ອົງກອນການກຸສົນທີ່ເຮັດວຽກດ້ານຊີວະການແພດຂອງອັງກິດໄດ້ຂໍ້ສະຫຼຸບຈາກການວິເຄາະຂໍ້ມູນທີ່ໄດ້ຈາກການສຳຫຼວດທັດສະນະຄະຕິຂອງປະຊາກອນປະມານ 140.000 ຄົນທົ່ວໂລກ ມີຫຼາຍກວ່າ 140 ປະເທດພົບວ່າ ຄົນໃນບາງພູມີພາກເກືອບຈະບໍ່ມີຄວາມເຊື່ອໝັ້ນໃນເລືອງຂອງການສີດວັກຊີນເລີຍ!.
ທັງນີ້ ຜົນການສຳຫຼວດດັ່ງກ່າວໄດ້ເຜີຍແຜ່ພ້ອມກັບທີ່ອົງການອະນາໄມໂລກທີ່ໄດ້ກຳນົດຄວາມລັງເລຂອງຜູ້ຄົນຕໍ່ການສີດວັກຊີຖືເປັນ 1 ໃນ 10 ໄພຄຸກຄາມດ້ານສາທາລະນະສຸກໂລກ ຂະນະທີ່ການສຳຫຼວດໃນ 142 ປະເທດດ້ວຍການສຳຫຼວດພາຍໃຕ້ຫົວຂໍ້ຕ່າງໆເຊັ່ນ ຄວາມເຊື່ອໝັ້ນໃນວິທະຍາສາດ ແລະ ຂໍ້ມູນທາງສາທາລະສະນຸກ ລະດັບຄວາມເຂົ້າໃຈ ແລະ ຄວາມສົນໃຈທາງວິທະຍາ ສາດ ແລະ ສາທາລະນະສຸກ ລວມທັງທັດສະນະຄະຕິທີ່ມີຕໍ່ວັກຊີນ ແລະ ອື່ນໆ.
ຂະນະທີ່ຜົນສຳຫຼວດພົບວ່າ ປະຊາກອນຈຳນວນຫຼາຍບໍ່ມີຄວາມເຊື່ອໝັ້ນໃນເລື່ອງວັກຊີນເລີຍ ແລະ ເມື່ອສອບຖາມເຖິງຄວາມປອດໄພຂອງວັກຊີນກໍພົບວ່າ
- 79% (8 ໃນ 10) ເຫັນວ່າຂ້ອນຂ້າງປອດໄພ ຫຼື ເຫັນດີຢ່າງຍິ່ງວ່າປອດໄພ
- 7% ຂ້ອນຂ້າງບໍ່ເຫັນດີ ຫຼື ບໍ່ເຫັນດີເລື່ອງຄວາມປອດໄພ
- 14% ທັງເຫັນດີ ແລະ ບໍ່ເຫັນດີ ຫຼື ບໍ່ຮູ້ເລີຍ
ຂະນະທີ່ຄຳຖາມທີ່ວ່າ ວັກຊີນໄດ້ຜົນ ຫຼ ບໍ່? ຊຶ່ງພົບວ່າ
- 84% ເຫັນດີເຫັນດີທີ່ສຸດ
- 5% ບໍ່ເຫັນດີ
- 12% ທັງເຫັນດີ ແລະ ບໍ່ເຫັນດີ ຫຼື ບໍ່ຮູ້ເລີຍ
ເປັນຫຍັງເລື່ອງນີ້ຈິ່ງສຳຄັນ? ມີຫຼັກຖານຊັດເຈນທາງວິທະຍາສາດທີ່ບົ່ງຊີ້ວ່າ ການສີດວັກຊີນເປັນວິທີທາງທີ່ດີທີ່ສຸດໃນການປ້ອງກັນການຕິດເຊື້ອພະຍາດຊຶ່ງອາດເຮັດໃຫ້ເຈັບປ່ວຍຫຼາຍພະຍາດເຖິງຂັ້ນເສຍຊີວິດ ທັງນີ້ ວັກຊີນຊ່ວຍປ້ອງກັນຄົນຫຼາຍພັນລ້ານຄົນທົ່ວໂລກບໍ່ໃຫ້ຕິດພະຍາດຮ້າຍ ແລະ ເຮັດໃຫ້ພະຍາດຮ້າຍຫຼາຍຊະນິດຫາຍໄປຈາກໂລກນີ້ຢ່າງຖາວອນ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: bbc.com/thai