ເຈົ້າຊາຍວິລລຽມ ດະຢຸກແຫ່ງເຄມບຣິດ ລັດຊະທາຍາດອັນດັບ 2 ຂອງຣາຊະວົງອັງກິດ ຊົງເປີດພຣະໄທເປັນຄັ້ງທຳອິດໃນລະຫວ່າງການສະເດັດຢ້ຽມຢາມມູນນິທິ Albert Kennedy Trust AKT ຊຶ່ງເປັນມູນນິທິເພື່ອກຸ່ມເພດທາງເລືອກ LGBT ໂດຍລະນັ້ນມີຄົນໜຶ່ງຖາມພຣະອົງວ່າ ຈະເຮັດຈັ່ງໃດຫາກລູກໆທັງສາມຂອງພຣະອົງເປັນເພດທາງເລືອກ?.
ເຈົ້າຊາຍວິລລຽມ ຊົງຕອບວ່າ “ບໍ່ເປັນຫຍັງ ເຮົາບໍ່ກັງວົນເລີຍຖ້າຫາກລູກໆຂອງເຮົາເປັນເພດທາງເລືອກ ແຕ່ເຮົາກັບເປັນຫ່ວງວ່າຄົນອື່ນໆຈະປະຕິບັດຕໍ່ລູກໆຂອງເຮົາຈັ່ງໃດຫຼາຍກວ່າ?” ຊຶ່ງເຮົາກໍພ້ອມທີ່ຈະສະໜັບສະໜູນການຕັດສິນໃຈຂອງລູກໆສະເໝີ ແຕ່ເຮົາເປັນ ຫ່ວງເລື່ອງຄຳເວົ້າກຽດຊັງ ການຂົ່ງເຫັງ ຫຼື ການເລືອກປະຕິບັດທີ່ອາດເກີດຂຶ້ນ ຊຶ່ງນັ້ນເປັນສິ່ງທີ່ເຮົາທຸກຄົນຄວນແກ້ໄຂໃຫ້ມັນຖືກຕ້ອງເພື່ອບໍ່ໃຫ້ມັນເກີດຂຶ້ນ.
ຄຳເວົ້າຂອງເຈົ້າຊາຍວິລລຽມຄັ້ງນີ້ເປັນຄຳເວົ້າທີ່ກົງໄປກົງມາທີ່ສຸດຂອງສະມາຊິກຣາຊະວົງອັງກິດ ຊຶ່ງໃນມື້ໜຶ່ງພຣະອົງ ແລະ ພຣະໂອລົດຈະກາຍເປັນກະສັດ ແລະ ຈະຕ້ອງເປັນປະມຸກຂອງນິກາຍເຊີຣຕອ໊ອຟອິງແລນ ລວມເຖິງເປັນປະມຸກຂອງປະເທດໃນເຄືອຈັກກະພົບອີກ 16 ປະເທດ ຊຶ່ງບາງປະເທດຍັງຄົງມີກົດໝາຍສັ່ງຫ້າມບໍ່ມີໃຫ້ຄົນຮັກຮ່ວມເພດ.
ຂະນະທີ່ປະທານມູນລະນິທິ AKT ໄດ້ກ່າວຍົກຍ້ອງເຈົ້າຊາຍວ່າ “ວ່າທີ່ກະສັດໃນອະນາຄົດກຳລັງເວົ້າເຖິງການສະໜັບສະໜູນລູກໆຂອງພຣະອົງຫາກວ່າເຂົາເຈົ້າຈະກາຍເປັນເພດທາງເລືອກ (LGBT) ຊຶ່ງນັ້ນຍັງເປັນຂໍ້ຄວາມທີ່ສື່ໄປຍັງສັງຄົມທັງໝົດອີກດ້ວຍ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: posttoday