Homeຂ່າວທ້ອງຖິ່ນເສ່ຍໂປ້ທ້າດວນຄູ່ກໍລະນີລາງວັນ 30 ລ້ານບາດບຳລຸງປະເທດຟຣີໆ! ເຈົ້າຕົວຈະລົງຊົກເອງ

ເສ່ຍໂປ້ທ້າດວນຄູ່ກໍລະນີລາງວັນ 30 ລ້ານບາດບຳລຸງປະເທດຟຣີໆ! ເຈົ້າຕົວຈະລົງຊົກເອງ

Published on

ກາຍເປັນປະເດັນໃຫຍ່ລະຫວ່າງ 2 ຝັ່ງຂອງໄປໃນເວລາຂ້າມຄືນ ເມື່ອເຟສບຸກເພຈ Red Skull Society ເຜີຍແຜ່ຄລິບວິດີໂອນາທີທີ່ເນັດໄອດໍ້ຊື່ດັງຂອງໄທກຳລັງໜີອອກຈາກກຸ່ມທີ່ກຳລັງເກີດການວິວາດກັນ ໂດຍມີລູກນ້ອງ ແລະ ກາດຂອງ ເສ່ຍໂປ້ ເຮັດໃຫ້ທັງສອງຝ່າຍມີຄົນບາດເຈັບ.

ເລື່ອງລາວໄດ້ເກີດຂຶ້ນໃນຄໍ່າຄືນຂອງວັນທີ 14 ກຸມພາ 2020 ໂດຍເສ່ຍໂປ້ໄດ້ມາທ່ຽວສະຖານບັນເທີງຂອງລາວ “ມາລີນ່າ” ໂດຍມີເມຍ, ເພື່ອນ ແລະ ລູກນ້ອງມານຳ ແລ້ວເກີດມີປາກສຽງຂຶ້ນກັບເຈົ້າຖິ່ນ ໂດຍໄດ້ມີການເປີດເຜີຍຄລິບວິດີໂອດັ່ງກ່າວໃນຕອນເຊົ້າມືດຂອງວັນທີ 15 ກຸມພາທີ່ຜ່ານມາ, ໂດຍເສ່ຍໂປ້ໄດ້ອອກມາຊີ້ແຈງຜ່ານສື່ວ່າ: ວັນທີ່ເກີດເຫດໄດ້ມາທ່ຽວທີ່ “ມາລີນ່າ” ມີຜູ້ຍິງເຂົ້າມາຂໍຖ່າຍຮູບນຳຫຼາຍ ແລະ ກໍ່ແຈກເງິນໄປປະມານ 8 ໝື່ນບາດ ອາດເຮັດໃຫ້ເຈົ້າຖິ່ນບໍ່ພໍໃຈຄົງຄິດວ່າຕົນຈະໄປຂະຫຍາຍອິດທິພົນ ເມື່ອຕົນເອງຍ່າງອອກມາຈາກສະຖານບັນເທີງກໍ່ພົບຄູ່ກໍລະນີດັກຖ້າຢູ່ແລ້ວ ຕົນເອງກໍ່ບໍ່ໄດ້ສົນໃຈຍ່າງມາຂຶ້ນລົດ ແຕ່ລະຫວ່າງນັ້ນ ໄດ້ຍິນສຽງຮ້ອງຖາມວ່າ “ກະຖືບຄົນໄທເສຍເງິນຈັກບາດ’ ທີມຄຸ້ມກັນເມື່ອໄດ້ຍິນກໍ່ຕອບກັບໄປວ່າ “ກູຄົນໄທມຶງຈະທຳໄມ” ແລ້ວຄູ່ກໍລະນີກໍ່ເຂົ້າມາທຳຮ້າຍ.

ປັດຈຸບັນມີພຽງທາງດ້ານຂອງເສ່ຍໂປ້ເທົ່ານັ້ນທີ່ອອກມາຊີ້ແຈງ ແຕ່ຍັງບໍ່ທັນມີການເຄື່ອນໄຫວຈາກຄູ່ກໍລະນີທາງຝັ່ງລາວ ດັ່ງນັ້ນຄົງຕ້ອງລໍຟັງຄຳຊີ້ແຈງຂອງອີກຝ່າຍຕໍ່ໄປ.

ໃນກໍລະນີດັ່ງກ່າວ ມີຜູ້ອອກມາໂພສຂໍ້ຄວາມອ້າງວ່າຕົນຢູ່ໃນເຫດການຈິງ ແລະ ໄດ້ເລົ່າວ່າ: ທີ່ເລື່ອງລາວມັນເກີດຂຶ້ນຍ້ອນລູກນ້ອງຂອງເສ່ຍໂປ້ໄປກວນເມຍເຈົ້າຂອງຖິ່ນກ່ອນ ເຊິ່ງເຈົ້າຂອງຖິ່ນບໍ່ພໍໃຈກໍ່ເລີຍເກີດມີປາກສຽງກັນ ແລະ ມີເຈົ້າຂອງຖິ່ນອີກຄົນມາໄກ່ເກ່ຍໃຫ້ເພາະບໍ່ຢາກໃຫ້ມີເລື່ອງກັນ ແຕ່ລູກນ້ອງຂອງເສ່ຍໂປ້ຕອບກັບໄປວ່າ “ກູມາກັບກຸ່ມໃຫຍ່ທີ່ສຸດໃນລາວ ໃຜຈະເຮັດຫຍັງພວກກູ” ຈາກນັ້ນກໍ່ເອົາແກ້ວຟາດຫົວຄົນທີ່ມາໄກ່ເກ່ຍ ຈາກນັ້ນກໍ່ເປັນໄປຕາມທີ່ເຫັນໃນຄລິບ ແລະ ເລື່ອງທີ່ເສ່ຍໂປ້ເວົ້າວ່າເຈົ້າຖິ່ນເຂົ້າມາທຳຮ້າຍຕົນເປັນ 100 ຄົນນັ້ນບໍ່ແມ່ນຄວາມຈິງ ຝັ່ງຄົນລາວກໍ່ມີ 10 ຄົນຄືກັນ ສ່ວນຄົນອື່ນຢືນເບິ່ງເທົ່ານັ້ນ.

ເຫດການດັ່ງກ່າວໄດ້ສ້າງຄວາມສົນໃຈໃຫ້ກັບຜູ້ຄົນເປັນຈຳນວນຫຼາຍ ເຊິ່ງໄດ້ມີການເຂົ້າໄປສະແດງຄວາມຄິດເຫັນໃນໂລກໂຊຊ້ຽວຈຳນວນຫຼາຍ ແລະ ໃນວັນທີ 16 ກຸມພາ ເສ່ຍໂປ້ໄດ້ໂພສຂໍ້ຄວາມຜ່ານເຟສບຸ໊ກສ່ວນຕົວ ໂດຍມີໃຈຄວາມທ້າດວນກຳປັ້ນກັບຄູ່ກໍລະນີ ໂດຍມີເງິນລາງວັນ 30 ລ້ານບາດ ໂດຍລະບຸຊຸດທີ່ມີເລື່ອງມາຈັດມວດຄາດເຊືອກ 10 ຕໍ່10 ລະຫວ່າງໄທ-ລາວ ເຊິ່ງເປັນການໄກ່ເກ່ຍບັນຫາລະຫວ່າງກັນ (ມວຍມິດຕະພາບໄທ-ລາວ) ໂດຍເສ່ຍໂປ້ໄດ້ຝາກຄຳທ້າ (ໃຈສູ້ຫຼືບໍ່) ຍິນດີຖ້າຝັ່ງລາວຊະນະ ຍິນດີໃຫ້ເງິນ 30 ລ້ານບາດ ເພື່ອບຳລຸງປະເທດເຈົ້າຟຣີໆ ແລະ ງານນີ້ເສ່ຍໂປ້ຈະລົງຊົກເອງ.

 

ຮຽບຮຽງຂ່າວ: ພຸດສະດີ

 

 

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...