ຂະແໜງພະລັງງານໄຟຟ້າ ມີແຜນການຈະສູ້ຊົນຜະລິດໄຟຟ້າໃຫ້ບັນລຸໄດ້ 15.260,50 ລ້ານກິໂລວັດໂມງ (kwh)
ໃນປີ 2015ເພື່ອຈຳໜ່າຍພາຍໃນ ສົ່ງອອກຂາຍຕ່າງປະເທດ ແລະ ຫຼຸດຜ່ອນການນຳເຂົ້າຈາກຕ່າງປະເທດ.
ທ່ານ ຄຳມະນີ ອິນທິລາດ ລັດຖະມົນຕີຊ່ວຍວ່າການກະຊວງພະລັງງານ ແລະ ບໍ່ແຮ່ ໃຫ້ສຳພາດເມື່ອບໍ່ດົນນີ້ວ່າ:
ການພັດທະນາແຫລ່ງຜະລິດໄຟຟ້າ ເປັນວຽກງານໜຶ່ງຂອງຂະແໜງພະລັງງານໃນການຕິດຕາມກວດກາການ
ກໍ່ສ້າງ ແລະ ດຳເນີນງານຂອງໂຄງການ ເພື່ອສົ່ງເສີມ ແລະ ຄຸ້ມຄອງການສະໜອງ-ການຈຳໜ່າຍ-ການບໍລິການ
ແລະ ການນຳໃຊ້ພະລັງງານໃນທົ່ວປະເທດ ໃຫ້ຖືກຕ້ອງ ບົນພື້ນຖານລະບຽບກົດໝາຍ ແລະ ນະໂຍບາຍຂອງລັດ
ວາງອອກ ແລະ ໃນປີ 2015 ນີ້ ຂະແໜງພະລັງງານ ຈະສູ້ຊົນການຜະລິດໄຟຟ້າ ໃຫ້ບັນລຸໄດ້ 15 ລ້ານກວ່າກິໂລວັດ
ໂມງ ສົ່ງອອກໄປຕ່າງປະເທດໃຫ້ໄດ້ 11.793,68 ລ້ານກິໂລວັດໂມງ ມູນຄ່າ 535,47 ລ້ານໂດລາສະຫະລັດ, ຈຳໜ່າຍ
ພາຍໃນ 5.726,98 ລ້ານກິໂລວັດໂມງ ມູນຄ່າ 130,19 ລ້ານໂດລາສະຫະລັດ ນຳເຂົ້າຈາກຕ່າງປະເທດ 1.128,01
ລ້ານກິໂລວັດໂມງ ມູນຄ່າ 62,55 ລ້ານໂດລາສະຫະລັດ ເນື່ອງຈາກວ່າ ໃນສົກປີ 2013-2014 ສປປ ລາວ ຍັງນຳເຂົ້າ
ກະແສໄຟຟ້າຈາກຕ່າງປະເທດເຖິງ 1.164,83 ລ້ານກິໂລວັດໂມງເປັນມູນຄ່າ 63,21 ລ້ານໂດລາສະຫະລັດ ຫຼຸດລົງ
ຈາກປີຜ່ານມາ 12,37% ເນື່ອງຈາກວ່າສາຍສົ່ງໄຟຟ້າແຮງສູງ, ແຮງກາງຍັງບໍ່ທັນເຊື່ອມຈອດທົ່ວປະເທດ ສະນັ້ນ
ບາງເຂດຕິດຊາຍແດນຈຶ່ງມີຄວາມຈຳເປັນ ຕ້ອງໄດ້ຊື້ໄຟຟ້າຈາກຕ່າງປະເທດ.
ທ່ານລັດຖະມົນຕີຊ່ວຍວ່າການກະຊວງພະລັງງານ ແລະ ບໍ່ແຮ່ ໃຫ້ຮູ້ອີກວ່າ: ມາຮອດສົກປີ 2013-2014 ທົ່ວປະເທດ
ມີໂຮງງານຜະລິດໄຟຟ້າ 25 ແຫ່ງທີ່ພວມດຳເນີນການຜະລິດ ມີກຳລັງການຜະລິດກວ່າ 3 ພັນເມກາວັດ ມີ 71 ໂຄງ
ການທີ່ກຳລັງພັດທະນາ ແລະ ກຳລັງກໍ່ສ້າງ 27 ໂຄງການ ເຊິ່ງໃນທ້າຍປີ 2014 ນີ້ຈະສຳເລັດ 2 ໂຄງການຄື: ນ້ຳສະນາ
14 ເມກາວັດ ແລະ ນ້ຳງຽບ 3A ທີ່ມີກຳລັງຜະລິດ 44 ເມກາວັດ ໃນປີ 2015 ຈະສຳເລັດຕື່ມ 8 ໂຄງການມີກຳລັງເຖິງ
2.247 ເມກາວັດ ຄາດວ່າແຕ່ປີ 2016-2020 ຈະສຳເລັດ 19 ໂຄງການ ດ້ວຍກຳລັງການຜະລິດ 3.492,4 ເມກາວັດ.
ປັດຈຸບັນມີລະບົບສາຍສົ່ງກວ່າ 47 ພັນກວ່າກິໂລແມັດ ມີ 50 ສະຖານີໄຟຟ້າ ກວມ 87% ຂອງຄົວເຮືອນທົ່ວປະເທດ
82,32% ຂອງຈຳນວນບ້ານທັງໝົດ ແລະ 99,31% ຂອງບັນດາເມືອງທົ່ວປະເທດ.
ແຫລ່ງຂ່າວ: ວຽງຈັນໃໝ່