spot_img
Homeຂ່າວຕ່າງປະເທດG20 ເນັ້ນການຄ້າເສລີ-ບໍ່ຄາດຫວັງເຈລະຈາ (ອາເມຣິກາ-ຈີນ)

G20 ເນັ້ນການຄ້າເສລີ-ບໍ່ຄາດຫວັງເຈລະຈາ (ອາເມຣິກາ-ຈີນ)

Published on

ບັນຍາກາດກ່ອນໜ້າການປະຊຸມສຸດຍອດກຸ່ມປະເທດເສດຖະກິດຂະໜາດໃຫຍ່ 20 ປະເທດ ຫຼື G20 ຊຶ່ງຈັດຂຶ້ນທີ່ນະຄອນໂອຊາກ້າ, ປະເທດຍີ່ປຸ່ນ ລະຫວ່າງວັນທີ 28-29 ມິຖຸນາ 2019 ຊຶ່ງມີປະເທດຍີ່ປຸ່ນເປັນປະທານຢູ່ລະຫວ່າງກຽມຈັດເຮັດໜັງສືຖະແຫຼງການຮ່ວມ ໂດຍມີລາຍລະອຽດມຸ່ງເນັ້ນເລື່ອງການສົ່ງເສີມການຄ້າເສລີ ແລະ ນະວັດຕະກຳທາງດ້ານເຕັກໂນໂລຊີ ຊຶ່ງເປັນກຸນແຈສຳຄັນຂອງເສດຖະກິດໂລກ ລວມເຖິງຄວາມຈຳເປັນທີ່ນາໆຊາດຈະຕ້ອງຮວມຕົວກັນສ້າງສັນໃນທາງບວກເພື່ອຜົນປະໂຫຍດຈາກການເຕີບໂຕຢ່າງໝັ້ນຄົງຊຶ່ງຈະສາມາດກະຈາຍໄດ້ຢ່າງທົ່ວເຖິງ.

ຢ່າງໃດກໍຕາມ ສຳນັກຂ່າວຕ່າງປະເທດກໍໄດ້ລາຍງານວ່າ ຈາກແຮງກົດດັນຂອງລັດຖະບານອາເມຣິກາໄດ້ເຮັດໃຫ້ໃນກອງປະຊຸມ G20 ຕັດຖ້ອຍຄຳຖະແຫຼງການເລື່ອງການຮຽກຮ້ອງໃຫ້ນາໆຊາດເຫັນຄວາມຈຳເປັນໃນການຕໍ່ຕ້ານລັດທິຄຸ້ມຄອງທາງການຄ້າຄືການປະຊຸມ G20 ຄັ້ງກ່ອນທີ່ບຣາຊິນ ເຊັ່ນດຽວກັບໜັງສືຖະແຫຼງການຮ່ວມຂອງກອງປະຊຸມລັດຖະມົນຕີການເງິນ G20 ກ່ອນໜ້ານີ້ທີ່ຕັດການສົນທະນາເຖິງລັດທິຄຸ້ມຄອງທາງການຄ້າ.

ຂະນະທີ່ແຫຼ່ງຂ່າວໃນລັດຖະບານເປີດເຜີຍເຖິງການຫາລືລະຫວ່າງ ທ່ານ ໂດນັລ ທຣໍ້າ ປະທານາທິບໍດີອາເມຣິກາກັບ ທ່ານ ສີ ຈິ້ນຜິງ ປະທານາທິບໍດີ ສປ ຈີນ ໃນການປະຊຸມ G20 ວ່າບໍ່ໄດ້ຄາດຫວັງຈະໄດ້ຂໍ້ຕົກລົງການຄ້າ ແຕ່ຫວັງວ່າຈະເປັນການປູທາງໄປຕໍ່ ຫຼື ທັງສອງຝ່າຍອາດສະແດງຄວາມປາດຖະໜາດີດ້ວຍການບໍ່ຕັ້ງກຳແພງພາສີການຄ້າເພີ່ມຕື່ມ ເພື່ອໃຫ້ການເຈລະຈາເດີນໜ້າຕໍ່ໄປໄດ້ ພາຍຫຼັງທີ່ ທຣໍ້າ ຂູ່ຈະຕັ້ງກຳແພງພາສີສິນຄ້າຈີນເພີ່ມຕື່ມໃນມູນຄ່າ 325.000 ລ້ານໂດລາ ແລະ ຄວາມເປັນໄປໄດ້ທີ່ ທຣໍ້າ ຈະຫາລືກັບ ສີ ຈິ້ນຜິງ ໃນປະເດັນບໍລິສັດຮົວເຫວີຍຂອງຈີນວ່າເປັນໄພຄຸກຄາມຕໍ່ຄວາມໝັ້ນຄົງ.

ນອກຈາກປະເດັນສົງຄາມການຄ້າ ອາເມຣິກາ-ຈີນ ຜູ້ນຳ G20 ຍັງສະແດງຄວາມກັງວົນຕໍ່ສະຖານະການເຄັ່ງຕຶງໃນພູມີພາກຕາເວັນອອກກາງລະຫວ່າງອາເມຣິກາກັບອີຣ່ານ ສ່ວນບໍລິສັດດ້ານການລົງທຶນ 477 ແຫ່ງທົ່ວໂລກຮຽກຮ້ອງໃຫ້ກອງປະຊຸມ G20 ເລັງເຫັນເຖິງຄວາມຈຳເປັນໃນການແກ້ໄຂບັນຫາໂລກຮ້ອນເພື່ອບັນລຸເປົ້າໝາຍຂໍ້ຕົກລົງໂລກຮ້ອນທີ່ນະຄອນຫຼວງປາຣີເມື່ອປີ 2015 ແລະ ມີບາງປະເທດແມ່ນບໍ່ມີຄວາມເຫັນດີຕໍ່ການແກ້ໄຂບັນຫາດັ່ງກ່າວ.

 

 

 

ລາຍງານຈາກເມືອງໂອຊາກ້າ, ປະເທດຍີ່ປຸ່ນ

ຮູບພາບ ແລະ ຂໍ້ມູນຈາກ: G20 summit

ບົດຄວາມຫຼ້າສຸດ

ສະມາຄົມນັກຂ່າວແຫ່ງ ສປປ ລາວ ຕ້ອນຮັບຄະນະນັກຂ່າວນັກໜັງສືພິມແຫ່ງປະເທດໄທ

ຕ້ອນຮັບຄະນະຜູ້ແທນນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ ເຄື່ອນໄຫວເຮັດວຽກຢູ່ລາວ. ໃນຕອນເຊົ້າຂອງວັນທີ 4 ທັນວາ 2025, ສຳນັກຂ່າວອອນລາຍລາວໂພສກໍຄືໃນນາມສະມາຄົມນັກຂ່າວແຫ່ງ ສປປ ລາວ ໄດ້ຕ້ອນຮັບຄະນະຜູ້ແທນຈາກ ສະມາຄົມນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ...

ບໍ່ສະໜັບສະໜູນ ການນນຳເຂົ້າສິລະປິນຕ່າງປະເທດ ເພື່ອມາຈັດຄອນເສີດ ໃນນະຄອນຫຼວງວຽງຈັນ ເພື່ອຮັກສາ ແລະ ສົ່ງເສີມສິລະປະວັດທະນະທໍາຂອງຊາດ

ອີງຕາມ ແຈ້ງການແນະນໍາ ຂອງພະແນກ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນສະບັບເລກທີ 1613/ວທ.ນວ ລົງວັນທີ 21 ພະຈິກ ປີ 2025 ມີດັ່ງນີ້

ປັບໄໝ 3,000,000 ກີບ/ຄັ້ງ ຖ້າບຸກຄົນໃດໂພສຂາຍສິນຄ້າອອນລາຍ ໂດຍບໍ່ແຈ້ງລົງທະບຽນທາງການຄ້າ ແມ່ນຈະຖືກປັບໄໝ ພ້ອມການກ່າວເຕືອນ, ສຶກສາອົບຮົມ ແລະ ເຮັດບົດບັນທຶກ

ຂໍ້ຕົກລົງ ວ່າດ້ວຍການປັບໃໝ ແລະ ການນໍາໃຊ້ມາດຕະການອື່ນ ຕໍ່ຜູ້ລະເມີດ ດຳລັດ ແລະ ລະບຽບການ ກ່ຽວກັບການຄ້າທາງເອເລັກໂຕຣນິກ ເລກທີ 2828/ອຄ ວັນທີ 11 ພະຈິກ...

ກະກຽມຄວາມພ້ອມເກືອບ 100% ບຸນນະມັດສະການພະທາດອີງຮັງ ແຂວງສະຫວັນນະເຂດ ທີ່ຈະຈັດຂຶ້ນໃນ 30 ພະຈິກ – 05 ທັນວາ 2025

ບຸນນະມັດສະການ ພະທາດອີງຮັງ ແຂວງສະຫວັນນະເຂດ ຈະຈັດຂຶ້ນໃນວັນທີ 30 ພະຈິກ 2025 ເພື່ອສົ່ງເສີມການທ່ອງທ່ຽວ ປັດຈຸບັນແມ່ນມີຄວາມພ້ອມເກືອບ 100% ແລ້ວ. ສຳລັບການຈັດງານປີນີ້ ຈະສ້າງໃຫ້ມີຫຼາຍກິດຈະກຳ ເພື່ອມີຄວາມມ່ວນຊື່ນ...