ຕຳນັກຫຼວງ Clarence House ໄດ້ອອກມາປະກາດວ່າເຈົ້າຟ້າຊາຍຊາລສ໌ແຫ່ງເວວສ໌ (Charles of Wales) ລູກຊາຍຂອງພະລາຊິນີ ອະລິຊະເບັດ ທີ 2 (Queen Elizabeth ll) ໄດ້ຕິດເຊື້ອພະຍາດໄວຣັສໂຄວິດ-19 ໃນວັນພຸດທີຜ່ານມາ.

ຕອນນີ້, ເຈົ້າຊາຍ ແລະ ພັນລະຍາຂອງທ່ານກໍ່ໄດ້ກັກຕົວຢູ່ທີ່ພັກຂອງທ່ານເອງ. ທາງຕຳນັກໄດ້ລະບຸວ່າເຈົ້າຊາຍຊາລສ໌ບໍ່ໄດ້ສະແດງອາການແລະ ມີພະລານະໄມທີ່ດີຢູ່. ກ່ອນໜ້ານີ້ເຈົ້າຊາຍຊາລສ໌ສໄດ້ເຂົ້າເຝົ້າພະລາຊິນີອະລິຊະເບັດ ທີ 2 (Queen Elizabeth ll) ເຊິ່ງໃນຂະນະນີ້ພະລາຊິນີຍັງມີພະລານະໄມທີ່ດີ. ຕອນນີ້, ທາງຕຳນັກຍັງບໍ່ສາມາດລະບຸໄດ້ວ່າເຈົ້າຊາຍຊາລສ໌ໄດ້ຮັບເຊື້ອມາຈາກທາງໃດ ເພາະທ່ານໄດ້ອອກໄປປະຕິບັດພາລະກິດຫຼາຍງານ ພ້ອມກັນນີ້ ທ່ານກໍ່ໄດ້ເຂົ້າຮ່ວມງານສາທາລະນະຄັ້ງລ່າສຸດ ໃນວັນທີ 12 ມີນາ. ນອກຈາກນີ້ເຈົ້າຊາຍຊາລສ໌ ກໍ່ໄດ້ເຂົ້າຮ່ວມປະຊຸມແລະພົບປະກັບບຸກຄົນຕ່າງໆ ຂະນະນີ້ກໍ່ໄດ້ມີການຕິດຕໍ່ບຸກຄົນເຫຼົ່ານັ້ນເພື່ອແຈ້ງໃຫ້ຊາບເຖິງການຕິດເຊື້ອຂອງເຈົ້າຊາຍຊາລສ໌.

ຂະນະນີ້ ປະເທດອັງກິດມີກໍລະນີ້ຕິດເຊື້ອໂຄວິດ-19 8000 ກໍລະນີ, ເສຍຊີວິດ 422 ກໍລະນີ.

ຮຽບຮຽງໂດຍ ວະນິດາ