spot_img
Homeຂ່າວທ້ອງຖິ່ນຈັບແກ້ງ 3 ອ້າຍນ້ອງຮ່ວມກັນຂາຍຢາເສບຕິດ

ຈັບແກ້ງ 3 ອ້າຍນ້ອງຮ່ວມກັນຂາຍຢາເສບຕິດ

Published on

ໜັງສືພິມປ້ອງກັນຄວາມສະຫງົບລາຍງານໃຫ້ຮູ້ວ່າ ໃນວັນທີ 3 ກຸມພາ 2020, ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ໄຊຍະບູລີ ກັກຕົວເປົ້າໝາຍເຄື່ອນໄຫວຄ້າ-ຂາຍຢາເສບຕິດ ປະເພດຢາບ້າໄດ້ 3 ຄົນ ຊື່: ທ້າວ ຢີ ອາຍຸ 21 ປີ, ທ້າວ ບີ່ ອາຍຸ 19 ປີ ແລະ ທ້າວ ໃຈ ອາຍຸ 17 ປີ (ສາມອ້າຍນ້ອງ) ຢູ່ບ້ານ ໜອງໜ່ອງ ເມືອງ ໄຊຍະບູລີ ແຂວງ ໄຊຍະບູລີ ລວມຂອງກາງຢາບ້າ ຈໍານວນ 4.339 ເມັດ ພ້ອມເຄື່ອງຂອງກາງອີກຈໍານວນໜຶ່ງ.

ເຈົ້າໜ້າທີ່ຕໍາຫຼວດໃຫ້ຮູ້ວ່າ: ພາຍຫຼັງທີ່ໄດ້ຮັບລາຍງານວ່າ ມີການເຄື່ອນໄຫວຄ້າ-ຂາຍ ຢູ່ເທດສະບານແຂວງ ໄຊຍະບູລີ ຈຶ່ງໄດ້ນຳໜ່ວຍງານວິຊາສະເພາະລົງຕິດຕາມ. ຮອດເວລາປະມານ 15:00 ໂມງ ຂອງວັນທີ 3 ກຸມພາ 2020 ສາມາດກັກຕົວ ທ້າວ ຢີ, ທ້າວ ບີ່ ແລະ ທ້າວ ໃຈ ພ້ອມທັງເຂົ້າກວດຄົ້ນເຮືອນຂອງເປົ້າໝາຍ ພົບຢາບ້າ ຈໍານວນ 4.339 ເມັດ, ເງິນກີບ 10.000.000 ກີບ, ລົດຈັກ 1 ຄັນ, ໂທລະສັບ 3 ເຄື່ອງ ຈຶ່ງໄດ້ນໍາເອົາພວກກ່ຽວທັງ 3 ຄົນ ມາດຳເນີນການສອບສວນຂະຫຍາຍຜົນຫາກຸ່ມແກ້ງທີ່ຮ່ວມຂະບວນການດຽວກັນໄປດໍາເນີນຄະດີຕາມກົດໝາຍ.

ຂ່າວຍັງໃຫ້ຮູ້ຕື່ມວ່າ: ໃນວັນທີ 30 ມັງກອນ 2020 ຜ່ານມາ, ເຈົ້າໜ້າທີ່ພະແນກຕໍາຫຼວດ ປກສ ເມືອງພຽງ ແຂວງໄຊຍະບູລີ ໄດ້ສົມທົບກັບເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ໄຊຍະບູລີ ເຂົ້າກວດຄົ້ນຫໍພັກນັກສຶກສາແຫ່ງໜຶ່ງຢູ່ເຂດບ້ານ ສວນ ເມືອງ ໄຊຍະບູລີ ສາມາດກັກຕົວ ທ້າວ ເມັງມົວ ອາຍຸ 17 ປີ ຢູ່ບ້ານ ປ່າຊາງ ເມືອງ ຄອບ ແຂວງ ໄຊຍະບູລີ. ຜ່ານການກວດຄົ້ນຫໍພັກພົບເຫັນຢາບ້າ ຈໍານວນ 6.000 ເມັດ, ລົດຈັກ 1 ຄັນ, ໂທລະສັບ 2 ເຄື່ອງ, ປຶ້ມເງິນຝາກປະຢັດ 2 ຫົວ ແລະ ບັດ ATM 1 ບັດ ໄປດໍາເນີນຄະດີ.

ປັດຈຸບັນ, ຄະດີທັງ 2 ແມ່ນຢູ່ໃນລະຫວ່າງການສືບສວນ-ສອບສວນຂອງເຈົ້າໜ້າທີ່ ເພື່ອສະຫຼຸບສຳນວນຄະດີສົ່ງໃຫ້ອົງການໄອຍະການສັ່ງຟ້ອງສານຕັດສິນຕາມກົດໝາຍ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...