spot_img
Homeຂ່າວທ້ອງຖິ່ນນາຍົກວາງ 6 ມາດຕະການໃໝ່ຄຸມການລະບາດໂຄວິດ-19 ຫຼັງຈາກລາວພົບຜູ້ຕິດເຊື້ອ 2 ຄົນ

ນາຍົກວາງ 6 ມາດຕະການໃໝ່ຄຸມການລະບາດໂຄວິດ-19 ຫຼັງຈາກລາວພົບຜູ້ຕິດເຊື້ອ 2 ຄົນ

Published on

ໃນວັນທີ 25 ມີນາ 2020 ທີ່ສໍານັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປລາວ ພ້ອມຄະນະສະເພາະກິດແກ້ໄຂການແຜ່ລະບາດຂອງພະຍາດໂຄວິດ 19 ໄດ້ຖະແຫຼງຂ່າວຕໍ່ສື່ມວນຊົນກ່ຽວກັບການລະບາດຂອງເຊື້ອໂຄວິດ-19 ທີ່ໄດ້ມີການກວດພົບເຫັນມີຜູ້ຕິດເຊື້ອ 2 ຄົນ, ໃນນີ້ ທ່ານນາຍົກລັດຖະມົນຕີ ໄດ້ກ່າວວ່າ: ປະຈຸບັນໄດ້ມີການຫຼັ່ງໄຫຼຂອງແຮງງານລາວເຂົ້າມາຈາກຕ່າງປະເທດເປັນຈຳນວນຫຼວງຫຼາຍ ພວກເຮົາບໍ່ສາມາດຄວບຄຸມຕາມຫຼັກລະບຽບການໄດ້. ທຸກໆແຂວງມີແຮງງານລາວເຂົ້າມາ ບັນດາແຂວງຕ່າງໆກໍ່ໄດ້ມີມາດຕະການ, ຈຳນວນທີ່ມີໄຂ້ໄດ້ແຍກຕ່າງຫາກ. ຜູ້ທີ່ບໍ່ເປັນໄຂ້ໄດ້ສົ່ງກັບແລະ ໄດ້ມີການແນະນຳໃຫ້ກັກຕົນເອງ.

ສາມາດເວົ້າໄດ້ວ່າລັດຖະບານໄດ້ເຮັດດີທີ່ສຸດ, ແຕ່ກໍ່ມີຂໍ້ຈຳກັດບາງດ້ານ. ພະຍາດອາດແຜ່ຂະຫຍາຍ ບໍ່ສະເພາະແຕ່ທີ່ຕິດພັນກັບ 2 ຄົນ ແຕ່ອາດມີຫຼາຍກວ່ານັ້ນ. ສະນັ້ນນັບແຕ່ນີ້ຕໍ່ໄປ ພວກເຮົາຈະໄດ້ປະຕິບັດບັນດາມາດຕະການທີ່ລັດຖະບານວາງອອກຢ່າງເຂັ້ມງວດກວ່າເກົ່າແລະຮຽກຮ້ອງໃຫ້ປະຕິບັດບັນດາມາດຕະການເພີ່ມ ເພາະພວກເຮົາກຳລັງຢູ່ໃນສະຖານະການຫຼໍ່ແຫຼມ, ດັ່ງນັ້ນ ລັດຖະບານຈະໄດ້ເພີ່ມມາດຕະການເຂັ້ມງວດຕື່ມຄື:

  1. ໃຫ້ຜູ້ທີ່ມາຈາກຕ່າງປະເທດ ກັກຕົວເອງຢູ່ເຮືອນຂອງຕົນ ມອບໃຫ້ອຳນາດການປົກຄອງ, ຄະນະພັກຂອງບ້ານຮັບຜິດຊອບໂດຍກົງ ໂດຍການປຸກລະດົມທຸກກຳລັງແຮງຂອງອົງການຈັດຕັ້ງມະຫາຊົນ, ກອງຫຼອນບ້ານ ເພື່ອປະຕິບັດໜ້າທີ່ໃຫ້ເຂັ້ມງວດແທ້ໆ. (ຕ້ອງກັກຕົວເອງພາຍໃນ 14 ວັນຢູ່ເຮືອນຂອງຕົນ, ຖ້າມີອາການຜິດປົກກະຕິ ໃຫ້ລາຍງານແພດທັນທີ, ແພດມີມາດຕະການກວດກາ, ຖ້າພົບເຊື້ອຈະແຍກປິ່ນປົວຢູ່ໂຮງໝໍຢ່າງທັນການ).
  2. ໃຫ້ປະຕິບັດຫຼັກການປ້ອງກັນຕົວເອງຕາມທີ່ແພດໄດ້ແນະນຳ (ຫຼັກການອະນາໄມ) ໃຫ້ມີຄວາມເຂັ້ມງວດ, ແລະ ມີການກວດກາ ພວກເຮົາໄດ້ຈັດທີມແພດໄປຫາແຕ່ລະບ້ານແຕ່ລະເມືອງແລ້ວ.
  3. ໃຫ້ທຸກພາກສ່ວນໃນສັງຄົມ ທັ້ງສູນກາງແລະທ້ອງຖິ່ນ ໂດຍສະເພາະສຳນັກງານ-ອົງການ ປຶກສາຫາລືກັນພາຍໃນ ກ່ຽວກັບການຫຼຸດຜ່ອນການປະຊຸມ, ເຮັດວຽກແບບມີໄລຍະຫ່າງໃນຫ້ອງການ, ຖ້າມີຄວາມສາມາດແມ່ນໃຫ້ເຮັດວຽກຢູ່ເຮືອນ (ເຮັດວຽກແບບອອນລາຍ) ບໍ່ໃຫ້ມີການຊຸມນຸມຈັດກອງປະຊຸມໃນໄລຍະນີ້, ຫ້າມຈັດງານດອງ ງານບຸນປະເພນີທີ່ໄດ້ຫ້າມແລ້ວ, ງານສົບກໍ່ຄວນຈຳກັດທີ່ສຸດ, ນອກຈາກນັ້ນການເດີນທາງລະຫວ່າງເມືອງຕໍ່ເມືອງ, ບ້ານຕໍ່ບ້ານ ຫຼື ສໍານັກງານກັບສໍານັກງານ ກໍ່ຂໍໃຫ້ຫຼຸດຜ່ອນ.
  4. ຖ້າພົບເຫັນມີອາການຜິດປົກກະຕິໃຫ້ແຈ້ງຕໍ່ແພດໂດຍໄວຫຼືອາສາສະມັກບ້ານ ຈະດຳເນີນການແລະໃຫ້ການຊ່ວຍເຫຼືອ.
  5. ໃຫ້ຄະນະສະເພາະກິດອອກຂໍ້ກຳນົດຕື່ມອີກໃຫ້ເປັນອັນລະອຽດ ໂດຍແຈ້ງໃຫ້ທຸກພາກສ່ວນທຸກຄົນໃນສັງຄົມເຂັ້ມງວດ ເພື່ອປົກປັກຮັກສາສຸຂະພາບ, ຊີວິດຂອງປະຊາຊົນເຮົາທຸກຖ້ວນໜ້າ ບໍ່ໃຫ້ໂຄວິດ 19 ແຜ່ລາມອອກໄປ. ທຸກພາກສ່ວນໃນສັງຄົມ ຂໍໃຫ້ປະຕິບັດຢ່າງເຄັ່ງຄັດ. ສະພາບປະຈຸບັນ ບໍ່ປົກກະຕິ, ພວກເຮົາຢູ່ໃນສະພາບສຸກເສີນ. ລັດຖະບານ ຈະເບິ່ງສະພາບຕົວຈິງ ອາດມີການອອກມາດຕະການເຄັ່ງຄັດກວ່ານີ້ຕື່ມອີກ. ພວກເຮົາຈະບໍ່ປ່ອຍໃຫ້ມີຜູ້ລະເມີດລະບຽບກົດໝາຍແລະມາດຕະການຕ່າງໆ. ຂໍໃຫ້ເອົາໃຈໃສ່ຄຸ້ມຄອງນັກຮຽນນັກສຶກສາ, ລູກຫຼານຂອງເຮົາ ທີ່ຢູ່ບ້ານໃຫ້ດີ. ລັດຖະບາ ຈະໄດ້ເບິ່ງໂຮງຈັກໂຮງງານຕື່ມ ຖ້າມີການລະບາດຈະມີມາດຕະການຕື່ມອີກ.
  6. ພວກເຮົາຕ້ອງມີສະຕິ, ຂໍໃຫ້ປະຊາຊົນມີຄວາມທຸ່ນທ່ຽງ ບໍ່ແຕກຕື່ນບໍ່ວິຕົກກັນວົນຈົນເກີນໄປ. ສໍາຄັນແມ່ນພວກເຮົາໝົດທຸກຄົນພາຍໃນຊາດຕ້ອງຮ່ວມແຮງຮ່ວມໃຈກັນຕໍ່ສູ້ກັບສິ່ງທີ່ເກີດຂຶ້ນ, ພວກເຮົາຈະປິ່ນປົວໃຫ້ໄດ້ ເພາະເຮົາມີບົດຮຽນຈາກປະເທດເພື່ອນມິດແລະຈະຮ່ວມມືກັບບັນດາປະເທດເພື່ອນມິດ ເພື່ອຜ່ານພົ້ນວິກິດດັ່ງກ່າວໄປດ້ວຍດີ.

ໃນຕອນທ້າຍ, ທ່ານນາຍົກລັດຖະມົນຕີຍັງໄດ້ຮຽກຮ້ອງໃຫ້ບັນດາສື່ມວນຊົນລາວທັງໝົດ ຈົ່ງເອົາໃຈໃສ່ໂຄສະນາເຜີຍແຜ່ກ່ຽວກັບສະພາບການແຜ່ລະບາດ, ວິທີການແລະມາດຕະການຕ່າງໆເພື່ອປ້ອງກັນໃຫ້ປະຊາຊົນໄດ້ຮັບຮູ້ຢ່າງເປັນປົກກະຕິແລະທັນການ, ຖ້າບຸກຄົນໃດທີ່ມີການສ້າງຄວາມປັ່ນປ່ວນ, ບໍ່ສະຫງົບແລະສະເໜີຂ່າວທີ່ບໍ່ເປັນຄວາມຈິງ ຈະໄດ້ມີນໍາການນໍາໃຊ້ມາດຕະການທາງດ້ານກົດໝາຍຢ່າງເຄັ່ງຄັດ. ນອກນັ້ນລັດຖະບານພວມດຳເນີນການປຶກສາຫາລືເພື່ອຊ່ວຍເຫຼືອຜູ້ທີ່ໄດ້ຮັບຜົນກະທົບທາງດ້ານເສດຖະກິດຂອງເຊື້ອໄວລັດໂຄວິດ 19 ໂດຍຈະພິຈາລະນາຊ່ວຍເຫຼືອຫຼາຍດ້ານແລະຈະປະກາດໃຊ້ໃນໄວໆນີ້.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຜົ້ງສາລີ, ຫົວພັນ ແລະ ຊຽງຂວາງ ອາກາດໜາວສຸດ ອຸນຫະພູມຕໍ່າສຸດຢູ່ທີ 07 ອົງສາ ພ້ອມຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ ພະຍາກອນອາກາດ ວັນທີ 24 ມັງກອນ 2026

ພະຍາກອນອາກາດ ວັນທີ 24 ມັງກອນ 2026ມວນອາກາດໜາວເຢັນ ຍັງສືບຕໍ່ປົກຄຸມທົ່ວທຸກພາກຂອງປະເທດລາວ ດ້ວຍກໍາລັງປານກາງ ຫາ ແຮງ, ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມ, ຊຶ່ງຈະເຮັດໃຫ້ອາກາດຈະເຢັນ ຫາ ໜາວເຢັນຢູ່ໃນແຕ່ລະພາກ, ພ້ອມຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງພາກເໜືອ...

ອັນຕະລາຍກວ່າໂຄວິດ-19 ອິນເດຍສັ່ງກັກໂຕກຸ່ມສ່ຽງຈໍານວນ 100 ຄົນ ເພື່ອເຝົ້າລະວັງ ໄວຣັດນິປາ (Nipah) ມີອັດຕາການເສຍຊີວິດ ສູງເຖິງ 40%-75%

ສຳນັກຂ່າວຕ່າງປະເທດລາຍງານໃນ ວັນທີ 23 ມັງກອນ 2026 – ມີລາຍງານວ່າ ລັດຖະບານອິນເດຍ ປະກາດເລັ່ງດຳເນີນການສະກັດກັ້ນການແຜ່ລະບາດຂອງ ໄວຣັດນິປາ (Nipah virus) ຢ່າງເຂັ້ມງວດ ພາຍຫຼັງກວດພົບຜູ້ຕິດເຊື້ອ...

ຫຸ່ນຍົນຈາລະຈອນ ຈີນນຳໃຊ້ຫຸ່ນຍົນຈະລາຈອນ ໃນການປະຕິບັດໜ້າທີ່ແທນຄົນ ຊ່ວຍຫຼຸດພາລະໃຫ້ແກ່ທາງເຈົ້າໜ້າທີ່

ສຳນັກຂ່າງຕ່າງປະເທດລາຍງານວ່າ ເມື່ອບໍ່ດົນມານີ້ ຢູ່ນະຄອນອູ່ຫູ, ທາງພາກຕາເວັນອອກຂອງປະເທດຈີນ. ໄດ້ນຳຫຸ່ນຍົນຕຳຫຼວດຈະລາຈອນອັດສະລິຍະ ໂຣໂບຄອບ ຫຼື R001 ມາປະຈຳການຢູ່ສີ່ແຍກໃນເສັ້ນທາງທີ່ມີການຈະລາຈອນໜາແໜ້ນ ເພື່ອຄວບຄຸມການຈະລາຈອນ ແລະ ເຕືອນຜູ້ໃຊ້ຖະໜົນທີ່ຝ່າຝືນກົດ ເຊິ່ງໄດ້ປະຕິບັດໜ້າທີ່ແທນເຈົ້າໜ້າທີ່ ທີ່ເປັນຄົນແທ້ໆ. ຫຸ່ນຍົນດັ່ງກ່າວໃຊ້ເທັກໂນໂລຊີ...

ປະກາດແຕ່ງຕັ້ງ ສະຫາຍ ຄຳແຫວນ ປັນຍານຸວົງ  ເປັນປະທານຄະນະກຳມະການປົກຄອງແຂວງບໍລິຄຳໄຊ ຜູ້ໃໝ່

ວັນທີ 22 ມັງກອນ 2026 ນີ້ ຢູ່ທີ່ຫ້ອງວ່າການ ແຂວງ ບໍລິຄຳໄຊ ໄດ້ຈັດພິທີປະກາດ ມອບ-ຮັບໜ້າທີ່ ປະທານຄະນະກຳມະການປົກຄອງແຂວງ ບໍລິຄຳໄຊ ຜູ້ໃໝ່ ລະຫວ່າງ...