ສຳນັກຂ່າວຕ່າງປະເທດລາຍງານເມື່ອວັນທີ 19 ມິຖຸນາຜ່ານມາໂດຍລະບຸວ່າ ບໍລິສັດເຟສບຸ໊ກຊຶ່ງຫາກໍ່ປະກາດເປີດໂຕສະກຸນເງິນດິ ຈິຕອລຊະນິດໃໝ່ເມື່ອວັນທີ 18 ມິຖຸນາ 2019 ຖືກເອີ້ນໂດຍຄະນະກຳມາທິການດ້ານການເງິນການທະນາຄານຂອງວຸດທິສະພາອາເມຣິກາໃຫ້ເຂົ້າໄປຊີ້ແຈງກໍລະນີສະກຸນເງິນໃໝ່ທີ່ມີຊື່ວ່າ “ລິບຣາ” ໃນວັນທີ 16 ກໍລະກົດທີ່ຈະເຖິງນີ້.
ໂຄສົກຂອງຄະນະກຳມາທິການລະບຸວ່າ ການສືບສວນດັ່ງກ່າວຈະເວົ້າເຖິງລາຍລະອຽດກ່ຽວກັບໂຄງການລິບຣາສະກຸນເງິນດິຈິຕອລ ຊຶ່ງເຟສບຸ໊ກປະກາດຈະເປີດນຳໃຊ້ໃນປີ 2020 ລວມເຖິງຄວາມວິຕົກກັງວົນກ່ຽວກັບຄວາມປ່ຽນແປງສ່ວນຕົວຂອງຂໍ້ມູນ ລາຍ ງານດຽວກັນລະບຸອີກວ່າ ຜູ້ທີ່ຄາດວ່າຈະເຂົ້າໃຫ້ການຕໍ່ຄະນະກຳມາທິການກໍຄື ເດວິດ ມາຣຄັສ ຜູ້ທີ່ດູແລໂຄງການບລ໋ອກເຊນຂອງເຟສບຸ໊ກ.
ທັງນີ້ ການປະກາດເປີດການສືບສວນດັ່ງກ່າວມີຂຶ້ນ 1 ວັນຫຼັງຈາກເຟສບຸ໊ກເປີດແຜນການສ້າງສະກຸນເງິນດິຈິຕອລເປັນຂອງຕົນ ເອງທີ່ມີຊື່ວ່າ ລິບຣາ ສະກຸນເງິນລັກສະນະດຽວກັບບິດຄອຍ ຊຶ່ງຈະມີສະມາພັນລິບຣາ ອົງກອນບໍ່ສະແຫວງຫາຜົນກຳໄລຊຶ່ງປະກອບດ້ວຍສະມາຊິກອົງກອນ ແລະ ບໍລິສັດຕ່າງໆທົ່ວໂລກກວ່າ 20 ບໍລິສັດເຂົ້າມາເຮັດໜ້າທີ່ກຳກັບດູແລ ຊຶ່ງສົ່ງຜົນໃຫ້ສະກຸນເງິນລິບຣາມີສະຖຽນລະພາບຫຼາຍກວ່າສະກຸນເງິນດິຈິຕອລທີ່ມີໃນຕະຫຼາດປັດຈຸບັນ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: matichon