ອະດີດປະທານບໍລິຫານສາຍການບິນລາຄາປະຢັດ “ວັນ-ທູ-ໂກ” ຂອງໄທ ຊຶ່ງປັດຈຸບັນຍົກໄດ້ເລີກກິດຈະການໄປແລ້ວຖືກດຳເນີນຄະດີໃນສານຂອງນະຄອນຫຼວງປາຣີ ປະເທດຝຣັ່ງ ໃນຖານະຈຳເລີຍຄະດີເຮືອບິນໂດຍສານຖະໄຫຼອອກນອກຣັນເວສະໜາມບິນພູເກັດເມື່ອປີ 2007 ຊຶ່ງເຮັດໃຫ້ມີຜູ້ເສຍຊີວິດ 90 ລາຍ ໃນນັ້ນ ປະມານ 2 ໃນ 3 ເປັນຊາວຕ່າງຊາດ.
ຄະດີຟ້ອງຮ້ອງຄ່າເສຍຫາຍໂດຍຄອບຄົວຜູ້ເສຍຊີວິດໃນເຫດການຊາວຝຣັ່ງ 9 ລາຍ ແລະ ຜູ້ລອດຊີວິດ 1 ຄົນຈາກເຮືອບິນໂດຍ ສານສາຍການບິນ ວັນ-ທູ-ໂກ ຂອງໄທທີ່ປະສົບອຸບັດເຫດໄດ້ລະບຸໃນຄຳຮ້ອງຟ້ອງວ່າ “ອຸບັດເຫດທີ່ລໍຖ້າການເກີດຂຶ້ນ ແລະ ຂໍ້ກ່າວຫາສາເຫດ ລວມເຖິງນັກບິນອ່ອນເພຍ ແລະ ປອມແປງບັນທຶກການບິນ”.
ອຸບັດເຫດດັ່ງກ່າວເກີດຂຶ້ນຢູ່ເທິງເກາະທ່ອງທ່ຽວແຂວງພູເກັດເມື່ອວັນທີ 16 ກັນຍາ 2007 ເມື່ອເຮືອບິນໂດຍສານ ເອັມດີ-82 ຂອງສາຍການບິນ ວັນ-ທູ-ໂກ ຊຶ່ງບັນຈຸຜູ້ໂດຍສານ 123 ຄົນ ແລະ ລູກເຮືອອີກ 7 ຄົນຖະໄຫຼອອກນອກຣັນເວລະຫວ່າງລົງຈອດທີ່ທ່າອາ ການສະຍານນາໆຊາດພູເກັດທ່າມກາງກະແສລົມແຮງ ແລະ ຝົນຕົກໜັກ ສົ່ງຜົນໃຫ້ເຮືອບິນລະເບີດ ແລະ ໄຟລຸກໄໝ້ຢ່າງຮຸນແຮງ.
ຂະນະທີ່ຜູ້ເສຍຊີວິດ 33 ລາຍແມ່ນຊາວໄທ ແລະ 57 ລາຍແມ່ນຊາວຕ່າງຊາດຈາກປະເທດອັງກິດ ອິສຣາແອນ ແລະ ຝຣັ່ງ ທັງນີ້ ຄອບຄົວຂອງຜູ້ປະສົບເຄາະຮ້າຍກ່າວຫາວ່າສາຍການບິນ ວັນ-ທູ-ໂກ ພະຍາຍາມປົກປິດຄວາມບົກຜ່ອງຫຼາຍຢ່າງທີ່ນຳໄປສູ່ການເກີດອຸບັດເຫດ ໂດຍສານໃນນະຄອນຫຼວງປາຣີຕັ້ງຂໍ້ຫາຂ້າຄົນໂດຍບໍ່ເຈດຕະນາ.
ພາຍຫຼັງເກີດເຫດປະທານບໍລິຫານສາຍການບິນດັ່ງກ່າວກໍໄດ້ກ່າວວ່າ ສາຍການບິນ ວັນ-ທູ-ໂກ ຕ້ອງຮັບຜິດຊອບບາງສ່ວນຕໍ່ອຸບັດເຫດຄັ້ງຮ້າຍແຮງທີ່ສຸດຂອງປະເທດໄທໃນຮອບ 10 ປີ ເຖິງແມ່ນວ່າຈະມີການອອກໝາຍຈັບສາກົນ ແຕ່ຜູ້ບໍລິຫານກໍບໍ່ເຄີຍຖືກຈັບກຸມ ແລະ ບໍ່ເຄີຍຕອບກັບໝາຍເອີ້ນຂອງສານ ຊຶ່ງຄາດວ່າປະທານບໍລິຫານອາດຈະຖືກພິຈາລະນາຄະດີລັບຫຼັງກໍເປັນໄດ້.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: dailynews