜ້ອຍໜຶ່ງ” ພວກເຂົາຈຶ່ງໄດ້ “Neil” ມາອາໄສຢູ່ນຳກັນ ແລະ ເລື່ອງລາວຂອງພວກເຂົາຖືກບັນທຶກພາບໄວ້ໂດຍຊ່າງພາບ”Michael Rougier”
ຊີວິດຂອງພວກເຂົາກັບສິງໃຫຍ່ເບິ່ງຄືຈະໄປໄດ້ດີ ແຕ່ຮູບເງົາຂອງພວກເຂົາເບີ່ງທ່າທາງຈະໄປບໍ່ລອດ Melanie ຕ້ອງຫຍິບບາດແຜເຖິງ 50 ເຂັມ ຫລັງຈາກຖືກສິງໃຫຍ່ຕົວໜຶ່ງໃນຮູບເງົາເຮັດຮ້າຍ ຊ່າງພາບ Jan de Bont ຕ້ອງເຂົ້າຮັບການປິ່ນປົວເພື່ອຫຍິບໜັງຫົວ ຄົນໃນກອງຖ່າຍກວ່າ 70 ຄົນໄດ້ຮັບບາດເຈັບ ຈາກສິງໃຫຍ່ເຂົ້າຮ່ວມຖ່າຍຮູບເງົາກວ່າ 150 ຕົວ ຊຶ່ງຮູບເງົາເລື່ອງນີ້ໃຊ້ງົບປະມານໃນການຖ່າຍທຳໄປປະມານ 17.5 ລ້ານດອນລາສະຫະລັດ ແຕ່ສາມາດເຮັດເງີນໄດ້ພຽງ 2 ລ້ານຫຼຽນສະຫະລັດ ເທົ່ານັ້ນ
ຂຶ້ນ ຊື່ວ່າເປັນສັດປ່າ ຢ່າງໃດກໍຕ້ອງມີສັນຊາດຕະຍານຄວາມໂຫດຮ້າຍ ແລະ ຄວາມເປັນນັກລ່າຢູ່ໃນຕົວ ເພື່ອປ້ອງກັນຕົວເອງຈາກໄພອັນຕະລາຍ ແລະ ແນ່ນອນວ່າເຮົາຄົງບໍ່ສາມາດເຂົ້າໃຈພວກມັນໄດ້ຢ່າງແທ້ຈິງ
