ຜູ້ອຳນວຍການອົງການອະນາໄມໂລກ ທ່ານ ເຕດຣອສ ສະດານອມ ເກເບຣເຢຊຸສ ຍອມຮັບວ່າ ຂະນະນີ້ທຸກຄົນມາສູ່ດິນແດນທີ່ບໍ່ເຄີຍມີໃຜຮູ້ຈັກມາກ່ອນ ແລະ ໂລກບໍ່ເຄີຍພົບກັບໂຣກທາງເດີນຫາຍໃຈທີ່ລະບາດໄປໃນກຸ່ມຄົນຕ່າງໆຫຼາຍ ຄືກັບໄວຣັສໂຄໂຣນາ ຫຼື ໂຄວິດ-19 ນີ້.

ທາງອົງການອະນາໄມໂລກຍັງເຊື່ອວ່າ ໂລກຮັບມືກັບໂຄໂຣນາໄດ້ດ້ວຍວິທີການທີ່ຖືກຕ້ອງ ເຊິ່ງວິທີການທີ່ຖືກຕ້ອງຄືການໃຫ້ຄວາມຮູ້ ແລະ ຄວາມເຂົ້າໃຈທີ່ຖືກຕ້ອງຕໍ່ການແຜ່ລະບາດ.

ເມື່ອເວລາ 08.30 ນາທີ ຂອງວັນນີ້ ຈຳນວນສະສົມຂອງຜູ້ຕິດເຊື້ອໄວຣັດໂຄໂຣນາ ຫຼື ໂຄວິດ-19 ທົ່ວໂລກຢູ່ທີ່ 95, 481 ຄົນ ແລະ ເສຍຊີວິດ 3,285 ຄົນທົ່ວໂລກ (ຂໍ້ມູນຈາກ Worldometer) ແລະ ຕົວເລກຜູ້ຕິດເຊື້ອລາຍໃໝ່ໃນປະເທດຈີນ ເຊິ່ງເປັນປະເທດສູນກາງແຜ່ລະບາດຂອງໂຣກນີ້ ຈະຫຼຸດລົງ ແຕ່ໃນຕ່າງປະເທດກໍ່ພົບຜູ້ປ່ວຍລາຍໃໝ່ລາຍຂຶ້ນເລື່ອຍໆ ທັງໃນປະເທດອິຣ່ານ, ເກົາຫຼີໃຕ້, ຍີ່ປຸ່ນ, ອິຕາລີ ແລະ ເຢຍລະມັນ.

ຮຽບຮຽງຂ່າວ: ພຸດສະດີ